സിനിമാലോകത്തോട് വിടപറഞ്ഞ സംവിധായകന് സിദ്ദിഖിന്റെ ഭൗതികശരീരം പൊതുദര്ശനത്തിനായി കടവന്ത്ര രാജീവ് ഗാന്ധി ഇന്ഡോര് സ്റ്റേഡിയത്തില് എത്തിച്ചു... സിനിമാ മേഖലയിലെ നിരവധി പേര് അന്ത്യാജ്ഞലി അര്പ്പിച്ചു
സിനിമാലോകത്തോട് വിടപറഞ്ഞ സംവിധായകന് സിദ്ദിഖിന്റെ ഭൗതികശരീരം പൊതുദര്ശനത്തിനായി കടവന്ത്ര രാജീവ് ഗാന്ധി ഇന്ഡോര് സ്റ്റേഡിയത്തില് എത്തിച്ചു.
പുലര്ച്ചെ ഒരു മണിയോടെയാണ് എറണാകുളം കാക്കനാട് പള്ളിക്കരയിലെ വീട്ടില് എത്തിച്ചു. അതിനുശേഷം മൃതദേഹം ഒന്പത് മണിയോടെയാണ് പൊതുദര്ശനത്തിനായി സ്റ്റേഡിയത്തിലേയ്ക്ക് കൊണ്ടുവന്നത്. സിനിമാ മേഖലയിലെ നിരവധി പേര് അന്ത്യാജ്ഞലി അര്പ്പിച്ചു.
സംവിധായകരായ കമല്, സിബി മലയില് നടന്മാരായ ലാല്, ജയറാം, വിനീത്, നിര്മാതാവ് സിയാദ് കോക്കര്, സുഹൃത്ത് റഹ്മാന് തുടങ്ങിയവര് ഇന്ഡോര് സ്റ്റേഡിയത്തിലെത്തി.
കഴിഞ്ഞദിവസം സംവിധായകന് ബി ഉണ്ണികൃഷ്ണന്, നടന് ലാല്, നിമ്മാതാവ് ആന്റോ ജോസഫ് എന്നിവര് ആശുപത്രിയിലെത്തിയിരുന്നു. ബി ഉണ്ണികൃഷ്ണനാണ് സിദ്ദിഖ് അന്തരിച്ച വിവരം മാദ്ധ്യമങ്ങളെ അറിയിച്ചത്. രാത്രി 9.02ന് അമൃത ആശുപത്രിയിലായിരുന്നു അന്ത്യമുണ്ടായത്.
പൊതുദര്ശനത്തിനുശേഷം പതിനൊന്നരയോടെ മൃതദേഹം വീണ്ടും പള്ളിക്കരയിലെ വീട്ടില് എത്തിക്കും. വൈകിട്ട് ആറിന് എറണാകുളം സെന്ട്രല് ജുമാ മസ്ജിദിലാണ് ഔദ്യോഗിക ബഹുമതികളോടെ കബറടക്കം. ന്യുമോണിയയെ തുടര്ന്ന് ജൂലായ് പത്തിനാണ് സിദ്ദിഖിനെ അമൃത ആശുപത്രിയില് പ്രവേശിപ്പിച്ചത്.
പിന്നാലെ കരള് രോഗവും മൂര്ച്ഛിച്ചു. അസുഖം കുറഞ്ഞതിനാല് അഞ്ചു ദിവസം മുമ്പ് ഐ സി യുവില് നിന്ന് മാറ്റിയിരുന്നു. കരള് മാറ്റിവയ്ക്കാനുള്ള ഒരുക്കങ്ങളും തുടങ്ങി. മകളുടെ കരള് നല്കാനായിരുന്നു ആലോചന.അതിനിടെ തിങ്കളാഴ്ച ഹൃദയാഘാതമുണ്ടായത് സ്ഥിതി വഷളാക്കുകയും വീണ്ടും ഐ സി യുവിലേക്ക് മാറ്റുകയുമായിരുന്നു. വൃക്കയുടെ പ്രവര്ത്തനവും അവതാളത്തിലായി. ഹൃദയത്തിന്റെയും ശ്വാസകോശത്തിന്റെയും പ്രവര്ത്തനത്തെ സഹായിക്കുന്ന എക്മോ വെന്റിലേറ്ററിന്റെയും ഡയാലിസിസിന്റെയും സഹായത്തോടെയാണ് ജീവന് നിലനിറുത്തിയിരുന്നത്.
https://www.facebook.com/Malayalivartha
