ജിഷ്ണുവിന്റെ മരണം ലോകത്തേറ്റവുമധികം വേദനിപ്പിച്ചത് പ്രിയതാരത്തിന്റെ പിതാവായ രാഘവനെ അല്ല, കെ.പി.സി.സി ലളിതയെയാണ്.
ജിഷ്ണുവിനെ ഓര്‍ത്ത് വിങ്ങുകയാണ് ലളിത. വടക്കാഞ്ചേരിയിലെ സ്ഥാനാര്‍ത്ഥിത്വത്തിന്റെ ബഹളത്തിനിടയിലാണ് ജിഷ്ണുവിനെ മരണം കൊണ്ടു പോയത്.
കൊച്ചിയിലുണ്ടായ കാറപകടത്തില്‍ ലളിതയുടെ മകന്‍ സിദ്ധാര്‍ത്ഥന് ഗുരുതരമായി പരിക്കേറ്റിരുന്നു. അര്‍ദ്ധ രാത്രിയായിരുന്നു അപകടം. നേരം പുലര്‍ന്നപ്പോള്‍ സിദ്ധാര്‍ത്ഥ് അന്തരിച്ചതായി വാര്‍ത്തകള്‍ പരന്നു, എന്നാല്‍ കെപിസിസി ലളിതയുടെ പ്രാര്‍ത്ഥനയുടെ ഫലമായി ഏകമകന്‍ അപകടനില തരണം ചെയ്തു. സിദ്ധാര്‍ത്ഥന്‍ ആശുപത്രിയില്‍ കിടന്നപ്പോള്‍ ജിഷ്ണുവായിരുന്നു താങ്ങ്. ആശുപത്രി കിടക്കയിലേക്ക് ഓടി കയറി വന്ന് ചങ്ങാതി ഇങ്ങനെ കിടക്കാതെ എന്നു പറയുന്ന ജിഷ്ണു ലളിതയ്ക്ക് വലിയൊരാശ്വാസമായിരുന്നു. ആശുപത്രി വിട്ട് വീട്ടിലെത്തിയപ്പോഴും ഇതായിരുന്നു അവസ്ഥ. ജിഷ്ണു വന്നാല്‍ ലളിതയ്ക്ക് മകനെ ഏല്‍പ്പിച്ച് സമാധാനത്തോടെ എവിടെ വേണമെങ്കിലും പോകാമായിരുന്നു.
ഓടികയറി വരുന്ന ജിഷ്ണുവിനെ കണ്ടാല്‍ രോഗിയാണെന്ന് പറയുകയേയില്ല. ലളിതയ്ക്കും മകനും ജിഷ്ണു പകര്‍ന്നു നല്‍കിയ ഊര്‍ജ്ജസ്വലത ചെറുതല്ല. മനസിന് എപ്പോള്‍ വേദന തോന്നിയാലും സിദ്ധാര്‍ത്ഥന്‍ ജിഷ്ണുവിനെ വിളിക്കും. ജിഷ്ണു വന്നാല്‍ സിദ്ധാര്‍ത്ഥന് ഊര്‍ജ്ജം ഇരട്ടിയാകും.
ജിഷ്ണു വിടപറഞ്ഞപ്പോള്‍ സിദ്ധാര്‍ത്ഥന്‍ അതീവ വേദനയോടെ ഫെയ്‌സ് ബുക്കില്‍ കുറിച്ചിട്ട വരികളോര്‍ത്ത് വേദനിക്കുകയാണ് ലളിത. ഇത്രയും വേദന തനിക്ക് മുമ്പുണ്ടായിട്ടില്ലെന്ന് സിദ്ധാര്‍ത്ഥന്‍ കുറിച്ചിട്ടു. ജിഷ്ണുവിന്റെ നിശ്ചല ശരീരം കണ്ട് സിദ്ധാര്‍ത്ഥന്‍ തേങ്ങി കരയുന്ന രംഗം എല്ലാവരെയും നോവിച്ചു. ജിഷ്ണുവിന്റെ മരണം സിദ്ധാര്‍ത്ഥനെ എങ്ങനെ ബാധിക്കുമെന്നോര്‍ത്ത് വ്യാകുലപ്പെടുകയാണ് ലളിത. നമ്മളിലാണ് സിദ്ധാര്‍ത്ഥനും ജിഷ്ണുവും ഒരുമിച്ച് അഭിനയിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha