അബുദാബിയില് ജനിച്ചുവളര്ന്ന കുട്ടികളുടെ പ്രിയപ്പെട്ട നൃത്താധ്യാപികയുടെ അകാല മരണത്തില് വേദനിച്ച് പ്രവാസ ലോകവും
ബിജിപാലിന്റെ ഭാര്യ എന്നതിലുപരി എല്ലാവരുടെയും പ്രിയങ്കരിയായ കലാകാരിയുടെ വിയോഗത്തിന്റെ ആഘാതത്തിലാണ് പ്രാവസലോകം. സംഗീത സംവിധായകന് ബിജിപാലിന്റെ ഭാര്യ ശാാന്തി ഇന്നലെയാണ് മരണപ്പെട്ടത്. അപകടത്തില് പരിക്കേറ്റ് ചികിത്സയില് കഴിയവേയാണ് ശാന്തി മരണപ്പെട്ടത്. തലച്ചോറിലെ രക്തശ്രാവത്താലാണ് അവര് മരണപപ്പെട്ടത്. ഒരാഴ്ച്ചയായി ചികിത്സയില് കഴിയവേയാണ് അവര് വിടപറഞ്ഞത്. ദയ, ദേവദത്ത് എന്നിവരാണ് മക്കള്.
അബുദാബിയില് ജനിച്ചു വളര്ന്ന ശാന്തിയുടെ കലാരംഗത്തെ വളര്ച്ച അവിടുത്തെ സാംസ്കാരിക പരിപാടികളിലൂടെയായിരുന്നു. അബുദാബിയിലെ സാംസ്ക്കാരിക സംഘടനയായ ശക്തി തീയറ്ററിലൂടെയാണ് അവര് കലാരംഗത്ത് ചുവടുവെച്ചത്. അബുദാബി ശക്തി തിയറ്റേഴ്സ് ബാലസംഘത്തിന്റെയും കേരള സോഷ്യല് സെന്റര് ബാലവേദിയുടെയും സജീവപ്രവര്ത്തകയായിരുന്നു. ഇരു സംഘടനകളുടെയും ഭാരവാഹിത്വവും ശാന്തി വഹിച്ചിട്ടുണ്ട്.
അബുദാബി ശക്തി അവാര്ഡിന്റെ ധനസമാഹരണത്തിനുവേണ്ടി ശക്തി അവതരിപ്പിച്ച 'ശാകുന്തളം' ബാലെയില് പ്രിയംവദയ്ക്ക് ജീവന് പകര്ന്ന ശാന്തി നിരവധി തവണ നൃത്തരംഗത്തും പ്രത്യക്ഷപ്പെടുകയുണ്ടായി. ആ ബാലെ സംവിധാനം ചെയ്തത് പിന്നണി ഗായിക ജ്യോത്സനയുടെ അമ്മ ഗിരിജാ രാധാകൃഷ്ണനായിരുന്നു. അന്ന് ചെറിയ കുട്ടിയായിരുന്ന ജ്യോത്സന 'ശാകുന്തള' ത്തില് പാടുകയും ചെയ്തു.
ഇടശ്ശേരിയുടെ പ്രസിദ്ധ കവിതയായ 'പൂതപ്പാട്ടി'ല് പൂതം തട്ടിക്കൊണ്ടുപോയ കുഞ്ഞിന്റെ അമ്മയായി വേഷമിട്ടതിലൂടെ ശാന്തി കുട്ടികളുടെ നാടകങ്ങളില് സ്ഥിരസാന്നിധ്യമായിരുന്നു. കവിതാ പാരായണത്തിലും ശാസ്ത്രീയസംഗീതത്തിലും ശാസ്ത്രീയനൃത്തത്തിലും മറ്റിതര കലാപ്രകടനങ്ങളിലും തന്റേതായ വ്യക്തിമുദ്ര പതിപ്പിച്ച ശാന്തി അബുദാബി കേരള സോഷ്യല് സെന്ററിന്റെയും അബുദാബി മലയാളി സമാജത്തിന്റെയും ദുബായ് ദലയുടേയും കലോത്സവങ്ങളില് നിരവധി തവണ കലാതിലകമായി.
കലയിലെന്നപോലെ സാഹിത്യത്തിലും സജീവ തത്പരയായിരുന്നു ശാന്തി മോഹന്ദാസ്. മാതൃഭൂമി ആഴ്ചപ്പതിപ്പ് വിദ്യാര്ത്ഥികള്ക്കായി 1993ല് സംഘടിപ്പിച്ച ചെറുകഥാമത്സരത്തില് ശാന്തി എഴുതിയ 'സുന്ദരി' എന്ന കഥയ്ക്കായിരുന്നു ഒന്നാം സമ്മാനം. അബുദാബിയില് കുടുംബത്തോടൊപ്പം കഴിയവെ ഹൃദയസ്തംഭനംമൂലം അച്ഛന് മോഹന്ദാസ് മരണപ്പെട്ടതിനെത്തുടര്ന്ന് നാട്ടില് സ്ഥിര താമസമാക്കുകയായിരുന്നു. ഈ വേളയിലായിരുന്നു സംഗീത സംവിധായകന് ബിജിപാലുമായുള്ള വിവാഹം നടന്നത്.
2002ലായിരുന്നു ഇവര് തമ്മിലുള്ള വിവാഹം. കലാരംഗത്തുള്ളവര് എന്ന വിധത്തില് സന്തോഷ പൂര്വ്വവമായിരുന്നു ഇവരുടെ ജീവിതം. ഭര്ത്താവിന് താങ്ങും തണലുമായി അവര് എപ്പോഴും ഒപ്പം നിന്നു. ഒട്ടനവധി ആല്ബങ്ങള് സംവിധാനം ചെയ്തിട്ടുള്ള ബിജിപാലിന്റെ പല ആല്ബങ്ങളിലും ശാന്തിയായിരുന്നു പ്രധാന കഥാപാത്രം. ശാന്തിയെ മുഖ്യ കഥാപാത്രമാക്കി സംവിധാനം ചെയ്ത 'സകല ദേവ നുതെ', എന്ന ആല്ബവും ഏറെ ശ്രദ്ധിക്കപ്പെട്ടിരുന്നു. വിഎസിനെ കുറിച്ചുള്ള ആല്ബവും ഏറെ ശ്രദ്ധ നേടിയിരുന്നു.
കയ്യൂരുള്ളൊരു സമര സഖാവിന്... എന്നു തുടങ്ങുന്ന 'സമര സഖാവിന്' എന്ന ആല്ബവും ഏറെ ജനശ്രദ്ധ പിടിച്ചു പറ്റിയപ്പോള് ആ ആല്ബത്തിലും ശാന്തിയുടെ സാന്നിധ്യമുണ്ടായിരുന്നു. ശാന്തി മോഹന്ദാസ് അറിയപ്പെടുന്ന നര്ത്തകി കൂടിയാണ്. നൃത്തം പഠിപ്പിച്ചിരുന്നു. അറിയപ്പെടുന്ന നര്ത്തകിയായ ശാന്തി മോഹന്ദാസ് നൃത്താധ്യാപികയുമായിരുന്നു. നിരവധി കുട്ടികളാണ് ശാന്തി മോഹന്ദാസിന് കീഴില് നൃത്തം അഭ്യസിച്ചിരുന്നത്.
ചൊവ്വാഴ്ച വൈകീട്ട് നാലരയോടെ കൊച്ചിയിലെ സ്വകാര്യ ആശുപത്രിയില് വച്ചായിരുന്നു അന്ത്യം. 38 വയസായിരുന്നു. ഏതാനും ദിവസങ്ങള്ക്ക് മുന്പാണ് ശാന്തി വീട്ടിനകത്ത് വീണത്. പരിക്കേറ്റ ശാന്തിയെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയായിരുന്നു. ശാന്തിയുടെ ആരോഗ്യനില വഷളായതിനെ തുടര്ന്ന് തീവ്രപരിചരണ വിഭാഗത്തിലേക്ക് മാറ്റിയെങ്കിലും ചൊവ്വാഴ്ച വൈകീട്ടോടെ മരണത്തിന് കീഴടങ്ങുകയായിരുന്നു.
https://www.facebook.com/Malayalivartha
