സോഷ്യല് മീഡിയയില് തരംഗമായി മാറിയ ത്രഡ്സിൽ പ്രിയ താരങ്ങളും
സോഷ്യല് മീഡിയയില് തരംഗമായി മാറിയിരിക്കുകയാണ് ത്രഡ്സ്. ലോഞ്ച് ചെയ്ത് മണിക്കൂറുകള്ക്കകം തന്നെ മലയാളത്തിലെ സൂപ്പര് താരങ്ങളടക്കം ത്രഡ്സില് സജീവമായിരിക്കുകയാണ്. ഇക്കൂട്ടത്തില് താരരാജാവ് മോഹൻലാലും എത്തിക്കഴിഞ്ഞു. ഞൊടിയിടയില്തന്നെ നിരവധി പേരാണ് താരത്തെ ഫോളോ ചെയ്തിരിക്കുന്നത്. നിലവില് ഏറ്റവും കൂടുതല് ഫോളോവേഴ്സ് ത്രെഡ്സിലുള്ള മലയാള താരങ്ങളിലൊരാളാണ് മോഹൻലാല്.
ഇതിനോടകം തന്നെ മോഹൻലാലിന് 1.45 ലക്ഷം ഫോളോവേഴ്സായി കഴിഞ്ഞു. എന്നാല് സോഷ്യല് മീഡിയയില് സജീവമായ മെഗാസ്റ്റാര് മമ്മൂട്ടി ഇതുവരെ ത്രഡ്സില് എത്തിയിട്ടില്ല. മെഗാസ്റ്റാറിന്റെ വരവിനായി കാത്തിരിക്കുകയാണ് ആരാധകരും സോഷ്യല് മീഡിയയും. എന്നാല് ഇതിനോടകം തന്നെ 'മമ്മൂട്ടിക്കമ്ബനി' അക്കൗണ്ട് എടുത്ത് കഴിഞ്ഞതും ആരാധകരെ അക്ഷമരാക്കിയിരിക്കുകയാണ്.
മോളിവുഡിനൊപ്പം മറ്റു ഭാഷയിലെ താരങ്ങളും ത്രെഡ്സില് അക്കൗണ്ട് തുടങ്ങിക്കഴിഞ്ഞു. നടിമാരായ തമന്ന ഭാട്ടിയ, പരിനീതി ചോപ്ര, സണ്ണി ലിയോണി, തപ്സി പന്നു, മൃണാല് താക്കൂര് തുടങ്ങിയവരും ത്രെഡ്സില് അക്കൗണ്ട് തുടങ്ങിയിട്ടുണ്ട്. എന്തായാലും പുതിയ പ്ലാറ്റ്ഫോമിലേക്കുള്ള താരങ്ങളുടെ വരവിനെ ഇരുകൈയ്യും നീട്ടിയാണ് സോഷ്യല് മീഡിയ സ്വീകരിച്ചിരിക്കുന്നത്.
https://www.facebook.com/Malayalivartha
