വള്ളിം തെറ്റി പുള്ളീം തെറ്റി എന്ന ചിത്രത്തിലൂടെ നായികയായി മടങ്ങിയെത്തിയ ശ്യാമിലി അമേരിക്കയ്ക്ക് പറക്കുന്നു. കഴിഞ്ഞ ദിവസം വിസ ശരിയായതേ ഉള്ളൂ- താരം പറഞ്ഞു. ഉപരിപഠനവുമായി ബന്ധപ്പെട്ടാണ് യാത്ര. ഒന്നരമാസത്തെ കോഴ്‌സാണ്. അതിന് ശേഷം 15 ദിവസത്തെ ഷൂട്ടിംഗും ഉണ്ടാവും. ഒരു ഒറിയന്‍ സിനിമയാണ്. അതിന്റെ സംവിധായകന്‍ അമേരിക്കയിലുള്ളയാളാണ്.  ശ്യാമിലിയുടെ കുറച്ച് സീന്‍ അമേരിക്കയില്‍ ചിത്രീകരിക്കണം. അതേസമയം വിക്രം പ്രഭുവിന്റെ നായികയായി അഭിനയിക്കുന്ന വീരശിവാജി തീര്‍ന്നിട്ടില്ല. ഇനി ഒരു ഷെഡ്യൂള്‍ കൂടി ഉണ്ട്. 

വള്ളീം തെറ്റി പുള്ളിം തെറ്റിയുടെ ഡബ്ബ് ചെയ്യുന്ന കാര്യം ആദ്യമേ തീരുമാനിച്ചിരുന്നു. വോയിസ് ടെസ്റ്റും നടത്തിയിരുന്നു. ഓഡിയോ റിലീസിന് കൊച്ചിയില്‍ ചെന്നപ്പോള്‍ കുറേ പോര്‍ഷന്‍ ഡബ്ബ് ചെയ്തിരുന്നു. കഴിഞ്ഞ വിഷു റിലീസാണ് പറഞ്ഞിരുന്നത്. പകുതി ഡബ്ബ് ചെയ്ത ശേഷം താരം ചെന്നൈയിലേക്ക് പോയി. പിന്നീട് റിലീസ് നീണ്ടുപോയി. ബാക്കി ഡബ്ബ് ചെയ്യാന്‍ വിളിച്ചപ്പോള്‍ താരം തിരക്കിലായിരുന്നു. അതുകൊണ്ട് ആരാണ് ഡബ്ബ് ചെയ്തതെന്ന് അറിയില്ല. എന്തായാലും പടം റിലീസ് ആയതോടെ ശബ്ദം നന്നായെന്ന് പറഞ്ഞ് പലരും വിളിക്കുന്നു. 

ചേച്ചി ശാലിനി അജിത്തിന്റെ കാര്യങ്ങളിലും വീട്ടിലെ തിരക്കിലുമാണ്. അജിത്തിന്റെ സിനിമ ജൂണില്‍ തുടങ്ങും. അവരുടെ മൂത്ത മോള്‍ അനൗഷ്‌ക ഇനി നാലാം ക്ലാസിലാണ്. ഇളയമോന്‍ അദ്വതിന് ഒരു വയസ് ആകുന്നതേ ഉള്ളൂ. ഇടയ്ക്കിടെ ആ വീട്ടില്‍ ശ്യാമിലി പോകാറുണ്ട്. വള്ളീം തെറ്റി പുള്ളിം തെറ്റി നല്ല അഭിപ്രായവും കളക്ഷനുമുണ്ട്. എന്നാല്‍ പുതിയ മലയാള സിനിമകളൊന്നും കമ്മിറ്റ് ചെയ്തിട്ടില്ല- താരം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha