തന്നെ ബാധിച്ച രോഗത്തെ കുറിച്ച് പറയാന്‍ ഒരിക്കലും ജിഷ്ണു മടിച്ചില്ല. ക്യാന്‍സറിനെ മറികടന്ന് തിരിച്ചുവരുമെന്ന പ്രതീക്ഷയാണ് നടന്‍ എന്നും പങ്കുവച്ചിരുന്നത്. ക്യാന്‍സറിന്റെ പിടിയിലേക്ക് വീണതും നടന്‍ വിശദീകരിച്ചിരുന്നു.
നാലു വര്‍ഷം മുമ്പായിരുന്നു എല്ലാത്തിന്റെയും തുടക്കം. എന്റെ നാക്ക് അണപ്പല്ലില്‍ ഉരസി മുറിഞ്ഞു. മുറിവ് കരിഞ്ഞപ്പോള്‍ അവിടെ ലൂക്കോപ്ലാക്കിയ എന്ന ഫംഗസ്ബാധ ഉണ്ടായി. ഈ ഫംഗസ് ക്യാന്‍സറിന് കാരണമായേക്കാം ഐന്നവിടെയോ വായിച്ചിരുന്നു. അങ്ങനെ സംശയം ദുരീകരിക്കാനായി ആര്‍.സി.സിയി ല്‍ പോയി ഡോ.ഗംഗാധരനെ കണ്ടു. എന്‍ഡോസ്‌കോപ്പിയടക്കം പല ടെസ്റ്റുകള്‍ നടത്തി. എന്നാല്‍ ക്യാന്‍സറിന്റെ യാതൊരു ലക്ഷണവും കണ്ടില്ല. ആ ഭാഗം അവിടെ അവസാനിച്ചു.
ബോഡി ഫിറ്റ്‌നസ്സൊക്കെ ചെയ്ത് സിനിമയില്‍ നല്ല വേഷങ്ങളിലൂടെ സജീവമാകാനുള്ള ശ്രമത്തിലായിരുന്നു ഞാന്‍. ഈ സമയത്ത് തന്നെ മുംബൈയില്‍ ബാരി ജോണിന്റെ ഡ്രാമ തിയേറ്ററില്‍ നാടകം പ്രാക്ടീസ് ചെയ്യുന്നുണ്ടായിരുന്നു. അവിടെ വച്ചാണ് രാജേഷ് പിള്ളയുടെ ട്രാഫിക്കിന്റെ ഹിന്ദി പതിപ്പില്‍ അവസരം വരുന്നത്. ഞാന്‍ ശരിക്കും സന്തോഷിച്ച നാളുകള്‍. കാരണം ബോളിവുഡ് എന്നുമെന്റെ സ്വപ്‌നങ്ങളില്‍ ഉണ്ടായിരുന്നു. ആ സന്തോഷത്തില്‍ത്തന്നെ ഇരട്ടി മധുരവും ഉണ്ടായി. വടിവേല്‍ സംവിധാനം ചെയ്യുന്ന കള്ളപ്പടം എന്ന സിനിമയിലേക്കും ക്ഷണം കിട്ടി. കോളിവുഡും എന്റെ സ്വപ്‌നങ്ങളില്‍ ഒന്നായിരുന്നു.
ഇതില്‍ രണ്ടിലും അഭിനയിച്ചു കൊണ്ടിരുന്നപ്പോഴാണ് എനിക്കൊരു തൊണ്ട വേദന. ആദ്യമൊന്നും അതത്ര കാര്യമാക്കിയില്ല. എന്നാല്‍ ദിവസം കഴിയുന്തോറും വേദന കൂടിക്കൂടി വന്നു. അവസാനം വീട്ടുകാരുടെയും ബന്ധുക്കളുടെയും നിര്‍ബന്ധത്തിനു വഴങ്ങി ഡോക്ടറെ പോയിക്കണ്ടു. അദ്ദേഹത്തിന് എന്തോ ഒരു സംശയം. ഡോക്ടര്‍ ബയോപ്‌സി നിര്‍ദ്ദേശിച്ചു. റിസള്‍ട്ട് വന്നപ്പോള്‍ അദ്ദേഹത്തിന്റെ സംശയം ശരിയാണ്.
എനിക്ക് ക്യാന്‍സറാണ്. െ്രെപമറി സ്‌റ്റേജാണ്, പേടിക്കേണ്ട. എന്നു പറഞ്ഞ് ഡോക്ടര്‍ എനിക്ക് ധൈര്യം തന്നു. അല്ലെങ്കിലും ആ സമയത്ത് ഭയമെന്ന ഒരു വികാരവും എന്റെ മനസ്സില്‍ ഇല്ലായിരുന്നു. അതിനൊക്കെ അപ്പുറത്തായിരുന്നു എന്റെ മനസ്.
കോഴിക്കോട് എന്‍ഐടിയില്‍ നിന്നും മെക്കാനിക്കല്‍ എഞ്ചിനീയറിംഗില്‍ ബിരുദം നേടിയ ശേഷം ഐടി രംഗത്ത് ജോലി നോക്കുന്നതിനിടയിലാണ് നമ്മളിലേക്ക് എത്തിയത്. ഏതാനും നാള്‍ മുമ്പ് താന്‍ ക്യാന്‍സര്‍ ബാധിതനാണെന്ന വിവരം സാമൂഹ്യ മാദ്ധ്യമങ്ങള്‍ വഴി ഇദ്ദേഹം ആരാധകരുമായി പങ്കുവച്ചിരുന്നു. ചികിത്സയിലാണെന്നും താന്‍ തിരിച്ചുവരുമെന്നും ശുഭാപ്തി വിശ്വാസം കാത്തുസൂക്ഷിക്കുകയും ചെയ്തിരുന്നു. ആര്‍ക്കിടെക്ടായ ധന്യാ രാജനാണ് ഭാര്യ.
കമല്‍ ഒരുക്കിയ നമ്മള്‍ എന്ന സിനിമയിലൂടെയാണ് ജിഷ്ണു അഭിനയലോകത്ത് എത്തിയത്. ഭരതന്റെ മകന്‍ സിദ്ധാര്‍ഥും ഈ സിനിമയിലൂടെ വെള്ളിത്തിരയിലെത്തി. രണ്ടു പേരും അടുത്ത സുഹൃത്തുക്കളുമായി. പ്രിയസുഹൃത്ത് വിടപറഞ്ഞതിന്റെ വേദനയെ കുറിച്ച് സിദ്ധാര്‍ഥ് ഭരതന്‍ ഫേസ്ബുക്കില്‍ കുറിക്കുന്നു. വാഹനാപകടത്തില്‍ പരിക്കേറ്റ് അതീവ ഗുരുതരാവസ്ഥയിലായിരുന്ന സിദ്ധാര്‍ഥ് ഏറെ നാള്‍ ചികില്‍സയിലായിരുന്നു.
എന്റെ ഏറ്റവും പ്രിയപ്പെട്ട സുഹൃത്ത് പോയിരിക്കുന്നു, അപകടത്തെ ചികിത്സയില്‍ കഴിയുമ്പോള്‍ എന്റെ വീട്ടിലെത്തി ജീവിതത്തിലേക്ക് എത്രയും പെട്ടെന്ന് തിരിച്ചുവരുമെന്ന് പറഞ്ഞ് എനിക്ക് ധൈര്യം തന്നവന്‍. അവനുമായുള്ള കൂടിക്കാഴ്ച. ഞാന്‍ തിരിച്ചുവരുമ്പോളേയ്ക്ക് അവന്‍ ഇല്ല. കെട്ടുകഥയേക്കാള്‍ വിചിത്രമാണ് യാഥാര്‍ത്ഥ്യം...

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha