ഇനി ക്യാമ്പസ് പയ്യനാവാന്‍ താത്പര്യമില്ലെന്ന് പറയുന്നത് ക്ലാസ്‌മേറ്റ്‌സ്, ചോക്ലേറ്റ് തുടങ്ങിയ സൂപ്പര്‍ഹിറ്റ് ക്യാമ്പസ് സിനിമകള്‍ ചെയ്ത നായകന്‍ പ്രിഥ്വിരാജാണ്. 33 വയസില്‍ എത്തിയ തനിക്ക് ക്യാമ്പസ് നായകനാകാനുള്ള പ്രായം കടന്നു പോയെന്ന തിരിച്ചറിവാണ് ഈ തീരുമാനത്തിന് പിന്നിലെന്നും പ്രിഥ്വി പറയുന്നു.

വെറും ക്യാമ്പസ് റൊമാന്റിക് വേഷങ്ങള്‍ ഇപ്പോള്‍ ഒട്ടുമേ തന്നെ ആകര്‍ഷിക്കുന്നില്ലെന്നും പ്രിഥ്വി വെളിപ്പെടുത്തുന്നു. നിരവധിയായ ക്യാമ്പസ് സിനിമകള്‍ ഇപ്പോഴും തേടി വരുന്നുണ്ട്. എന്നാല്‍ 22 വയസുള്ള നായകനായി അഭിനയിക്കണമെങ്കില്‍ അതേ സിനിമയില്‍ നായക കഥാപാത്രത്തിന് 35 വയസിലേക്ക് വളര്‍ച്ചയുണ്ടാവണം. അത്തരം കഥകള്‍ മാത്രമേ തിരഞ്ഞെടുക്കുകയുള്ളു. അല്ലാത്തവ ഒഴിവാക്കുകയാണ് പതിവ്.

2009ലാണ് പ്രിഥ്വിരാജ് ഒരു ക്യാമ്പസ് സിനിമ അവസാനമായി ചെയ്തത്. ദീപന്‍ ഒരുക്കിയ 'പുതിയമുഖ'മായിരുന്നു ഈ ചിത്രം. അതിനു ശേഷം 2012ല്‍ ലാല്‍ ജോസിന്റെ 'അയാളും ഞാനും തമ്മില്‍' എന്ന സിനിമയില്‍ പ്രിഥ്വിയുടെ രവി തരകന്‍ എന്ന കഥാപാത്രത്തിനും ക്യാമ്പസ് ജീവിതമുണ്ടായിരുന്നു. എന്നാല്‍ ചിത്രത്തിന്റെ ഫ്‌ളാഷ് ബാക്ക് മാത്രമായിരുന്നു ക്യാമ്പസ് പശ്ചാത്തലം. ഏറെ നാളുകളായി ക്യാമ്പസ് സിനിമകളില്‍ നിന്നും വിട്ടു നില്‍ക്കുന്ന പ്രിഥ്വി തുടര്‍ന്നും ക്ലീഷേ ക്യാമ്പസ് സിനിമകളിലെ കഥാപാത്രം അവതരിപ്പിക്കില്ല എന്ന നിലപാടില്‍ തന്നെയാണ് പുതിയ സിനിമകള്‍ തിരഞ്ഞെടുത്തിരിക്കുന്നതും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha