പ്രശസ്ത നിര്‍മാതാവ് ഡേവിഡ് കാച്ചപ്പള്ളിയുടെ മകന്‍ ക്യാമറാ ചലിപ്പിക്കുന്നു. അച്ഛന്‍ നിര്‍മിക്കുന്ന മരുഭൂമിയിലെ ആന എന്ന ചിത്രത്തിലാണ് മകന്‍ അജയ് ഡേവിഡ് ക്യാമറാമാനാകുന്നത്. പ്രശസ്ത ക്യാമറാമാന്‍ വേണുവിന്റെ അസോസിയേറ്റ് ആയിരുന്നു അജയ്. അടികപ്യാരെ കൂട്ടമണി ആണ് അജയ് യുടെ ആദ്യ ചിത്രം. അടികപ്യാരില്‍ നിന്ന് വളരെ വ്യത്യസ്തമാണ് രണ്ടാമത്തെ ചിത്രമെന്ന് അജയ് പറഞ്ഞു. ഹെലിക്യാമിന്റെയും ഡി.ഒ.പി അജയ് ആണ് ചെയ്യുന്നത്. 

ഡേവിഡ് കാച്ചപ്പള്ളിയും ഇന്നസെന്റും ഒരു കാലത്ത് നല്ല സിനിമകള്‍ ചെയ്തിരുന്നു. രണ്ട് പെണ്‍കുട്ടികള്‍, വിടപറയും മുന്‍പേ, ഓര്‍മയ്ക്കായി, ഇടവേള തുടങ്ങിയ സിനിമകള്‍ എക്കാലത്തും ഓര്‍മിക്കപ്പെടുന്നതാണ്. പിന്നീട് ഇഷ്ടം, നമ്മള്‍ തുടങ്ങിയ ഹിറ്റ് സിനിമകള്‍. ഇന്നസെന്റുമായി ഇപ്പോഴും അടുത്ത ബന്ധമാണ്. അടുത്ത കാലത്ത് ഡല്‍ഹിയിലെ ആസ്പത്രിയില്‍ ചികില്‍സ കഴിഞ്ഞ് വിശ്രമിക്കുമ്പോള്‍ ഇന്നസന്റ് നൃത്തശാല എന്ന സിനിമ ടി.വിയില്‍ കണ്ടു. ഇന്നസെന്റിന്റെ ആദ്യ സിനിമയാണ്. ആ സിനിമയുടെ അണിയറയില്‍ കാച്ചപ്പള്ളിയും ഉണ്ടായിരുന്നു. സിനിമ കണ്ട ഉടനെ ഇന്നസന്റ് കാച്ചപ്പള്ളിയെ വിളിച്ചു.

ഇഷ്ടത്തിലൂടെ നവ്യയെയും നമ്മളിലൂടെ ജിഷ്ണു, സിദ്ധാര്‍ത്ഥ്, ഭാവന എന്നിവരെ കാച്ചപ്പള്ളിയാണ് സിനിമയില്‍ കൊണ്ടുവന്നത്. അവസാനം ചെയ്ത ലാ പോയിന്റ് എന്ന സിനിമ പരാജയമായിരുന്നു. അതുകൊണ്ടാണ് കൊമേഷ്യല്‍ മൂല്യമുള്ള സിനിമ പ്ലാന്‍ ചെയ്തത്. ബിജുമേനോനാണ് മരുഭൂമിയിലെ ആനിയിലെ നായകന്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha