മാസ്സ് ഡയലോഗുകൾ കൊണ്ട് പ്രേക്ഷക ഹൃദയം കവർന്നെടുത്ത ആക്ഷൻ ഹീറോ ആണ് സുരേഷ് ഗോപി. മലയാളികൾക്ക് സിനിമയ്ക്കപ്പുറം നിരവധി സന്നദ്ധ പ്രവർത്തനങ്ങൾ ചെയ്യുന്ന ആളുകൂടെയാണ് സുരേഷ് ഗോപി. പാവങ്ങളുടെ ജീവിതത്തിലേക്ക് ഇറങ്ങി ചെന്ന് വേണ്ട സഹായം ചെയ്യാനും ഈ മനുഷ്യ സ്നേഹിക്കു ഒരു മടിയും കാണില്ല. സുരേഷ് ഗോപിയുടെ രാഷ്ട്രീയത്തോടും അദ്ദേഹത്തിന്റെ ചിന്തകളോടും എതിർപ്പുള്ളവർ പോലും അദ്ദേഹത്തിലെ മനുഷ്യനെ അതിയായി സ്നേഹിക്കുന്നുണ്ട്. സുരേഷ് ഗോപി ആരാണെന്ന് ചോദിച്ചാൽ നല്ലൊരു മനുഷ്യസ്നേഹി എന്ന് പറയാനാണ് ഭൂരിഭാഗം മലയാളികളും ഇഷ്ടപ്പെടുന്നത്.

സ്വന്തം സമ്പാദ്യത്തിൽ നിന്ന് പണമെടുത്താണ് സഹജീവികളെ താരം സഹായിക്കുന്നത്. അദ്ദേഹത്തിന്റെ നന്മ പ്രവ‍ൃത്തിയുടെ ഫലം അനുഭവിക്കുന്ന നിരവധിപേർ കേരളത്തിൽ അങ്ങോളമിങ്ങോളമുണ്ട്. ഇപ്പോഴിതാ താരത്തിന്റെ മൂത്തമകൾ ഭാഗ്യ സുരേഷ് വിവാഹിതയാകാൻ പോവുകയാണ്. ശ്രേയസ് മോഹനാണ് വരൻ. ഇരുവരുടെയും വിവാഹനിശ്ചയം കഴിഞ്ഞു. സുരേഷ് ഗോപിയുടെ തിരുവനന്തപുരത്തെ വീട്ടിൽവെച്ചായിരുന്നു ചടങ്ങ് നടന്നത്.

മാവേലിക്കര സ്വദേശികളായ മോഹന്റെയും ശ്രീദേവിയുടെയും മകനായ ശ്രേയസ് ബിസിനസുകാരനാണ്. വിവാഹം ജനുവരി 17ന് ഗുരുവായൂരിൽ വച്ച് നടക്കും. റിസപ്ഷൻ ജനുവരി 20നും. തിരുവന്തപുരം ഗ്രീൻഫീൽഡ് സ്റ്റേഡിയത്തിൽവച്ചാകും മറ്റ് പരിപാടികൾ നടക്കുക. ബ്രിട്ടിഷ് കൊളംബിയ സർവകലാശാലയിൽ നിന്നുമാണ് ഭാഗ്യ ബിരുദം പൂർത്തിയാക്കിയത്. യുബിസി സൗഡെർ സ്കൂൾ ഓഫ് ബിസിനസിലായിരുന്നു പഠനം.

അതിനിടെ കഴിഞ്ഞ ദിവസം സുരേഷ് ഗോപി കുടുംബസമേതം കൊല്ലൂർ മൂകാംബിക ക്ഷേത്രം സന്ദർശിച്ച് നവ ചണ്ഡികാ ഹോമം നടത്തിയിരുന്നു. അരലക്ഷത്തോളം രൂപ ചിലവഴിച്ചാണ് താരം ക്ഷേത്രത്തിൽ നവ ചണ്ഡികാ ഹോമം നടത്തിയത്. നല്ലൊരു വിശ്വാസി കൂടിയായ അദ്ദേഹം കുടുംബത്തോടൊപ്പം മൂകാംബിക സന്ദർശിച്ചത് മകളുടെ വിവാഹനിശ്ചയത്തിനുള്ള ഒരുക്കത്തിന്റെ ഭാഗമായിരിക്കുമെന്നാണ് ആരാധകരുടെ കണ്ടെത്തൽ.

കുടുംബത്തിൽ നല്ല കാര്യങ്ങൾ സംഭവിക്കുന്നതിന് മുമ്പ് ഇഷ്ടദൈവത്തിന്റെ അനുഗ്രഹത്തിനായി പ്രാർത്ഥനയും ഹോമവും നടത്തിയതായിരിക്കുമെന്നും കമന്റുകളുണ്ട്. അതുപോലെ തന്നെ സുരേഷ് ഗോപിയും കുടുംബവും നടത്തിയ നവ ചണ്ഡികാ ഹോമം എന്താണെന്നാണ് ഒരു വിഭാഗം ആരാധകർ തിരയുന്നത്. മൂകാംബിക ക്ഷേത്രത്തിലെ ഒരു മുഖ്യ വഴിപാടാണ് നവ ചണ്ഡികാ ഹോമം.

കാര്യസിദ്ധി, ശത്രുസംഹാരം, ഐശ്വര്യം, സർവകാര്യ വിജയം തുടങ്ങിയവയ്ക്കാണ് പ്രധാനമായും ചണ്ഡികാ ഹോമം നടത്തുന്നത്. ജീവിതത്തിലെ എല്ലാ തടസങ്ങളെയും മറികടക്കാൻ ഇത് സഹായിക്കുന്നുവെന്നും ഈ ഹോമം വീട്ടിൽ സമാധാനം പുനസ്ഥാപിക്കാനും ജീവിത വിജയം നൽകാനും സഹായിക്കുന്നു എന്നുമാണ് വിശ്വാസം. 45000 രൂപ വരെയാണ് ഈ ഹോമത്തിന്റെ ചിലവ് എന്നാണ് സുരേഷ് ഗോപിയും കുടുംബവുമൊത്ത് ഹോമത്തിൽ പങ്കെടുക്കുന്ന ദൃശ്യങ്ങൾ വന്നത് മുതൽ സോഷ്യൽ മീഡിയ കണ്ടെത്തിയിരിക്കുന്നത്.

സുരേഷ് ഗോപി പെട്ടെന്ന് ഹോമം നടത്തിയതുമായി ബന്ധപ്പെട്ട് രസകരമായ നിരവധി കമന്റുകളും പ്രത്യക്ഷപ്പെട്ടിരുന്നു. പേരും പ്രശസ്തിയും ഇനിയും ലഭിക്കാനാണോ അതോ ശത്രുക്കളിൽ നിന്നുള്ള സംരക്ഷണത്തിനാണോ സുരേഷേട്ടൻ ഇത്രയും കാശ് ചിലവാക്കി ഈ ഹോമം നടത്തിയത് എന്നൊക്കെയായിരുന്നു സോഷ്യൽമീഡിയയിൽ വന്ന ചോദ്യങ്ങൾ.

കുടുംബത്തിനാണ് സുരേഷ് ഗോപിയുടെ ജീവിതത്തിൽ എന്നും പ്രധാന്യം. മക്കളെയും ഭാര്യയേയും കുറിച്ച് അഭിമുഖങ്ങളിൽ വാതോരാതെ സംസാരിക്കാറുണ്ട് താരം. ലക്ഷ്മി എന്ന മകളെ വളരെ ചെറുപ്പത്തിൽ തന്നെ നഷ്ടപ്പെട്ടത് എന്നും തനിക്ക് വേദനയാണെന്ന് സുരേഷ് ഗോപി പറയാറുണ്ട്. അടുത്തിടെ ഭാഗ്യ ബിരുദം നേടുന്ന ചിത്രങ്ങൾ സോഷ്യൽ മീഡിയയിൽ ശ്രദ്ധ നേടിയത്. തന്റെ പ്രിയപ്പെട്ടവർക്കൊപ്പമുള്ള ചിത്രങ്ങളും ഭാഗ്യ അതിനൊപ്പം ഷെയർ ചെയ്തിരുന്നു. കേരള സാരി അണിഞ്ഞാണ് ഭാഗ്യ ചടങ്ങിനെത്തിയത്. ആ ചിത്രത്തിൽ . ബോഡി ഷെയ്മിങ് ചെയ്ത വിമർശകന് കുറിക്കു കൊള്ളുന്ന മറുപടിയുമായി ഭാഗ്യ സുരേഷ് രംഗത്ത് എത്തുകയും ചെയ്തു.