ജിഷ്ണുവിന്റെ അവസാന ഫേസ്ബുക്ക് കുറിപ്പുകള്‍ ആരിലും വേദനയുണര്‍ത്തും. തന്റെ ഇപ്പോഴത്തെ അവസ്ഥയാണ് ഫേസ്ബുക്കില്‍ യുവതാരം കുറിച്ചത്. ഐസിയു തനിക്ക് വീടു പോലെയാണെന്നും ഐസിയുവില്‍ വേദന കുറയ്ക്കാനുള്ള കുത്തിവെയ്പ്പ് നടത്തുമ്പോഴും താന്‍ പുഞ്ചിരിക്കുമെന്നും ഇതില്‍ ജിഷ്ണു പറയുന്നു. താന്‍ ഐസിയുവിലാണെന്ന് അറിയിച്ചുകൊണ്ടുള്ള ഫേസ്ബുക്ക് പോസ്റ്റിലാണ് ജിഷ്ണു ഇക്കാര്യം കുറിച്ചത്. ആരാധകരെ സാന്ത്വനിപ്പിക്കാനും അവര്‍ക്ക് പോസിറ്റീവ് ചിന്ത നല്‍കാനും വേണ്ടിയായിരുന്നു താരത്തിന്റെ കുറിപ്പ്.
പോസിറ്റീവായിരിക്കാമെന്ന് പറഞ്ഞ് തുടങ്ങുന്ന പോസ്റ്റില്‍ തനിക്കിവിടെ സന്തോഷമാണ്. ഡോക്ടര്‍മാര്‍ റൗണ്ട്‌സിന് വരുമ്പോള്‍ താന്‍ മയക്കത്തിലായിരിക്കും. പെട്ടെന്ന് തന്നെ എഴുന്നേറ്റ് അവര്‍ക്കൊരു പുഞ്ചിരി സമ്മാനിക്കും. അവര്‍ തിരിച്ചും പുഞ്ചിരിക്കും. പുഞ്ചിരിക്കുന്ന രോഗി ചികിത്സിക്കാന്‍ ഒരു ഊര്‍ജ്ജമാണെന്ന് ഡോക്ടര്‍മാര്‍ പറയാറുണ്ട്. തീര്‍ച്ചയായും ഇതൊരുപാട് മാറ്റങ്ങള്‍ ഉണ്ടാക്കുമെന്നും താരം പറഞ്ഞു.
തളരാതെ രോഗത്തെ നേരിട്ട ഒരാളായിരുന്നു ജിഷ്ണു. വിടാതെ പിടികൂടിയ തൊണ്ട വേദനയിലായിരുന്നു തുടക്കം. അവഗണിക്കാന്‍ കഴിയാത്ത രീതിയിലായതോടെ നടന്ന വിദഗ്ദ്ധ പരിശോധനയിലാണ് തൊണ്ടയില്‍ കാന്‍സറാണെന്ന് തിരിച്ചറിഞ്ഞത്. നാവിനെ വരെ രോഗം വിഴുങ്ങിയപ്പോള്‍ ഡോക്ടര്‍മാര്‍ വിധിച്ചത് ശസ്ത്രക്രിയ. ശസ്ത്രക്രിയ രോഗം കുറച്ചെങ്കിലും അതിശക്തമായി തിരിച്ചെത്തി. ഭക്ഷണത്തിന് പുറമേ സംസാരം കൂടി തട്ടിയെടുക്കുന്ന അവസ്ഥ. സിനിമയുടെ ഗഌമര്‍ ലോകത്ത് നിന്നും രോഗക്കിടക്കയിലേക്ക് ജിഷ്ണുവിനെ അര്‍ബുദം വീഴ്ത്തിയെങ്കിലും ആരാധകരുമായി അദ്ദേഹം സാമൂഹ്യസൈറ്റിലൂടെ നിരന്തരം സമ്പര്‍ക്കം പുലര്‍ത്തി. ഒടുവില്‍ വിധിപൂര്‍ണ്ണമായി കവരുന്നത് വരെ അദ്ദേഹം ജീവിതത്തെ പോസിറ്റീവായി തന്നെ നിലനിര്‍ത്തി.
ഇതൊരു മാജിക് ആണ്. പുഞ്ചിരി മാജിക്. നിങ്ങളും പരീക്ഷിക്കു. എല്ലാവര്‍ക്കും ഇതറിയാം. പലപ്പോഴും ഇത് ചെയ്യാന്‍ മറക്കും. അന്താ അതു ശരിയല്ലേ? ഇതൊരു ഉപദേശമല്ല. എന്റെ അനുഭവമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha