തീയറ്ററിൽ നിറഞ്ഞൊടുകയാണ് മമ്മൂട്ടിയുടെ റോഷാക്ക് . അക്ഷരാർത്ഥത്തിൽ ഈ സിനിമ ഒരു പരീക്ഷണ സിനിമയാണ്. എല്ലാ സിനിമകളും ഒരു തരത്തില്‍ അല്ലെങ്കില്‍ മറ്റൊരുതരത്തില്‍ പരീക്ഷണങ്ങള്‍ തന്നെയാണ്. എന്നാല്‍ റോഷാക്കിന്‍റേത് വേറിട്ട സഞ്ചാരപാതയാണ്. ആ വ്യത്യസ്തതയ്ക്ക് പ്രേക്ഷകർ പ്രതീക്ഷിച്ചതിനേക്കാള്‍ മികച്ച പ്രതികരണമാണ് നല്‍കിയത്. അബുദാബിയിലെ റോഷാക്ക് സക്‌സസ് സെലിബ്രേഷനു ശേഷം നടന്ന പ്രസ് മീറ്റില്‍ മമ്മൂട്ടിയുടെ വാക്കുകൾ ഇങ്ങനെയായിരുന്നു. സിനിമ ഉണ്ടാകുന്നതിന് മുമ്പ് തന്നെ ക്രൈമുമുണ്ടെന്നായിരുന്നു മമ്മൂട്ടി പറഞ്ഞത്. നരബലി സംഭവത്തെ കുറിച്ച് പറഞ്ഞാണ് മമ്മൂട്ടി സംസാരിച്ചത്. നരബലി സംഭവത്തില്‍ പ്രതിയായത് സര്‍വസമ്മതനായ, എല്ലാവരും ഇഷ്ടപ്പെടുന്ന ഒരാളാണ് എന്നാണ് മമ്മൂട്ടി പറയുന്നത്. സിനിമ മനുഷ്യമനസുകളെ സ്വാധീനിക്കാറുണ്ട്. ഈ സിനിമയില്‍ തിന്മയുള്ളവര്‍ മാത്രമല്ല, അവര്‍ക്കുള്ളില്‍ നന്മയുമുണ്ട്. എല്ലാ മനുഷ്യരിലും നന്മയും തിന്മയുമുണ്ട്. നരബലി സംഭവത്തില്‍ പ്രതിയായത് സര്‍വസമ്മതനായ, എല്ലാവരും ഇഷ്ടപ്പെടുന്ന ഒരാളാണ്. അയാള്‍ ഇങ്ങനൊരു ക്രൈം ചെയ്യുമെന്ന് ആരും കരുതിയിട്ടില്ല. സിനിമ ഉണ്ടാകുന്നതിന് മുമ്പേ മനുഷ്യനും ക്രൈമുമുണ്ട്. ഈ സിനിമയിലും നന്മയും തിന്മയുമുണ്ട്. എല്ലാ കഥാപാത്രങ്ങളിലും എവിടെയൊക്കെയോ നന്മയുണ്ട് എന്നാണ് മമ്മൂട്ടി പറയുന്നത്. അതേസമയം, സിനിമ കണ്ടവര്‍ വീണ്ടും കാണണമെന്നും മമ്മൂട്ടി അഭ്യര്‍ത്ഥിച്ചു.