സിനിമയില് കരാര് ഒപ്പിടുമ്പോള് നയന്താരയുടെ നിബന്ധന ?
നയന്താര അഭിനയിക്കുന്ന സിനിമകളുടെ പ്രമോഷന് പരിപാടികളില് പങ്കെടുക്കാത്ത അപൂര്വം നായികമാരില് ഒരാളാണ് നയന്താര.
സിനിമയില് കരാര് ഒപ്പിടുമ്പോള് നയന്താര ആദ്യം പറയുന്ന നിബന്ധനയും ഇതുതന്നെ. 'പല ചാനലുകളില് ഇരുന്ന് ഒരേ വിഷയം തന്നെ സംസാരിക്കാന് തനിക്ക് ഇഷ്ടമില്ല. ഇന്നത്തെ സാങ്കേതിക ലോകത്ത് പരസ്യ തന്ത്രങ്ങള് എല്ലാം മാറിക്കഴിഞ്ഞു.
പക്ഷേ നടീനടന്മാര് ഒരു സിനിമയ്ക്കുവേണ്ടി എന്തൊക്കെ പരസ്യം ചെയ്താലും പ്രൊമോഷന് നല്കിയാലും ഒരു മോശം സിനിമയെ 100 ദിവസം ഓടിക്കാനാവില്ല. കഥയുണ്ടെങ്കിലേ സിനിമ ഓടൂ. ഒരു കാര്യം ശരി എന്നു തോന്നിയാല് അത് ചെയ്യാന് ഒരിക്കലും ഞാന് മടിക്കാറില്ല. പിന്നെ പ്രൊമോഷനും പത്രസമ്മേളനത്തിനും ഞാന് വരില്ലെന്ന് ആദ്യമേ എന്റെ നിര്മാതാക്കളെ ഞാന് അറിയിക്കാറുണ്ട്.'
ബഡ്ജറ്റ് കുറഞ്ഞ സിനിമകളെ ഞാന് പ്രമോട്ട് ചെയ്യാറുണ്ട്. ചിലപ്പോള് വലിയ രീതിയിലുള്ള പ്രമോഷനല് പരിപാടികള് ഒരു ചീത്ത സിനിമയെ കുറച്ചെങ്കിലും സഹായിച്ചേക്കാം. സ്ക്രിപ്റ്റ് ചെയ്യുമ്പോള് കുറച്ചുകൂടി ശ്രദ്ധിച്ചാല് ഈ അനാവശ്യപരിപാടികള്ക്ക് പോകുന്ന സമയവും ലാഭിക്കാം. ചീത്ത സിനിമകള് എത്ര പ്രമോട്ട് ചെയ്താലും ബോക്സ്ഓഫീസില് വലിയ ചലനമുണ്ടാക്കില്ല.
അടുത്തിടെ ഒരു സിനിമയുടെ പ്രമോഷനല് വേദിയില് വച്ച് നടന് വിവേക് ഇതേ വിഷയത്തില് നയന്താരയെ ചോദ്യം ചെയ്യുകയുണ്ടായിരുന്നു. വിവേക് സാര് തന്നെക്കുറിച്ചാണ് ആ വേദിയില് സംസാരിച്ചതെന്ന് നയന്താര വ്യക്തമാക്കി. 'സിനിമ പ്രമോട്ട് ചെയ്തില്ലെങ്കില് അതിന്റെ ഫലം അനുഭവിക്കേണ്ടി വരുമെന്ന് അദ്ദേഹം പറഞ്ഞിരുന്നു. എന്നാല് സത്യം എന്തെന്ന് അദ്ദേഹത്തിന് അറിയില്ല.'
'പല സിനിമകളിലും എന്റെ പ്രതിഫലത്തെക്കാള് കുറച്ചാണ് കമ്മിറ്റ് ചെയ്യുന്നത്. എന്നാല് അവസാനം ലഭിക്കുന്നത് അതിലും കുറവ്. വിവേകിനെപ്പോലുള്ള സീനിയര് നടന്മാര് ഇതൊക്കെ വലിയ പ്രശ്നങ്ങള് ആക്കി മാറ്റുന്നത് കാണുമ്പോള് വിഷമം തോന്നുന്നു.' നയന്താര പറഞ്ഞു.
https://www.facebook.com/Malayalivartha
