നര്‍മം നിറഞ്ഞ വര്‍ത്തമാനങ്ങളിലൂടെ നന്മ നിറഞ്ഞ ജീവിതത്തിലൂടെ മലയാള ചലച്ചിത്ര ലോകത്ത് ഔപചാരികതകളില്ലാതെ സഞ്ചരിച്ച പ്രതിഭയായിരുന്നു കൊച്ചിന്‍ ഹനീഫ. കൊച്ചിന്‍ കലാഭവനെന്ന കോമഡി ട്രൂപ്പിലൂടെയായിരുന്നു സിനിമയിലേക്കെത്തിയത്. വില്ലന്‍ കഥാപാത്രങ്ങളില്‍ നിന്ന് ഹാസ്യത്തിലേക്കുള്ള വേഷപ്പകര്‍ച്ചയില്‍ മലയാളം കണ്ടത് എക്കാലത്തേയും മികച്ച നടന്‍മാരിലൊരാളെ. 1972ല്‍ അഴിമുഖം എന്ന ചിത്രത്തില്‍ തുടങ്ങി മുന്നൂറോളം ചിത്രങ്ങളിലാണ് കൊച്ചിന്‍ ഹനീഫ അഭിനയിച്ചത്. വാത്സല്യമെന്ന ചിത്രം സംവിധാനം ചെയ്തും നമ്മെ അതിശയിപ്പിച്ചു അദ്ദേഹം. പ്രേക്ഷകനും അഭിനേതാവും തമ്മിലുള്ള അന്തരമില്ലാതാക്കിയ എണ്ണംപറഞ്ഞ അഭിനേതാക്കളില്‍ ഒരാളായിരുന്നു കൊച്ചിന്‍ ഹനീഫ. കരളിലെ കാന്‍സറാണ് 2010ല്‍ കൊച്ചിന്‍ ഹനീഫയെ മരണത്തിലേക്ക് കൊണ്ടുപോയത്.
കൊച്ചിന്‍ ഹനീഫ ഓര്‍മയായിട്ട് ആറു വര്‍ഷമായി. ഈയവസരത്തില്‍ കൊച്ചിന്‍ ഹനീഫയുടെ ഓര്‍മകളിലൂടെ സഞ്ചരിക്കുകയാണ് ഭാര്യ ഫാസില. കലാകാരന്‍മാര്‍ക്ക് മാത്രമുള്ള ഒരു ഭാഗ്യമുണ്ട്. അവര്‍ മണ്‍മറഞ്ഞാലും കലയിലൂടെ അവര്‍ തന്നതെല്ലാം നിലനില്‍ക്കും. മരിച്ചാലും നമുക്ക് മുന്നില്‍ അവര്‍ ജീവിക്കും. ഇക്കയില്ലാത്ത ഈ ആറുവര്‍ഷവും എനിക്കങ്ങനെയാണ് തോന്നിയത്. അദ്ദേഹത്തിന്റെ ഒരു സിനിമയെങ്കിലും ഒരു സംഭാഷണമെങ്കിലും ടിവിയിലുണ്ടാകും എന്നും. അതുകൊണ്ട് ഇപ്പോഴും ജീവിക്കുന്ന പോലെ. നമുക്ക് മുന്നില് നില്‍ക്കുന്ന പോലെ. എന്റെ മക്കളിലൂടെ അദ്ദേഹത്തെയും ഞാന്‍ കാണുന്നുണ്ട്.
പണ്ട് പങ്കെടുത്ത പരിപാടികളൊക്കെ വീണ്ടും ടിവിയിലെത്തുമ്പോള്‍ എന്നും വീട്ടില്‍ വരുന്ന പോലെ തോന്നും. അതുപോലെ അദ്ദേഹത്തിന്റെ സിനിമകള്‍ കണ്ട് ഇഷ്ടപ്പെട്ട പ്രേക്ഷക സമൂഹത്തിന്റെ സ്‌നേഹവും വളരെ വലുതാണ്. എവിടെ പോയാലും ഇക്കയുടെ കുടംുബമാണെന്ന് തിരിച്ചറിഞ്ഞാല്‍ അവര്‍ ഓടിവരും. എന്തെങ്കിലുമൊക്കെ സംസാരിക്കാതെ പോകാറേയില്ല. അതൊക്കെ നല്ല അനുഭവങ്ങളല്ലേ. അതാണ് ഏറ്റവും വലുത്. എവിടെയും നമുക്ക് സ്ഥാനമുണ്ടാകും. മക്കള്‍ അറിയുന്നതും ഹനീഫിക്കയുടെ പേരിലാണ്. ആ സ്‌നേഹം അവര്‍ക്കും അനുഭവിക്കുന്നുണ്ട് ഫാസില വ്യക്തമാക്കുന്നു.
ഹനീഫിക്ക കടന്നുപോയതിനു ശേഷം കുടുംബം ഒരുപാട് കഷ്ടത്തിലാണെന്ന വാര്‍ത്തകളുമായി ഒരു ബന്ധവുമില്ല. അതാരാണ് പറയുന്നതെന്നും അറിയില്ല. ഞങ്ങള്‍ക്ക് ഞങ്ങളുടേതായ വിഷമമുണ്ട്. അതൊക്കെ തരണം ചെയ്യാനാകും എന്ന പ്രതീക്ഷയുമുണ്ട്. നടന്‍ ദിലീപാണ് എല്ലാ പിന്തുണയും നല്‍കുന്നത്. നാലാം ക്ലാസ് വിദ്യാര്‍ഥിനികളാണ് മക്കളായ സഫയും മര്‍വയും. ഉപ്പയുടെ സിനിമകളില്‍ സിഐഡി മൂസയാണ് ഇരുവര്‍ക്കും ഏറ്റവുമിഷ്ടം. എത്ര പ്രാവശ്യം ആ സിഡികള്‍ കണ്ടുകഴിഞ്ഞുവെന്നറിയില്ല. ഉപ്പയുടെ സിനിമകളെല്ലാം ഇഷ്ടമാണ്. ദിലീപീന്റെ ഫാന്‍സാണ് ഇരുവരുംഫാസില കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha