ബാലിയില് ഗ്ലാമറസ് ലുക്കില് മംമ്ത മോഹന്ദാസ്
മലയാള സിനിമാ പ്രേക്ഷകര്ക്ക് ഏറെ ഇഷ്ടപ്പെട്ട നടിമാരില് ഒരാളാണ് മംമ്ത മോഹന്ദാസ്. ഇപ്പോഴിതാ ബാലിയില് നിന്നുള്ള വെക്കേഷന് ചിത്രങ്ങള് സോഷ്യല് മീഡിയയില് പങ്കുവച്ചിരിക്കുകയാണ് താരം.
പൂള് ബെഡില് കിടക്കുന്ന മംമ്തയെയാണ് ചിത്രങ്ങളില് കാണുന്നത്. ഇളം നീല നിറത്തിലുള്ള ഡ്രസില് വളരെ സുന്ദരിയായി കാണപ്പെടുന്നുണ്ട്. ജീവിതത്തിലുണ്ടായ ഓരോ പ്രതിസന്ധികളും തന്റെ ഇച്ഛാശക്തികൊണ്ട് മറികടന്ന വ്യക്തിയാണ് മംമ്ത. മുന്നിലെത്തുന്ന ഓരോ കടമ്പയെയും വളരെ പോസിറ്റീവായി അവര് തരണംചെയ്യുന്നു. അതിന്റെ തെളിവ് കൂടിയാണ് ഇപ്പോള് പങ്കുവച്ചിരിക്കുന്ന ചിത്രവും. വളരെ സന്തോഷവതിയാണ് മംമ്തയെന്ന് ചിത്രത്തില് കാണാം.
ബസ് കണ്ടക്ടര്, ലങ്ക, മധുചന്ദ്രലേഖ, ബാബ കല്യാണി, ബിഗ് ബി, പാസഞ്ചര്, കഥ തുടരുന്നു, അന്വര്, റെയ്സ്, മൈ ബോസ്, ടു കണ്ട്രീസ്, തോപ്പില് ജോപ്പന്, ഫോറന്സിക്, ലാല് ബാഗ്, മ്യാവൂ, ജനഗണമന എന്നിങ്ങനെ നിരവധി ചിത്രങ്ങളില് മമ്ത പ്രധാനവേഷങ്ങളില് എത്തിയിട്ടുണ്ട്.
മലയാളത്തിനൊപ്പം തെലുങ്ക്, കന്നട ഭാഷാചിത്രങ്ങളിലും മമ്ത അഭിനയിച്ചു. ഗായിക എന്ന രീതിയിലും ഏറെ ശ്രദ്ധേയയാണ് മംമ്ത. മലയാളത്തില് പ്രേംപാറ്റയാണ് അണിയറയില് ഒരുങ്ങുന്ന മംമ്തയുടെ ഏറ്റവും പുതിയ ചിത്രം.
https://www.facebook.com/Malayalivartha
