അടുത്തിടെ സന്തോഷ് പണ്ഡിറ്റിനെ മാധ്യമ ചര്‍ച്ചക്ക് വിളിച്ചു വരുത്തി അപമാനിച്ച വര്‍തജ്കളടങ്ങും മുന്‍പേ മാധ്യമ പ്രവര്‍ത്തകാരുടെ അനാവശ്യ സെന്‍സേഷനലൈസേഷനു പാത്രമാവേണ്ടി വന്നത് പ്രശസ്ത സിനിമാതാരം പ്രകാശ് രാജിനാണ്. പ്രശസ്ത സിനിമ താരങ്ങളെ വിളിച്ചു വരുത്തി സാമോഹ്യ പ്രശ്‌നങ്ങളിലെ അഭിപ്രായം ചോദിച്ച്, മറുപടിയില്‍ നിന്നും വൈവിധ്യങ്ങള്‍ സൃഷ്ടിച്ചെടുക്കുന്ന കപട മാധ്യമ ധര്‍മ്മത്തിന്റെ ഇരയാവേണ്ടിയിരുന്ന പ്രകാശ് രാജ് ബുദ്ധിപൂര്‍വം വിവാദത്തില്‍ നിന്നും പിന്മാറുകയായിരുന്നു.

അടുത്തിടെ രാജ്യത്തെയാകെ ശ്രദ്ധയാകര്‍ഷിച്ച വിഷയമായിരുന്നു കര്‍ണാടകയിലെ കാവേരി നദീജല പ്രശ്നം. കഴിഞ്ഞ ദിവസം ഒരു സ്വകാര്യ കന്നഡ ചാനലിലെ അഭിമുഖ പരിപാടിയ്ക്കിടെയാണ് വിവാദമായ സംഭവമുണ്ടായത്. കത്തുന്ന കാവേരി പ്രശ്നത്തെ കുറിച്ച് ചോദ്യം ചോദിച്ച ടിവി അവതാരകയോട് ക്ഷുഭിതനായ പ്രശസ്ത സിനിമ നടന്‍ പ്രകാശ് ഒടുവില്‍ അഭിമുഖം പാതിവഴിയില്‍ ഉപേക്ഷിച്ച് ഇറങ്ങിപ്പോയി.

ജോയ് മാത്യു സംവിധാനം ചെയ്ത മലയാള ചിത്രമായ ഷട്ടറിന്റെ കന്നഡ, തെലുങ്ക് പതിപ്പുകള്‍ പുറത്തിറങ്ങാനിരിക്കെയാണ് പുതിയ വിവാദം. രണ്ട് ഭാഷയിലും ചിത്രങ്ങളും സംവിധാനം ചെയ്യുന്നത് പ്രകാശ് രാജാണ്. ചിത്രത്തിന്റെ പ്രചരണത്തിനായാണ് പ്രകാശ് രാജ് ചാനല്‍ അഭിമുഖത്തിന് എത്തിയത്. എന്നാല്‍ ചാനലിലെ മാധ്യമ പ്രവര്‍ത്തക സിനിമക്കപ്പുറത്ത് കാവേരി പ്രശ്‌നത്തെക്കുറിച്ച് ചോദിച്ചതാന് പ്രകാശ് രാജിനെ ക്ഷുഭിതനാക്കിയത്.

തന്റെ സിനിമയെ കുറിച്ച് സംസാരിക്കാനാണ് ഇവിടെ വന്നതെന്നും കാവേരി പ്രശ്‌നം നിങ്ങള്‍ വിചാരിക്കുന്നത് പോലെ ചെറിയ പ്രശ്നമല്ലെന്നും പ്രകാശ് രാജ് വ്യക്തമാക്കി. താന്‍ പറയുന്നത് റെക്കോര്‍ഡ് ചെയ്യണമെന്ന് ക്യാമറാമാനോട് നിര്‍ദ്ദേശിച്ച താരം ഇതുപയോഗിച്ച് വിവാദം ഉണ്ടാക്കരുതെന്നും പറഞ്ഞു. ചാനലിന്റെ പേര് ചോദിച്ച പ്രകാശ് രാജ് ഇനി മേലില്‍ ഇവിടെ നിന്ന് അഭിമുഖത്തിനു വേണ്ടി തന്നെ സമീപിക്കരുതെന്നും പറഞ്ഞിട്ടാണ് ഇറങ്ങിപ്പോയത്. എന്നാല്‍ അതെ ചാനല്‍ തന്നെയാണ് രംഗങ്ങള്‍ പുറത്തു വിട്ട് സംഭവം വിവാദമാക്കിയത്.