സുരേഷ് ഗോപിയെ അടുത്ത മുഖ്യമന്ത്രി ആക്കാനാണ് ആഗ്രഹിക്കുന്നത്! നല്ല വിശ്വാസമുണ്ട്.. എല്ലാവരും അദ്ദേഹത്തെ പിന്തുണയ്ക്കും.. മനുഷ്യത്വമുള്ള ആരെങ്കിലും ആ കമ്മിറ്റിയില് വേണമെന്ന് കേന്ദ്രത്തിന് തോന്നിയിട്ടുണ്ടാകും... സുരേഷ് ഗോപിയിലൂടെ പാര്ട്ടിയുടെ ഇപ്പോഴത്തെ മുരടിപ്പില് മോചനമുണ്ടാകും; തുറന്ന് പറഞ്ഞ് സംവിധായകന് രാമസിംഹന്
സുരേഷ് ഗോപിയെ ബി.ജെ.പി. സംസ്ഥാന കോര് കമ്മിറ്റിയില് ഉള്പ്പെടുത്തിയേക്കാൻ സാധ്യതയെന്ന റിപ്പോർട്ടുകൾ പുറത്ത് വരുകയാണ്. കോര് കമ്മിറ്റി വിപുലപ്പെടുത്താന് കേന്ദ്രനേതൃത്വം സംസ്ഥാന ഘടകത്തോട് നിര്ദേശിച്ചിരുന്നു. പാര്ട്ടി പ്രവര്ത്തനത്തില് സുരേഷ് ഗോപിയുടെ പങ്കാളിത്തം കൂടുതല് ഉറപ്പുവരുത്തുന്നതിന്റെ ഭാഗമായാണ് നീക്കം.സംസ്ഥാന ബി.ജെ.പി. നേതൃത്വത്തിലേക്ക് സുരേഷ് ഗോപിയെ ഉള്പ്പെടുത്തണമെന്ന ആവശ്യം കേന്ദ്രനേതൃത്വത്തിന് മുന്പേ തന്നെ ഉണ്ടായിരുന്നു. അതിനാലാണ് സംസ്ഥാനത്തെ കോര് കമ്മിറ്റി വിപുലീകരിക്കാനുള്ള അനുമതി ദേശീയ അധ്യക്ഷന് സംസ്ഥാന അധ്യക്ഷന് നല്കിയിരുന്നത്. എന്നാലിപ്പോഴിതാ സുരേഷ് ഗോപിയെ അടുത്ത മുഖ്യമന്ത്രി ആക്കാനാണ് ആഗ്രഹിക്കുന്നതെന്ന് തുറന്ന് പറയുകയാണ് സംവിധായകന് രാമസിംഹന് അബൂബക്കര്. സുരേഷ് ഗോപി ബിജെപി കോര് കമ്മിറ്റിയിലേക്ക് വരുന്നതിനെ സ്വാഗതം ചെയ്താണ് സംവിധായകന് സംസാരിച്ചത്.
സുരേഷ് ഗോപിയെ കോര് കമ്മിറ്റിയില് ഉള്പ്പെടുത്തിയതില് താന് സന്തോഷിക്കുന്നു. മനുഷ്യത്വമുള്ള ആരെങ്കിലും ആ കമ്മിറ്റിയില് വേണമെന്ന് കേന്ദ്രത്തിന് തോന്നിയിട്ടുണ്ടാകും. സുരേഷ് ഗോപിയിലൂടെ പാര്ട്ടിയുടെ ഇപ്പോഴത്തെ മുരടിപ്പില് മോചനമുണ്ടാകും. എല്ലാ പ്രവര്ത്തകരും അദ്ദേഹത്തിനൊപ്പമുണ്ടാകും. സമൂഹം അംഗീകരിക്കുന്നവര് പാര്ട്ടി നേതൃത്വത്തിലേക്ക് വരണം. ചേരി തിരിഞ്ഞ് ഗ്രൂപ്പുകളായി പ്രവര്ത്തിക്കുന്നവര് അല്ല, മനുഷ്യന്റെ പ്രശ്നങ്ങള് അറിയുന്നവര് നേതൃനിരയിലേക്ക് വരണം. അദ്ദേഹത്തെ തങ്ങള് മുഖ്യമന്ത്രിയായിട്ടാണ് കാണുന്നത്. ഭാവിയിലൊരു മുഖ്യമന്ത്രിയായാല് എന്താണ് കുഴപ്പമുള്ളത്. അദ്ദേഹം മുഖ്യമന്ത്രിയാകണം എന്നാണ് തങ്ങള് ആഗ്രഹിക്കുന്നത്. നല്ല വിശ്വാസമുണ്ട്. എല്ലാവരും അദ്ദേഹത്തെ പിന്തുണയ്ക്കും എന്നാണ് രാമസിംഹന് പറയുന്നത്. ഒരു അഭിമുഖത്തിലായിരുന്നു രാമസിംഹന്റെ തുറന്ന് പറച്ചിൽ പുറത്ത് വന്നത്.
https://www.facebook.com/Malayalivartha
