ശ്രീനിവാസന്റെ നെഞ്ചിലെ കല്ലിറങ്ങി
നടന്‍ ശ്രീനിവാസന്റെയും കുടുംബത്തിന്റെയും നെഞ്ചില്‍ നിന്നും കല്ലിറങ്ങി.പ്രശസ്ത ചലച്ചിത്ര താരം നമിതാ പ്രമോദും ശ്രീനിവാസന്റെ മകന്‍ ധ്യാന്‍ ശ്രീനിവാസനും തമ്മില്‍ പ്രണയമാണെന്ന വാര്‍ത്ത ഒഴിഞ്ഞു പോയ സന്തോഷത്തിലാണ് കുടുംബം.വാര്‍ത്തക്ക് പിന്നില്‍ ധ്യാന്‍ ശ്രീനിവാസനുമുണ്ടോ എന്നും നടന്‍ ശ്രീനിവാസന്‍ സംശയിക്കുന്നു. കാരണം ധ്യാന്റെ കുട്ടി കളിയാണ് വിനയായി തീര്‍ന്നത്.
ഇപ്പോഴും കുട്ടികളെ പോലെയാണ് ധ്യാന്‍. 20 വയസുള്ള നമിതയും കുട്ടികളെ പോലെയാണ് പെരുമാറുന്നത്. തിരുവനന്തപുരം സ്വദേശിയായ നമിത എറണാകുളം സെന്റ് തെരേസാസ് കോളേജില്‍ ബി എ സോഷ്യോളജി വിദ്യാര്‍ത്ഥിനിയാണ്. വേളാങ്കണ്ണി മാതാവ് എന്ന സീരിയലിലൂടെയാണ് നമിത അഭിനയ രംഗത്തെത്തിയത്. ട്രാഫിക് ആണ് ആദ്യ ചിത്രം.
അടി കപ്യാരേ കൂട്ട മണി എന്ന ചിത്രത്തിലാണ് ധ്യാന്റെ ജോഡിയായി നമിത അഭിനയിച്ചത്. ഇരുവരും ചെറുപ്പക്കാരും സുഹൃത്തുക്കളുമാണ്. ധ്യാന്‍ ആകട്ടെ ആത്മാര്‍ത്ഥതയുടെ കാര്യത്തില്‍ അച്ഛനെ തോല്‍പ്പിക്കും. നമിതയുടെ കുടുംബവുമായും ധ്യാന്‍ അടുത്ത ബന്ധം പുലര്‍ത്തിയിരുന്നു.
ടെക്‌നോപാര്‍ക്കില്‍ ജോലിയുള്ള സോഫ്റ്റ് വെയര്‍ എഞ്ചിനീയര്‍ അര്‍പ്പിതയുമായി ധ്യാന്‍ പഠിക്കുന്ന കാലത്ത് തന്നെ പ്രണയത്തിലായിരുന്നു. ശ്രീനിവാസസനും കുടുംബത്തിനും ഇക്കാര്യം അറിയാമായിരുന്നു. സോഷ്യല്‍ മീഡിയയിലൂടെ ധ്യാന്റെ നമിതാ ബന്ധം പ്രചരിക്കുമ്പോള്‍ ആദ്യഘട്ടത്തില്‍ ശ്രീനിവാസന്‍ വെറുതെയിരുന്നതും ഇതു കൊണ്ടാണ്. അര്‍പ്പിതയുമായുള്ള ധ്യാന്റെ ബന്ധം നമിതക്കും അറിയാമായിരുന്നു. നമിതയുടെ കുടുംബത്തിനും അറിയാമായിരുന്നു.
നമിതയുമായുള്ള പ്രണയവാര്‍ത്തകള്‍ വായിച്ച് അര്‍പ്പിതയും ധ്യാനും പൊട്ടി ചിരിക്കുമായിരുന്നു. ആരും നിഷേധിക്കാതിരുന്നതാടെ ട്രോളര്‍മാര്‍ ആഘോഷം തുടര്‍ന്നു. അതോടെ നമിതയുടെ കുടുംബത്തില്‍ തന്നെ ഇത് വിവാദമായി. താരങ്ങള്‍ വാര്‍ത്തകള്‍ നിഷേധിച്ചില്ല. ഒടുവില്‍ നമിതയുടെ പിതാവ് തന്നെ രംഗത്തെത്തി. ധ്യാന്‍ വിവാഹിതനാകുന്നുണ്ടെന്നും എന്നാല്‍ അത് നമിതയുമായി അല്ലെന്നും അദ്ദേഹം പറഞ്ഞു.
തന്റെ രണ്ടു മക്കളും മാന്യന്‍മാരാണെന്നാണ് ശ്രീനിവാസന്‍ പറയുന്നത്. താരങ്ങളുടെ മക്കളെല്ലാം തന്നെ മാന്യത സൂക്ഷിക്കുന്നവരാണ്. ഏപ്രില്‍ ഏഴിന് കണ്ണൂരിലാണ് വിവാഹം.
https://www.facebook.com/Malayalivartha
