എന്ടിആറിന് ആദരവ് അര്പ്പിക്കാന് എന്ടിആര് ഘട്ടില് എത്തി ജൂനിയര് എന്ടിആര്
നൂറാം ജന്മദിനത്തില് എന്ടിആറിന് ആദരവ് അര്പ്പിക്കാന് എന്ടിആര് ഘട്ടില് എത്തി തെലുങ്ക് സൂപ്പര് സ്റ്റാര് ജൂനിയര് എന്ടിആര്. ഞായറാഴ്ച രാവിലെ അന്തരിച്ച നന്ദമുരി എന്ടിആറിന്റെ ശതാബ്ദിയോടനുബന്ധിച്ച് പ്രാര്ത്ഥിക്കാനും ആദരാഞ്ജലികള് അര്പ്പിക്കാനുമാണ് ജൂനിയര് എന്ടിആര് എത്തിയത്. എന്നാല് സ്ഥലത്ത് തടിച്ചുകൂടിയ ആരാധകരുടെ പെരുമാറ്റം ശരിക്കും വിമര്ശനം ഏറ്റുവാങ്ങിയിരിക്കുകയാണ്.
ഇപ്പോള് വൈറലായിക്കൊണ്ടിരിക്കുന്ന ഒരു വീഡിയോയില്, ജൂനിയര് എന്ടിആര് വെള്ള വസ്ത്രം ധരിച്ച് തന്റെ അംഗരക്ഷകര്ക്കൊപ്പം എന്ടിആറിന്റെ അന്ത്യവിശ്രമ സ്ഥലത്തേക്ക്എത്തുന്നത് കാണാം. എന്നാല് ആരാധകരുടെ വന് കൂട്ടമാണ് അവിടെ തടിച്ചുകൂടിയത്. ഇവരുടെ തിരക്കില് സമാധിഘട്ടിന് അടുത്ത് എത്താന് പോലും ജൂനിയര് എന്ടിആര് കഷ്ടപ്പെടുന്നുണ്ടായിരുന്നു. ജനക്കൂട്ടത്തിനിടയില് പെട്ടിട്ടും ജൂനിയര് എന്ടിആര് വളരെ ശാന്തനായിരുന്നു. ജനങ്ങള് ഒതുങ്ങാനും വഴിക്ക് വേണ്ടിയും അദ്ദേഹം ക്ഷമയോടെ കാത്തിരിക്കുന്നത് വീഡിയോയില് കാണാം. എന്നാല് ഒടുവില് സുരക്ഷ ജീവനക്കാരും പൊലീസും ഇടപെട്ട് താരകിനെ സമാധിക്ക് അടുത്ത് എത്തിക്കുകയായിരുന്നു.
സോഷ്യല് മീഡിയയില് വീഡിയോ വൈറലായതോടെ ജൂനിയര് എന്ടിആറിനോട് ഫാന്സ് നടത്തിയതിനെ രുക്ഷമായി പലരും വിമര്ശിച്ചു. 'ആളുകള്ക്ക് സാമാന്യബുദ്ധി തീരെയില്ല.. ആ മനുഷ്യനെ എന്തിനാണ് ഇത്ര ബുദ്ധിമുട്ടുന്നത്'. 'പാവം,അദ്ദേഹത്തിന് മുത്തച്ഛന്റെ ആത്മാവിന് ശരിയായി ആദരവ് അര്പ്പിക്കാന് പോലും കഴിയില്ല,' മറ്റൊരാള് എഴുതി.
'സഹിഷ്ണുതയ്ക്കും ഒരു പരിധിയുണ്ട്' എന്നാണ് മറ്റൊരു ഉപയോക്താവ് പ്രതികരിച്ചത്.മുന് ആന്ധ്ര മുഖ്യമന്ത്രിയും സൂപ്പര്താരവുമായ എന്ടിആറിന്റെ കൊച്ചുമകനാണ് താരക് എന്ന് അറിയപ്പെടുന്ന ജൂനിയര് എന്ടിആര്. എന്ടിആറിന്റെ നാലമത്തെ മകന് ഹരികൃഷ്ണയുടെ മകനാണ് താരക്.നന്ദമൂരി കുടുംബം തെലുങ്ക് സിനിമയിലെ നെടുംതൂണ് എന്ന് വിശേഷിപ്പിക്കാവുന്നവരാണ്.
https://www.facebook.com/Malayalivartha
