തമിഴ്സിനിമയുടെ ഇരുണ്ട വശത്തെക്കുറിച്ച് ഇനിയും വെളിപ്പെടുത്താനുണ്ട് പക്ഷേ വിശാല് ഭീഷണിപ്പെടുത്തുന്നു': ശ്രീ റെഡ്ഡി
തമിഴ് സിനിമ നടന്മാര് എല്ലാം കണക്ക്. ഞാന് എല്ലാം തുറന്ന് പറയും. ശ്രീറെഢി. ശ്രീ റെഡ്ഡി പറയുന്ന കാര്യങ്ങളില് യാതൊരു സത്യവും ഇല്ലെന്ന് വിശാല്. തെലുങ്ക് സിനിമയിലെ കാസ്റ്റിംഗ് കൗച്ച് വെളിപ്പെടുത്തലുകള് കൊണ്ട് ഞെട്ടിച്ച ശ്രീറെഡ്ഡി ഇപ്പോള് തമിഴ് സിനിമയെയും വിവാദത്തിലാക്കിയിരിക്കുകയാണ്.. നടന് ശ്രീകാന്ത്, സംവിധായകന് എ.ആര് മുരുഗദോസ്, രാഘവ ലോറന്സ് എന്നിവര്ക്കെതിരെ ശ്രീ റെഡ്ഡി കടുത്ത ആരോപണങ്ങള് ഉന്നയിച്ചിരുന്നു. ഇപ്പോഴിതാ പിന്നാലെ നടന് വിശാലില് നിന്ന് ഭീഷണി നേരിട്ടു കൊണ്ടിരിക്കുകയാണെന്നും തമിഴ്സിനിമയിലെ ഇരുണ്ട വശങ്ങള് തനിക്ക് ഇനിയും വെളിപ്പെടുത്താനുണ്ടെന്നും ശ്രീ റെഡ്ഡി ഫെയ്സ്ബുക്കില് കുറിച്ചു.
നാനിക്കെതിരേ ആരോപണങ്ങളുമായി ശ്രീ റെഡ്ഡി രംഗത്ത് വന്നപ്പോള് നാനിയെ പിന്തുണച്ച് വിശാല് രംഗത്ത് വന്നിരുന്നു. ശ്രീ റെഡ്ഡി പറയുന്ന കാര്യങ്ങളില് യാതൊരു സത്യവും ഇല്ലെന്നാണ് തനിക്ക് തോന്നുന്നതായി വിശാല് പറഞ്ഞിരുന്നു.
തമിഴ് ലീക്സ് എന്ന ഹാഷ് ടാഗോടെയാണ് ശ്രീ റെഡ്ഡി തമിഴിലെ പ്രമുഖര്ക്കെതിരെയുള്ള തെളിവുകള് നിരത്തുന്നത്. സിനിമയില് അവസരം വാഗ്ദാനം ചെയ്ത് മുരുഗദോസ് തന്നെ പീഡിപ്പിച്ചുവെന്ന് ശ്രീ റെഡ്ഡി പറഞ്ഞു. സെലിബ്രിറ്റി ക്രിക്കറ്റ് ലീഗ് മത്സരത്തിനിടയില് ഹൈദരാബാദിലുള്ള ഒരു ഹോട്ടലില് വച്ച് ശ്രീകാന്തുമായി ശാരീരിക ബന്ധത്തില് ഏര്പ്പെട്ടുവെന്നാണ് ശ്രീ റെഡ്ഡി കഴിഞ്ഞ ദിവസം കുറിച്ചത്. തെലുങ്കു സിനിമയില് പുതുമുഖങ്ങളെ ലൈംഗിക ചൂഷണത്തിന് വിധേയമാക്കുന്നുവെന്ന ആരോപണവുമായാണ് ശ്രീ ആദ്യം രംഗത്തെത്തുന്നത്. നടനും സംവിധായകനുമായ ശേഖര് കമ്മൂല, നടന് റാണാ ദഗ്ഗുബാട്ടിയുടെ സഹോദരന് അഭിറാം ദഗ്ഗുബാട്ടി, ഗായകന് ശ്രീറാം, സംവിധായകന് കൊരട്ടല ശിവ തുടങ്ങിയവര്ക്കെതിരെയാണ് പിന്നീട് ശ്രീ രംഗത്തെത്തിയത്.
https://www.facebook.com/Malayalivartha
