തെന്നിന്ത്യന്‍ സിനിമയിലെ മുന്‍നിര അഭിനേത്രികളിലൊരാളായ നയന്‍താരയ്ക്കു പിറകേയാണ് പാപ്പരാസികള്‍. ചുരുങ്ങിയ കാലം കൊണ്ടാണ് ഈ അഭിനേത്രി പ്രേക്ഷകരുടെ മനസ്സിലേക്ക് ഇടിച്ചു കയറിയത്. ഗോസിപ്പ് കോളങ്ങളില്‍ ഇടം നേടിയിട്ടുള്ള താരം കൂടിയാണ് നയന്‍സ്. നിരവധി തവണ പ്രണയ ഗോസിപ്പ് കോളങ്ങളില്‍ ഇടം നേടിയിട്ടുള്ള താരം പുതിയ പ്രണയബന്ധത്തിലായിട്ട് അധികം നാളുകളായിട്ടില്ല. കാമുകനൊപ്പം സെല്‍ഫി പോസ്റ്റ് ചെയ്ത് അക്കാര്യം അരക്കിട്ടുറപ്പിക്കുകയും ചെയ്തിരുന്നു.

ചെന്നൈയില്‍ രണ്ട് വീടുണ്ടായിട്ടും താരം താമസിക്കുന്നത് കടല്‍ക്കര അഭിമുഖമായി വരുന്ന പഞ്ചനക്ഷത്ര ഹോട്ടലിലാണ്. പാപ്പരാസികളാണ് ഇക്കാര്യം കണ്ടെത്തിയിട്ടുള്ളത്. ഹോട്ടലില്‍ താമസിക്കുന്നതിന്റെ പിന്നിലെ കാരണവും ഇവര്‍ തന്നെ പറയുന്നുണ്ട്.

ചെന്നൈയില്‍ രണ്ട് വീടുണ്ടായിട്ടും താരം താമസിക്കുന്നത് കടല്‍ക്കര അഭിമുഖമായി വരുന്ന പഞ്ചനക്ഷത്ര ഹോട്ടലിലാണ്. പാപ്പരാസികളാണ് ഇക്കാര്യം കണ്ടെത്തിയിട്ടുള്ളത്. ഹോട്ടലില്‍ താമസിക്കുന്നതിന്റെ പിന്നിലെ കാരണവും ഇവര്‍ തന്നെ പറയുന്നുണ്ട്.കാമുകനോടൊപ്പം താമസിക്കുന്നതിനായാണ് നയന്‍സ് ഹോട്ടലില്‍ താമസിക്കുന്നതെന്നാണ് കരുതുന്നതെങ്കില്‍ നിങ്ങള്‍ക്കു തെറ്റി. പഴയ കാമുകനായ താരം ഈ ഹോട്ടലില്‍ താമസിക്കുന്നതു കൊണ്ടാണത്രേ നടി താമസം ഈ ഹോട്ടലിലേക്ക് മാറ്റിയതെന്നാണ് പാപ്പരാസികള്‍ കണ്ടെത്തിയിട്ടുള്ളത്.

തമിഴിലെ യുവ സംവിധായകരില്‍ പ്രമുഖനായ വിഘ്‌നേഷ് ശിവയും നയന്‍സും തമ്മില്‍ പ്രണയത്തിലാണെന്ന റിപ്പോര്‍ട്ടുകള്‍ പ്രചരിക്കാന്‍ തുടങ്ങിയിട്ട് അധികം നാളായിട്ടില്ല. അതിനിടയിലാണ് ഇത്തരമൊരു കണ്ടുപിടുത്തവുമായി പാപ്പരാസികള്‍ രംഗത്തെത്തിയിട്ടുള്ളത്.ഫുള്‍സ്‌റ്റോപ്പിട്ട ബന്ധം വീണ്ടും തുടങ്ങാന്‍ വേണ്ടിയാണോ നയന്‍താര ഈ ഹോട്ടലിലേക്ക് താമസം മാറിയതിന് പിന്നിലെന്ന് ചികയുകയാണ് പാപ്പരാസികള്‍. എന്തായാലും കാത്തിരുന്ന് അറിയാം എന്താണ് യഥാര്‍ത്ഥത്തില്‍ അരങ്ങേറുന്നതെന്ന്.