ജഡ്ജിയമ്മാവന് മുതല് അന്തോണീസ് പുണ്യാളന് വരെ കയറിയിറങ്ങിയപ്പോഴും ദിലീപിന് തുണയായത് കാവ്യയുടെ മൂകാംബിക ദേവി
ഒരാപത്ത് വരുമ്പോഴാണ് ശരിക്കും ദൈവത്തിനെ അറിയുന്നത്. അതുപോലെയാണ് ദിലീപിന്റെ കുടുംബത്തിന്റേയും അവസ്ഥ. കാവ്യയും കുടുംബവും ചെയ്യാത്ത പൂജകളില്ല. കുടുംബാംഗങ്ങളുടെ പൂജയെ കൂടാതെ ആരാധകരുടേയും പ്രാര്ത്ഥനയും നേര്ച്ചയും വഴിപാടും നാടുമുഴുവനുമുള്ള ആരാധനാലയങ്ങളില് നടത്തപ്പെട്ടു. ദിലീപ് ഓരോ തവണയും ജാമ്യാപേക്ഷ നല്കുമ്പോള് ആരാധകര് പ്രാത്യേക പ്രാര്ത്ഥനയുമായി ആരാധനാലയങ്ങളില് എത്തി.
ദിലീപിന്റെ സമയദോഷം മാറിയതായി ഒരു ജ്യോത്സനും കഴിഞ്ഞ ദിവസം പ്രവചിച്ചിരുന്നു. കോട്ടയം നാഗമ്പടത്തുള്ള സെന്റ് ആന്റണീസ് സുവിശേഷ പള്ളിയിലും ദിലീപിനായി പ്രത്യേക കുര്ബാന അര്പ്പിക്കപ്പെട്ടിരുന്നു എന്നും പിന്നീട് അറിവായി. ദിലീപിന് നീതികിട്ടാന് ഒരു കുടുംബമാണ് ഈ ദേവാലയത്തില് പണം അടച്ച് കുര്ബാന നടത്തിയത്.
ആരാധകരുടേയും കുടുംബാംഗങ്ങളുടേയുമൊക്കെ നിരന്തരമായ പ്രാര്ത്ഥനയ്ക്കൊടുവില് മൂ#ാ#ംബികാ ദേവിയാണ് വിളി കേട്ടതെന്നാണ് കാവ്യയുടെ വിശ്വാസം. മൂകാംബിക ദേവിയുടെ വലിയ ആഘോഷമാണ് പൂജവയ്പ്പ്. അന്ന് തന്നെ പ്രത്യേക വഴിപാടും നടത്തിയികുന്നു. അതു കഴിഞ്ഞാണ് ദിലീപിന് ജാമ്യം കിട്ടിയത്.
പൊന്കുന്നത്തെ ജഡ്ജിയമ്മാവന് ക്ഷേത്രത്തിലും വഴിപാട് നടത്തിയിരുന്നു. കള്ളന്മാര്ക്കും ക്രിമിനലുകള്ക്കും കേസില്പ്പെട്ടവര്ക്കും വ്യവഹാരങ്ങളുമായി ബന്ധപ്പെട്ടവരുമാണ് ജഡ്ജിയമ്മാവന് ക്ഷേത്രത്തില് എത്താറുള്ളത്. ഈ അമ്പലത്തില് എത്തിയാല് കേസുകളില് വിജയിക്കാനാകുമെന്നാണ് വിശ്വാസം. ക്രിമിനല് കേസില് പെട്ടവരും വ്യവഹാരങ്ങളില് ഉള്പ്പെട്ടവരും കേസുകളുമായി ബന്ധപ്പെട്ട മേഖലയില് പ്രവര്ത്തിക്കുന്ന ജഡ്ജിമാരും പൊലീസുദ്യോഗസ്ഥന്മാരും ഒക്കെയാണ് ഈ അമ്പലത്തില് പ്രാര്ത്ഥിക്കാനെത്തുന്നത്. അമ്പലത്തിലെ പ്രതിഷ്ഠയുടെ പേരാണ് ജഡ്ജിയമ്മാവന്. പത്തനംതിട്ട ജില്ലയില് റാന്നി മണിമല പൊന്കുന്നം റൂട്ടിലാണ് ജഡ്ജിയമ്മാവന്റെ അമ്പലം സ്ഥിതി ചെയ്യുന്നത്. തിരുവിതാംകൂര് ദേവസ്വംബോര്ഡിന്റെ ഉടമസ്ഥതയിലുള്ള കാവുംഭാഗം ചെറുവള്ളി മേജര് ദേവീക്ഷേത്രത്തിലെ ഉപദേവത പ്രതിഷ്ഠയാണ് ജഡ്ജി അമ്മാവന്റേത്.
ക്രിക്കറ്റ് വാതുവെയ്പ്പ് കേസില്പെട്ട ശ്രീശാന്ത് ജഡ്ജിയമ്മാവനെ തൊഴുത് വഴിപാട് നടത്തി. പിറ്റേദിവസമാണ് കേസില് ജാമ്യം ലഭിക്കുന്നതെന്നാണ് മോഹനദാസന് പറയുന്നത്. സോളാര്കേസില്പ്പെട്ട ശാലൂമേനോന്, പ്രിയദര്ശനുമായി വിവാഹമോചനക്കേസ് നടക്കുന്ന സമയത്ത് ഭാര്യ ലിസി തുടങ്ങീ ഒട്ടേറെ പ്രമുഖര് ജഡ്ജിയമ്മാവനെ തൊഴാനെത്തിയിട്ടുണ്ട്. ഇവര്ക്കു പിന്നാലെയാണ് ദിലീപിന്റെ മോചനത്തിനു വേണ്ടി പ്രാര്ത്ഥിക്കാനായി സഹോദരന് അനൂപും ബന്ധുക്കളും ജഡ്ജിയമ്മാവനെ തേടിയെത്തിയത്. അല്പം താമസിച്ചെങ്കിലും ദിലീപും പുറത്തിറങ്ങിയതാണ് വിശ്വാസങ്ങള്ക്ക് ബലമേകുന്നത്.
https://www.facebook.com/Malayalivartha
