വാത്സല്യത്തോടെ താലോലിച്ച കൈകൊണ്ട് എന്തിന് കൊന്നു... പുതിയ പോസ്റ്റര് പുറത്തുവന്നു
വാത്സല്യത്തോടെ താലോലിച്ച കൈകൊണ്ട് എന്തിന് കട്ടപ്പ ബാഹുബലിയെ കൊന്നു എന്ന ചോദ്യം മനസില് ബാക്കിയാക്കിയാണ് ബാഹുബലി ആദ്യഭാഗം അവസാനിച്ചത്. അതേസമയം ലോകം കാത്തിരിക്കുന്ന ബാഹുബലി ദ കണ്ക്ലൂഷന്റെ പുതിയ പോസ്റ്റര് പുറത്തുവിട്ടു. കട്ടപ്പയും ബാഹുബലിയുമാണ് പോസ്റ്ററിലെ കഥാപാത്രങ്ങള്.
കുഞ്ഞു ബാഹുബലിയെ വാത്സല്യത്തോടെ കയ്യിലെടുത്തിരിക്കുന്ന കട്ടപ്പയെയും പിന്നീട് ബാഹുബലിയുടെ ജീവന് എടുക്കുന്ന കട്ടപ്പയെയുമാണ് പോസ്റ്ററില് അവതരിപ്പിച്ചിരിക്കുന്നത്. രാജമൗലിയാണ് പോസ്റ്റര് പുറത്തുവിട്ടിരിക്കുന്നത്.
ബാഹുബലി 2 ദ കണ്ക്ലൂഷന്റെ ദൃശ്യങ്ങള് ഓണ്ലൈനില് വന്നത് ഏറെ വിവാദമായിരുന്നു. ഡിസൈന് ജോലികള്ക്കായി അന്നപൂര്ണ സ്റ്റുഡിയോക്ക് കൈമാറിയ അഞ്ച് മിനിട്ട് ദൈര്ഘ്യമുള്ള ദൃശ്യങ്ങളാണ് പുറത്തായത്. നിര്മാതാവ് ഷോബു യാലഗാഡ സൈബര് സെല്ലിന് പരാതി നല്കിയിരുന്നു.
പരാതിയുടെ അടിസ്ഥാനത്തില് ഗ്രാഫിക് ഡിസൈനര് ട്രെയിനിയായ കൃഷ്ണ ദയാനന്ദ് ചൗധരിയെ പൊലീസ് അറസ്റ്റ് ചെയ്തു. വിഡിയോ മോഷ്ടിച്ച ഗ്രാഫിക് ഡിസൈനര് യുട്യൂബില് അപ് ലോഡ് ചെയ്യുകയായിരുന്നുവെന്ന് പൊലീസ് മാധ്യമങ്ങളെ അറിയിച്ചു. കൂടാതെ രണ്ടു സുഹൃത്തുകള്ക്ക് ഇയാള് വാട്ട്സ്ആപ്പ് വഴി ദൃശ്യങ്ങള് കൈമാറുകയും ചെയ്തു. ബാഹുബലി 2 ദ കണ്ക്ലൂഷന് 2017 ഏപ്രിലിലാണ് റിലീസ് ചെയ്യുന്നത്.
https://www.facebook.com/Malayalivartha
