പ്രതിഫലം നല്കിയില്ലെന്ന ശ്രീദേവിയുടെ വാദം തെറ്റാണെന്ന് പുലിയുടെ നിര്മ്മാതക്കള്
പ്രതിഫലം നല്കിയില്ലെന്ന നടി ശ്രീദേവിയുടെ വാദം തെറ്റാണെന്ന് പുലി സിനിമയുടെ നിര്മ്മാതാക്കള് രംഗത്ത്. ചിമ്പു ദേവനാണ് പുലി സംവിധാനം ചെയ്തത്.
താരം തങ്ങളില്നിന്നും കൂടുതല് പണം തട്ടിയതായാണ് നിര്മാതാക്കള് പറയുന്നത്. കരാര് അടിസ്ഥാനത്തിലുള്ള പണം ശ്രീദേവിക്ക് നല്കിയെങ്കിലും ചിത്രത്തിന്റെ നിര്മാണം പൂര്ത്തിയാകാറായപ്പോള് ഭര്ത്താവ് ബോണി കപൂറെത്തി കൂടുതല് പണം ആവശ്യപ്പെട്ടിരുന്നതായി നിര്മാതാക്കള് പറയുന്നു.
മറ്റ് ഭാഷകളിലേക്ക് ചിത്രം മൊഴിമാറ്റുന്നതിലൂടെ ലഭിക്കുന്ന പണത്തിന്റെ വിഹിതം ലഭിക്കണമെന്നായിരുന്നു ആവശ്യം. സത്യത്തില് ശ്രീദേവി തങ്ങള്ക്കാണ് പണം നല്കാനുള്ളതെന്നും കണക്കുകള് നിരത്തി നിര്മാതാക്കള് ചൂണ്ടിക്കാണിക്കുന്നു.
ചിത്രത്തിന്റെ നിര്മാതാക്കള് തനിക്ക് 50 ലക്ഷം രൂപ നല്കാനുണ്ടെന്ന് ചൂണ്ടിക്കാണിച്ച് ശ്രീദേവി പ്രഡ്യൂസേഴ്സ് കൗണ്സിലിന് പരാതി നല്കിയിരുന്നു. എന്നാല് ഇത് തെറ്റാണെന്നും 30 ലക്ഷം രൂപ സര്വീസ് ടാക്സ് അടക്കം 2.7 കോടി രൂപ താരത്തിന് നല്കിയതായി നിര്മാതാക്കളായ പി.റ്റി സെല്വകുമാറും തമീന്സും പറയുന്നു.
ഛായാഗ്രാഹകരായി മൂന്നുപേരെ തങ്ങള് നിയമിച്ചെങ്കിലും ശ്രീദേവിക്ക് അവരെ ഇഷ്ടമായില്ല. തുടര്ന്ന് താരത്തിന്റെ നിര്ദേശപ്രകാരം 50 ലക്ഷം മുടക്കി മനീഷ് മല്ഹോത്രയെന്നയാളെ കൊണ്ടുവന്നു. ചിത്രത്തിന്റെ ഹിന്ദി പതിപ്പിന്റെ പ്രമോട്ടര്മാര്ക്ക് ശ്രീദേവിയുടെ നിര്ദേശ പ്രകാരം എട്ട് ലക്ഷം രൂപയും ഈ അവസരത്തില് അധികമായി നല്കി. ശ്രീദേവിക്ക് ഹിന്ദി ഭാഷയില് ആരാധകര് കൂടുതലുണ്ടെന്ന വാദത്തെ തുടര്ന്നായിരുന്നു ഇത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha