അന്തരിച്ച നടി ശ്രീദേവിയുടെ 60ാം പിറന്നാളിനോടനുബന്ധിച്ച് നടിക്ക് ആദരമര്‍പ്പിച്ച് ഗൂഗിള്‍ ഡൂഡില്‍. ബാലതാരമായി ചുവടുവെച്ച ശ്രീദേവിയുടെ സിനിമയാത്രയാണ് ഡൂഡിള്‍ പ്രതിനിധാനം ചെയ്യുന്നത്.

ശ്രീദേവിക്ക് പിറന്നാള്‍ ആശംസ നേര്‍ന്ന് ആരാധകരും സിനിമാ ലോകവും രംഗത്ത് എത്തി. 1963 ഓഗസ്റ്റ് 13 ന് തമിഴ്‌നാട്ടിലെ ശിവകാശിയിലാണ് ശ്രീദേവി ജനിച്ചത്. അച്ഛന്‍ അയ്യപ്പന്‍ അഭിഭാഷകനായിരുന്നു. അമ്മ രാജേശ്വരി. നാലാം വയസില്‍ 'തുണൈവന്‍' എന്ന തമിഴ് ചിത്രത്തിലൂടെയാണ് ശ്രീദേവി വെള്ളിത്തിരയില്‍ എത്തിയത്.

ബാലതാരമായി സിനിമയില്‍ എത്തിയ താരം പതിമൂന്നാം വയസില്‍ കെ.ബാലചന്ദര്‍ സംവിധാനം ചെയ്ത 'മുണ്ട്ര് മുടിച്ച്' എന്ന ചിത്രത്തില്‍ കമല്‍ഹാസനും രജനികാന്തിനുമൊപ്പം നായികയായി അരങ്ങേറ്റം കുറിച്ചു.'പൂമ്പാറ്റ' ആണ് ശ്രീദേവിയുടെ ആദ്യത്തെ മലയാള ചിത്രം.അതില്‍ മികച്ച ബാലതാരത്തിനുള്ള കേരള സംസ്ഥാന അവാര്‍ഡ് ലഭിച്ചിരുന്നു.തമിഴ്, തെലുങ്ക്, മലയാളം, കന്നട, ഹിന്ദി ഭാഷകളില്‍ സജീവമായിരുന്നു ശ്രീദവേി. 2013 ല്‍ പദ്മശ്രീ നല്‍കി രാജ്യം ആദരിച്ചു.