ഒരാളുടെ സിനിമ പൊട്ടുമ്പോള്‍ മറ്റുള്ളവര്‍ പാര്‍ട്ടി നടത്തുമെന്ന് പറഞ്ഞാല്‍ വിശ്വസിക്കാന്‍ പറ്റുമോ, ഇല്ല, എന്നാല്‍ സിനിമയില്‍ അങ്ങനെയുണ്ടെന്ന് സലിംകുമാര്‍. നാളെ തനിക്കും ഇത്തരത്തില്‍ വീഴ്ച സംഭവിക്കുമെന്ന് ഇക്കൂട്ടര്‍ കരുതുന്നില്ല. ലീലയുടെ വ്യാജ പതിപ്പ് ഇന്റര്‍നെറ്റില്‍ ഇറങ്ങിയപ്പോള്‍ ആഘോഷിച്ച സിനിമാക്കാരുണ്ട് കൊച്ചിയില്‍. കരുണ, ദയ ഒന്നും പല സിനിമാക്കാര്‍ക്കുമില്ല. വിജയം മാത്രമാണ് ലക്ഷ്യം. അതിന് വേണ്ടിയുള്ള ഓട്ടമാണ്. ഓട്ടത്തിനിടെ മറ്റൊരാളെ വെട്ടിവീഴ്ത്തിയാലും വിജയിച്ചേ പറ്റൂ എന്ന വാശി. 

വീഴ്ചകളെ സന്തോഷത്തോടെ സ്വീകരിച്ചില്ലെങ്കില്‍ പിന്നീടുള്ള സിനിമാക്കാരന്റെ ജീവിതം ഭയങ്കര കുഴപ്പം നിറഞ്ഞതാവും. സിനിമാക്കാര്‍ക്ക് ഒരു ധാരണയുണ്ട്. അവരെല്ലാം ചിരംജീവികളാണെന്ന്. മറ്റുള്ളവരെല്ലാം മരിച്ച് പോകും. താന്‍ എന്നുമിവിടെ കാണുമെന്ന് എന്നാണ് അവര്‍ വിശ്വസിക്കുന്നത്. ഇത്രയും മലീമസമായ മനസുള്ള വര്‍ഗം സിനിമാക്കാരിലേ ഉള്ളൂ. ഇടയ്ക്ക് ചില സുഹൃത്തുക്കള്‍ വിളിക്കും. സലിം കുമാര്‍ ഹലോ എന്ന് പറയുമ്പോള്‍ കട്ടാക്കും. താന്‍ ചത്തോ എന്നറിയാന്‍ വിളിക്കുന്നവരാണെന്ന് താരം പറഞ്ഞു. 

സലിംഖുമാര്‍ മരിച്ചോ എന്ന് വിളിച്ച് ചോദിച്ച മൂന്ന് പേരുടെ അടിയന്തിരമുണ്ണാന്‍ തനിക്ക് ഭാഗ്യം ലഭിച്ചെന്ന് താരം പറഞ്ഞു. കൊച്ചിന്‍ ഹനീഫ മരിച്ചപ്പോള്‍ താരം പറഞ്ഞു. ഇക്കയുടെ മരണത്തില്‍ എനിക്ക് ദുഖമില്ല, നമ്മളെല്ലാം ഇന്നോ, നാളെയോ അദ്ദേഹം പോയിടത്തേക്ക് പോകേണ്ടതാണ്. തമാശയായി ഒരു ലോകതത്വം പറഞ്ഞതാണ്. പക്ഷെ, അത് പാരയായി. സലിംകുമാറിന് എന്തോ മാരക രോഗമുണ്ടെന്ന് പലരും പറഞ്ഞുപരത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha