ഇന്നലെ അതായത് ഫെബ്രുവരി 14 പ്രണയിതാക്കളുടെ ദിനമായിരുന്നല്ലോ!. പ്രണയിക്കുന്നവര്‍ക്ക് വേണ്ടി ആദ്യമായി രക്തസാക്ഷിത്വം വരിച്ച വാലന്റൈന്റെ ഓര്‍മയ്ക്കായി എല്ലാ ഫെബ്രുവരി 14-നും ലോകത്തെ കാമുകീ -കാമുകന്മാര്‍ പ്രണയദിനം ആഘോഷിയ്ക്കുന്നു.. ആ പ്രണയ ദിനത്തില്‍ മലയാളത്തിന്റെ പ്രിയ നടി ജോമോള്‍ തന്റെ പ്രണയ കഥ പങ്കുവച്ചിരുന്നു.

ജാതിയും മതവും പ്രായവുമൊന്നും നോക്കാതെയാണ് ജോമോളും ചന്ദ്രശേഖരന്‍പിള്ളയും പ്രണയിച്ച് വിവാഹം ചെയ്യുന്നത്. സോഷ്യല്‍മീഡിയയൊന്നും ഇന്നത്തെ പോലെ അന്ന് ഇത്രയും സജീവമായിരുന്നില്ല.. ആ കാലത്താണ് ആ യാഹു പ്രണയം മൊട്ടിട്ടത്.

2001-ലായിരുന്നു അത്. ഞങ്ങള്‍ യാഹുവിലൂടെ ചാറ്റ് ചെയ്യാന്‍ ആരംഭിച്ചു.. ആദ്യമൊക്കെ പബ്ലിക്ക് ചാറ്റായിരുന്നു.. അത് പതിയെ സ്വകാര്യമായി. ചാറ്റിലൂടെ ഞങ്ങള്‍ നല്ല സുഹൃത്തുക്കളായി. പ്രായം അല്‍പം കൂടുതലാണെന്ന് ചന്തു ആദ്യമേ പറഞ്ഞിരുന്നു.യഥാര്‍ത്ഥത്തില്‍ ചന്തുവിന് ഞാനാരാണെന്ന് ശരിയ്ക്കും അറിയില്ലായിരുന്നു. മലയാള സിനിമയൊന്നും കാണാറില്ല. അതുകൊണ്ട് തന്നെ ഞാനെന്ന നടിയെയും അറിയില്ല. എനിക്ക് ചന്തുവിനോട് ഇഷ്ടം തോന്നി.. പ്രായമോ മതമോ ഒന്നും പ്രശ്‌നമായി തോന്നിയില്ല..-ജോമോള്‍ പറഞ്ഞു.

എനിക്കിന്നും ഓര്‍മയുണ്ട്, ചന്തുവിനെ ഞാന്‍ ആദ്യമായി കണ്ട ദിവസം. ഒരു ചുള്ളന്‍ ചെറുക്കന്‍.. എനിക്കൊരു ഐഡിയയും ഇല്ലായിരുന്നു അത് തന്നെയാണ് ചന്തു എന്ന്.. ഞങ്ങള്‍ പരസ്പരം കണ്ടു.. വിവാഹം കഴിഞ്ഞിട്ട് ഇപ്പോള്‍ 16 വര്‍ഷം.. രണ്ട് മക്കളുമുണ്ട്-ജോമോള്‍ പറഞ്ഞു.ഒരുവര്‍ഷം ചന്ദ്രശേഖരന്‍ പിള്ളയും ജോമോളും ചാറ്റിലൂടെ പ്രണയിച്ചു.. 2002-ലാണ് വിവാഹിതരായത്. ഒളിച്ചോടി വിവാഹം ചെയ്യുകയായിരുന്നുവത്രെ. വിവാഹത്തിന് ശേഷം ജോമോള്‍ ഗൗരി എന്ന പേര് സ്വീകരിച്ചു. ആര്യയും ആര്‍ജയുമാണ് മക്കള്‍...

നീണ്ട 16 വര്‍ഷങ്ങള്‍ക്ക് ശേഷം ഇപ്പോള്‍ ജോമോള്‍ മലയാള സിനിമയിലേക്ക് തിരിച്ചെത്തുകയാണ്. വികെ പ്രകാശ് സംവിധാനം ചെയ്യുന്ന കെയര്‍ഫുള്‍ എന്ന ചിത്രത്തിലൂടെ തിരിച്ചെത്തുന്ന ജോമോളിന് ഭര്‍ത്താവിന്റെയും കുടുംബത്തിന്റെയും പൂര്‍ണ പിന്തുണയുണ്ട്.