ഗായിക അമൃത സുരേഷിനെപ്പോലെ തന്നെ പ്രേക്ഷകർക്ക് സുപരിചിതയാണ് സഹോദരി അഭിരാമി സുരേഷും. ചേച്ചി അമൃത സുരേഷിനെ പോലെ തന്നെ നല്ലൊരു ​ഗായികയും സം​ഗീത സംവിധായികയുമൊക്കെയാണ് അഭിരാമി. അഭിനയത്തിലും കഴിവ് തെളിയിച്ചിട്ടുണ്ട് താരം. ചെറുപ്പം മുതൽ ചില സീരിയലുകളിലും സിനിമകളിലും അഭിനയിച്ചിട്ടുണ്ട് അഭിരാമി. അമൃതയ്ക്കൊപ്പം മ്യൂസിക്ക് ബാൻഡുമായി എത്തിയപ്പോഴാണ് പിന്നെ അഭിരാമി ശ്രദ്ധിക്കപ്പെടുന്നത്. അതിന് ശേഷം ബി​ഗ് ബോസ് മലയാളം സീസൺ 2 വിൽ മത്സരാർത്ഥിയായി എത്തിയതോടെ താരം കൂടുതൽ ശ്രദ്ധനേടി. വൈൽഡ് കാർഡ് എൻട്രിയായി അമൃതയ്ക്ക് ഒപ്പമാണ് അഭിരാമി ബിഗ് ബോസിലേക്ക് എത്തിയത്. അതോടെ ഇരുവർക്കും കൂടുതൽ പ്രേക്ഷക പിന്തുണ ലഭിച്ചു. സോഷ്യല്‍ മീഡിയയിൽ നിരന്തരം സൈബര്‍ ആക്രമണങ്ങൾക്ക് വിധേയരാവേണ്ടിയും വന്നിരുന്നു ഇവർക്ക്. അതിനോടെല്ലാം ശക്തമായി പ്രതികരിച്ച് കയ്യടി വാങ്ങിയത് അഭിരാമി ആയിരുന്നു. തന്റെ ജീവിതത്തിലെ വിശേഷങ്ങൾ അഭിരാമി ആരാധകരുമായി പങ്കുവെയ്ക്കാറുണ്ട്. അത്തരത്തിൽ സംഭവിച്ച ഒരു കാര്യം അഭിരാമി തുറന്നു പറയുകയാണ്. ഞെട്ടിക്കുന്ന അനുഭവമാണ് താരം വെളിപ്പെടുത്തിയത്. അഭിരാമിക്ക് ഏകദേശം 16 വയസ്സുള്ളപ്പോൾ ഒരു അമ്പലം സന്ദർശിക്കുകയും അവിടെ വെച്ച് അഭിരാമി പുരുഷന്മാരുടെ ശബ്ദത്തിൽ സംസാരിച്ചു എന്നുമാണ് അഭിരാമിയുടെ അമ്മ പറഞ്ഞത്. ചേർത്തലയിലെ ഒരു ക്ഷേത്രത്തിൽ വച്ചായിരുന്നു ഇക്കാര്യം നടന്നത്. അവിടെ പെരുവിരൽ നോക്കി നമ്മളുടെ ഇതുവരെയുള്ള ജീവിതത്തിലെ മുഴുവൻ ചരിത്രവും പറയുന്ന ഒരു സ്വാമി ഉണ്ടായിരുന്നു. ആ സ്വാമിയെ ഒരിക്കൽ നേരിൽ കണ്ട കഥയാണ് അഭിരാമി പറഞ്ഞത്. അമ്മയും ചേച്ചിയും പറഞ്ഞുള്ള അറിവാണ് അഭിരാമി വെളിപ്പെടുത്തിയത്. ഒരിക്കൽ ആ അമ്പലത്തിൽ പോയി. അവിടെ വെച്ച് സ്വാമി അഭിരാമിയോട് എത്ര വയസ്സ് ഉണ്ടെന്ന് ചോദിച്ചപ്പോൾ 16 വയസ്സുള്ള അഭിരാമി പറഞ്ഞത് 13 വയസ്സ് എന്നായിരുന്നു. മാറ്റിപ്പറയാൻ പറഞ്ഞപ്പോൾ അഭിരാമി തന്റെ വാക്കിൽ ഉറച്ചുനിന്നു. തുടർന്ന് അഭിരാമിയെ അകത്തുകൊണ്ടുപോയി തീർത്ഥം തളിച്ചു. തുടർന്ന് അഭിരാമി പുരുഷ ശബ്ദത്തിൽ സംസാരിക്കാൻ തുടങ്ങുകയും 13 വയസ്സ് മുതൽ അഭിരാമിയെ ഇഷ്ടമാണെന്നും ശരീരത്തിൽ നിന്നും പോകില്ലെന്നും ആ ശബ്ദം പറഞ്ഞു. ഈ ശരീരത്തിൽ ഇതൊന്നും പറ്റില്ല എന്ന് ഇറങ്ങി പോകണമെന്ന് പറഞ്ഞപ്പോൾ അഭിരാമി ബോധം കെട്ട് വീഴുകയായിരുന്നുവെന്നുമായിരുന്നു താരത്തിന്റെ വെളിപ്പെടുത്തൽ.