തമിഴ് താരങ്ങളുടെ സംഘടനയായ നടികര്‍ സംഘത്തിന് 26 കോടിയുടെ കെട്ടിടം പണിയുന്നു. വിശാലും കാര്‍ത്തിയും അടങ്ങുന്ന പുതിയ നേതൃത്വമാണ് കെട്ടിടം പണിയാന്‍ തീരുമാനിച്ചത്. അതിനായി ചെന്നൈ ചിദംബരം സ്റ്റേഡിയത്തില്‍ സെലിബ്രിറ്റി ക്രിക്കറ്റ് മാമാങ്കം നടത്തി. താരങ്ങളുടെ മല്‍സരം എന്നതിലുപരി എല്ലാവരുടെയും സഹകരണം തേടുക എന്നതായിരുന്നു ലക്ഷ്യം. നടികര്‍ സംഘത്തിന് ചെന്നൈയില്‍ 120 സെന്റ് സ്ഥലമുണ്ട്. ശരത് കുമാറിന്റെ നേതൃത്വത്തിലുള്ള ഭരണസമിതി ചെന്നൈയിലെ ഒരു തിയറ്റര്‍ ഗ്രൂപ്പിന് കെട്ടിടം പണിയാന്‍ നല്‍കിയിരിക്കുകയായിരുന്നു ഈ സ്ഥലം. അവരില്‍ നിന്ന് പുതിയ ഭരണ സമിതി സ്ഥലം തിരിച്ചുപിടിക്കുകയായിരുന്നു. 

രജനീകാന്ത്, കമലാഹാസന്‍, മമ്മൂട്ടി, വിക്രം, നാഗാര്‍ജുന തുടങ്ങിയ താരങ്ങളുടെ സാമിപ്യം കൊണ്ട് പരിപാടി വലിയ വിജയമായി. നക്ഷത്ര ക്രിക്കറ്റ് ടൂര്‍ണമെന്റില്‍ എട്ട് താരങ്ങളാണ് മല്‍സരിച്ചത്. സൂര്യ ക്യാപ്ടനായ ചെന്നൈ കിംഗ്‌സ്, വിശാലിന്റെ മധുരൈ കളേഴ്‌സ്, കാര്‍ത്തിയുടെ കോവൈ കിംഗ്‌സ്, ജയംരവിയുടെ നെല്ലൈ ഡ്രാഗണ്‍സ്, ആര്യയുടെ സേലം ചീറ്റാസ്, ജീവയുടെ തഞ്ചൈ വാരിയേഴ്‌സ്, വിജയ് സേതുപതിയുടെ രാമനാട് റൈനോസ്, ശിവകാര്‍ത്തികേയന്റെ ട്രിച്ചി ടൈഗര്‍സ്. കാണികള്‍ക്ക് വേണ്ടി ക്രിക്കറ്റിനൊപ്പം പാട്ടും നൃത്തവും ഉണ്ടായിരുന്നു. 

ക്രിക്കറ്റിന്റെയും പരിപാടികളുടെയും സാറ്റലൈറ്റ് അവകാശം ഒന്‍പത് കോടിക്ക് സണ്‍ നെറ്റ് വര്‍ക്കാണ് സ്വന്തമാക്കിയത്. ലൈവായാണ് അവര്‍ സംപ്രേക്ഷണം നടത്തിയത്. ഇതിന് പുറമേ പരസ്യ ഇനത്തിലും മറ്റുമായി ആറ് കോടിയോളം രൂപ ലഭിച്ചു. 3000 പേരാണ് നടികര്‍ സംഘത്തിലുള്ളത്. മലയാളത്തില്‍ നിന്ന് മമ്മൂട്ടി, നിവിന്‍പോളി, പൃഥ്വിരാജ് അങ്ങനെ വലിയൊരു താരനിരയും ഇതിന്റെ ഭാഗമാണ്. മലയാള താരങ്ങളുടെ സംഘടനയായ അമ്മയാണ് നടികര്‍സംഘത്തിന്റെ പ്രവര്‍ത്തനങ്ങള്‍ക്ക് പ്രചോദനമായത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha