നീലത്താമര എന്ന ഒരൊറ്റ സിനിമയിലൂടെ മലയാളികളുടെ ഹൃദയം കീഴടക്കിയ താരമാണ് അര്‍ച്ചന കവി. ഇന്ത്യയിലെ തന്നെ പ്രശസ്തനായ സ്റ്റാൻഡ് അപ് കൊമേഡിയനായ അബീഷുമായി 2016 ജനുവരിയിലായിരുന്നു അർച്ചനയുടെ വിവാഹം. ചെറുപ്പം മുതൽ പരിചയക്കാരായ അബീഷും അർച്ചനയും ബന്ധുക്കളും അടുത്ത സുഹൃത്തുക്കളും മാത്രം പങ്കെടുത്ത സ്വകാര്യ ചടങ്ങിൽ വെച്ചായിരുന്നു വിവാഹിതരായത്. എന്നാൽ വൈകാതെ ഇരുവരും വിവാഹമോചനം നേടി. ജീവിതത്തിൽ വ്യത്യസ്തമായ ആഗ്രഹങ്ങളാണ് തങ്ങൾ ആഗ്രഹിക്കുന്നതെന്ന് തിരിച്ചറിഞ്ഞതിനാലാണ് വിവാഹമോചനം നേടിയതെന്ന് അർച്ചന വ്യക്തമാക്കിയിരുന്നു. താൻ വിഷാദരോഗത്തിന് അടിമപ്പെട്ടിരുന്നെന്നും എന്നാൽ അതൊന്നും ആയിരുന്നില്ല വിവാഹമോചനത്തിന് കാരണമായതെന്നും അർച്ചന പിന്നീട് പറഞ്ഞിരുന്നു. വിവാഹമോചനം നേടിയപ്പോൾ വളരെ ബുദ്ധിമുട്ടായിരുന്നു. ഈ അവസ്ഥയിലായ ആദ്യത്തെ വ്യക്തി ഞാനാണെന്ന തോന്നൽ വരെ ഉണ്ടായി.

വിവാഹമോചിതയായിയെന്ന് പറയാൻ വരെ ബുദ്ധിമുട്ട് ആയിരുന്നു. എന്നാൽ ഇത്തരം അവസ്ഥയിലൂടെ കടന്നുപോകുന്ന നിരവധി പേരുണ്ടെന്ന് പിന്നീട് മനസിലായിയെന്നും അർച്ചന പിന്നീട് പറഞ്ഞിരുന്നു. വിവാഹ ശേഷം അഭിനയത്തില്‍ നിന്ന് വിട്ട് നിന്ന അര്‍ച്ചന കവി യൂട്യൂബിലും മറ്റ് സോഷ്യല്‍ മീഡിയയിലും സജീവമായിരുന്നു. യാത്രാ വ്ലോ​ഗുകൾ എല്ലാം വളരെ പെട്ടന്ന് ശ്രദ്ധിക്കപ്പെടുകയും ചെയ്തിരുന്നു. വിവാഹ മോചനത്തിന് ശേഷം സാമൂഹിക കാര്യങ്ങളിലും നിരന്തരം പ്രതികരിക്കുമായിരുന്നു അര്‍ച്ചന കവി. ഇപ്പോഴിത അർച്ചന പങ്കുവെച്ചൊരു വീ‍ഡിയോയാണ് ആരാധകർ ഏറ്റെടുക്കുന്നത്. സിം​ഗിൾ ലൈഫിനെ കുറിച്ചാണ് അർച്ചന വീഡിയോയിൽ പറയുന്നത്. വളരെ രസകരമായ വീഡിയോ ഇതിനോടകം വൈറലാണ്. വൈകുന്നേരം മനോരഹമായ ഒരു സൂര്യാസ്തമയം കാണാന്‍ അര്‍ച്ചന കവി പോയത് ഒരു പെണ്‍ സുഹൃത്തിനൊപ്പമാണ്. ഇത്രയും മനോഹരമായ ഒരു റൊമാന്റിക് സാഹചര്യത്തില്‍ താന്‍ തനിച്ചായല്ലോയെന്ന് പറഞ്ഞ് ചിരിച്ചുകൊണ്ട് കരയുന്ന വീഡിയോയാണ് അര്‍ച്ചന പങ്കുവെച്ചിരിക്കുന്നത്. സിംഗിള്‍ ലൈഫിലെ വിഷമങ്ങള്‍ എന്നാണ് വീഡിയോയ്ക്ക് അര്‍ച്ചന ക്യാപ്ഷന്‍ നല്‍കിയിരിയ്ക്കുന്നത്. വീഡിയോയിലെ അര്‍ച്ചനയുടെ ഭാവങ്ങളും മലയാളവും ഹിന്ദിയും ഇംഗ്ലീഷും ഇടകലര്‍ത്തിയുള്ള സംസാരവും കേള്‍ക്കാന്‍ രസമാണ് എന്നാണ് വീ‍ഡിയോ കണ്ടവരെല്ലാം കമന്റ് ചെയ്തിരിക്കുന്നത്.