കല്യാണം കഴിഞ്ഞെങ്കിലും പ്ലാന്‍ ചെയ്ത് യാത്രകള്‍ ചെയ്യുന്ന ആളല്ല അനൂപ്‌മേനോന്‍. അപ്പോ തോന്നും പോലങ്ങ് പോവുകയാണ്. കല്യാണം കഴിഞ്ഞ് മൂന്നാം നാള്‍ കോഴിക്കോട്ട് പോയി. ഒരു വസ്തുക്കച്ചവടവുമായി ബന്ധപ്പെട്ട്. അവിടെ ചെന്നിട്ട് വയനാട് വഴി ബാംഗ്ലൂരില്‍ പോകാന്‍ ആലോചിച്ചു. വയനാട് അനൂപ് ഒരുപാട് പോയതിനാല്‍ പാലക്കാട് കോയമ്പത്തൂര്‍ വഴി പോകാമെന്ന് പറഞ്ഞു. കോയമ്പത്തൂരില്‍ ചെന്നപ്പോള്‍ പളനിക്ക് പോയാലോ എന്ന് ആലോചിച്ചു. അങ്ങനെ പളനി, ഡിണ്ടിഗല്‍, ട്രിച്ചി, നാഗപട്ടണം, നാമക്കല്‍, തഞ്ചാവൂര്‍, കൃഷ്ണഗിരി വഴി കറങ്ങി. 

പുതുക്കോട്ടെയിലായിരുന്നു ന്യൂ ഇയര്‍. അവിടുന്ന് ഗോവയില്‍ പോയി. അവിടെ കുറച്ച് ദിവസം തങ്ങി. തിരിച്ച് കാര്‍വാര്‍ വഴി ഗോകര്‍ണം, മൂകാംബിക, കൂര്‍ഗ്. അങ്ങനെ 19ാം ദിവസം വീട്ടിലെത്തി. രണ്ട് പേരും പ്രസന്റില്‍ ജീവിക്കാന്‍ അഗ്രഹിക്കുന്നവരാണ്. ക്ഷേമ സിനിമയേക്കാളും പുസ്തകത്തേക്കാളും ജീവിതത്തെ സ്‌നേഹിക്കുന്നവളാണ്. ഇരുവരുടെയും ഇഷ്ടങ്ങള്‍ ഒരുപോലെയാണ്. അനൂപിന്റെ എഴുത്തിലോ, അഭിനയത്തിലേ ക്ഷേമ ഇടപെടാറില്ല. അതെല്ലാം അനൂപിന്റെ സ്വകാര്യതയാണെന്ന് ക്ഷേമ വിശ്വസിക്കുന്നു.

തിരുവനന്തപുരത്ത് നിന്ന് കൊച്ചിയിലേക്ക് അനൂപ് താമസം മാറി. കൊച്ചിയില്‍ ഫ്‌ളാറ്റ് വാങ്ങി. അച്ഛനും അമ്മയും തിരുവനന്തപുരത്താണ് താമസിക്കുന്നത്. ക്ഷേമയുടെ വീട് കൊല്ലത്താണ്. ഇടയ്ക്ക് അവിടെ പോകാറുണ്ട്. കൊച്ചിയിലാകുമ്പോള്‍ ഷൂട്ടിംഗ് കഴിഞ്ഞ് നേരെ ഫ്‌ളാറ്റിലെത്താം. അങ്ങനെ ഒരു ഗുണമുണ്ട്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha