ലൊക്കേഷനുകളില്‍ പൊട്ടിച്ചിരികള്‍ സമ്മാനിച്ച് നടക്കുന്ന വ്യക്തിയാണ് മുകേഷ്. എന്നാല്‍ ലൊക്കേഷനില്‍ കരഞ്ഞു പോയ ഒരു സന്ദര്‍ഭം മുകേഷിന്റെ ജീവിതത്തിലുമുണ്ട്. മുകേഷിന്റെ പ്രയ സുഹൃത്ത് പ്രിയദര്‍ശനാണ് ഈ സംഭവം ഓര്‍ത്തെടുക്കുന്നത്. പ്രിയദര്‍ശന്റെ 'ബോയിംഗ് ബോയിംഗ്' എന്ന സിനിമയുടെ ഷൂട്ടിംഗ് ലൊക്കേഷന്‍. സിനിമയില്‍ മുകേഷിന്റെ തുടക്ക സമയമാണിത്.

നാടക വേദയില്‍ നിന്നും സിനിമയിലേക്ക് വന്ന മുകേഷിന് സിനിമയില്‍ ഒരുപാട് സുഹൃത്തുക്കളൊന്നുമായിട്ടുമില്ല. 'ബോയിംഗ് ബോയിംഗി'ന്റെ ഷൂട്ട് കഴിഞ്ഞ് പിരിയുന്ന ദിവസം മുകേഷ് പ്രിയനു മുമ്ബിലെത്തി കരഞ്ഞു പോയി. അതിന് കാരണക്കാരന്‍ സാക്ഷാല്‍ മോഹന്‍ലാലും.

തനിക്കൊപ്പമുള്ള രംഗങ്ങളില്‍ തുടക്കക്കാരനായ മുകേഷിന്റെ അഭിനയം മെച്ചപ്പെടുത്താന്‍ ലാല്‍ ഒരുപാട് സഹായിക്കുമായിരുന്നു. മുകേഷിന്റെ ജീവിതത്തില്‍ ആദ്യമായിട്ടാണ് അങ്ങനെയൊരു അനുഭവം. നാടകത്തില്‍ നടന്‍മാര്‍ സ്വന്തം പ്രകടനം മാത്രം ശ്രദ്ധിക്കുന്നതും സ്വന്തം പ്രകടനം നന്നാക്കാന്‍ മാത്രം നോക്കുന്നതുമാണ് രീതിയെന്നും മുകേഷിന് അനുഭവമുണ്ട്. പക്ഷെ മോഹന്‍ലാല്‍ സിനിമയെ സ്വന്തമെന്ന് കരുതുകയും എല്ലാവരുടെയും പ്രകടനം മെച്ചപ്പെടുത്താന്‍ ശ്രമിക്കുകയും ചെയ്യുന്നു. ഇതായിരുന്നു മുകേഷിന്റെ കണ്ണുകളെ ഈറനണിയിച്ചതിനു കാരണമെന്ന് പ്രിയദര്‍ശന്‍ ഓര്‍ത്തെടുക്കുന്നു.

38 വര്‍ഷങ്ങള്‍ക്ക് മുമ്ബ് തിരനോട്ടം എന്ന സിനിമയില്‍ ആരംഭിച്ച മോഹന്‍ലാല്‍  പ്രിയദര്‍ശന്‍ കൂട്ടുകെട്ട് അവരുടെ നാല്പതാമത്തെ സിനിമയില്‍ എത്തിയിരിക്കുകയാണ്. 'ഒപ്പം' എന്ന സിനിമ മോഹന്‍ലാലിനെ നായകനാക്കി പ്രിയന്‍ ഒരുക്കുകയാണിപ്പോള്‍. ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ കൊച്ചിയില്‍ പുരോഗമിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha