സോഷ്യൽമീഡിയ വഴി താരമായ വ്യക്തിയാണ് ബഷീർ ബഷി. ബഷീർ ബഷിയെ പ്രേക്ഷകർ അടുത്തറിയാൻ തുടങ്ങിയത് ബഷീർ ബി​ഗ് ബോസിൽ മത്സരാർഥിയായി എത്തിയ ശേഷമാണ്. ബി​ഗ് ബോസ് മലയാളം ആദ്യമായി ആരംഭിച്ചപ്പോൾ ആദ്യത്തെ സീസണിൽ മത്സരാർഥികളായി എത്തിയവരിൽ ഒരാൾ ബഷീർ ബഷിയായിരുന്നു. മോഡൽ എന്ന നിലയിലാണ് ബഷീർ ബി​ഗ് ബോസിൽ മത്സരിക്കാനെത്തിയത്. ബി​ഗ് ബോസ് നാല് സീസണുകൾ പിന്നിട്ടെങ്കിലും എല്ലാ പ്രേക്ഷകർക്കും ഒരുപോലെ ഇഷ്ടമുള്ള ഒരു സീസൺ ആദ്യത്തെ സീസണാണ്. ബി​ഗ് ബോസിൽ വന്ന ശേഷമാണ് ആരാധകരുടെ കാര്യത്തിലും ബഷീർ വളരെ മുന്നിലായത്. നന്നായി കളിച്ച് മുന്നേറിയെങ്കിലും ബഷീർ ബഷിക്ക് ഫൈനൽ എത്തും മുമ്പെ പുറത്ത് പോകേണ്ടി വന്നിരുന്നു. ബി​ഗ് ബോസിൽ വന്നപ്പോഴാണ് തനിക്ക് രണ്ട് ഭാര്യമാരുണ്ടെന്ന വിവരവും ബഷീർ ബഷി പരസ്യപ്പെടുത്തിയത്. ബി​ഗ് ബോസിൽ നിന്ന് വന്നശേഷം സോഷ്യൽമീഡിയ വഴിയാണ് ബഷീർ വിശേഷങ്ങൾ പങ്കുവെക്കുന്നത്. രണ്ട് ഭാര്യമാരും അവരുടെ മക്കളും ബഷീറിന് ഒപ്പം തന്നെയാണ് താമസിക്കുന്നത്.

ആദ്യത്തെ വിവാഹം കഴിഞ്ഞ് വർഷങ്ങൾക്ക് ശേഷമാണ് ആദ്യ ഭാര്യയുടെ സമ്മതത്തോടെ ബഷീർ വീണ്ടും വിവാഹിതനായത്. ആദ്യത്തെ ഭാര്യ സുഹാനയിൽ രണ്ട് മക്കളുണ്ട് ബഷീറിന്. രണ്ടാം ഭാര്യ മഷൂറ ഇപ്പോൾ ​ഗർഭിണിയാണ്. ഇപ്പോഴിത ബഷീറിനേയും ഭാര്യമാരേയും വളരെ ക്രൂരമായി അപമാനിച്ചുകൊണ്ട് ഒരു സത്രീ സോഷ്യൽമീഡിയയിൽ പങ്കുവെച്ച വീഡിയോയാണ് വൈറലാകുന്നത്. ബഷീര്‍ ബഷിയുടെ എരുമക്കുട്ടികളാണ് അയാളുടെ ഭാര്യമാർ എന്ന് പറഞ്ഞുകൊണ്ടാണ് സ്ത്രീയുടെ വീഡിയോ ആരംഭിക്കുന്നത്. 'സ്ക്രോൾ ചെയ്തപ്പോൾ കണ്ട വീഡിയോയാണ്. രണ്ട് എരുമ കുട്ടികൾ ചേർന്ന് നിന്നിട്ട് പറയുകയാണ് ഞങ്ങളെ നോക്കി ഈ ലോകം മുഴുവൻ അസൂയപ്പെടുന്നുവെന്ന്.' 'ഇങ്ങനെ ചേർന്ന് ജീവിക്കാൻ സാധിച്ചതിൽ അത്രയധികം സന്തോഷമുണ്ട് അസൂയപ്പെടൂവെന്ന്.... അസൂയയല്ല രണ്ടുപേരോടും സഹതാപവും പുച്ഛവുമാണ്. സെൽഫ് റെസ്പെക്ട് ഇല്ലാത്ത രണ്ട് തരുണി മണികളെ കണ്ടു. എങ്ങ‌നെയാകരുത് എന്നതിന്റെ ഉദാഹരണങ്ങളാണ് നിങ്ങൾ രണ്ടെണ്ണം.' 'നാണമുണ്ടോടി കോവർ കഴുതകളെ... ഛീ...' എന്ന് പറഞ്ഞാണ് ബഷീർ ബഷിയുടെ ഭാര്യമാരെ പരിഹസിച്ചുള്ള സ്ത്രീയുടെ വീഡിയോ അവസാനിക്കുന്നത്. വീഡിയോ ഇതിനോടകം പതിനേഴ് ലക്ഷത്തിലധികം ആളുകൾ കണ്ട് കഴിഞ്ഞു. ആ സ്ത്രീയുടെ വീഡിയോ വൈറലായതോടെ റിയാക്ഷൻ വീഡിയോ ചെയ്യുന്ന യുട്യൂബർമാരും ബഷീർ ബഷി ആരാധകരും സ്ത്രീക്കെതിരെ രം​ഗത്തെത്തിയിരിക്കുകയാണ്.