ഭക്ഷണം കഴിപ്പിക്കാനായി കുഞ്ഞുങ്ങള്ക്ക് മൊബൈല് ഫോണ് കൊടുക്കുന്ന രക്ഷിതാക്കളുടെ ശ്രദ്ധയ്ക്ക്
കുഞ്ഞുങ്ങള് കരഞ്ഞാലുടന് രക്ഷിതാക്കള് മൊബൈല് എടുത്ത് കൈയ്യില് കൊടുക്കും. ഉടന് തന്നെ കരച്ചിലും നിര്ത്തി മൊബൈലില് കളിയും അവര് തുടങ്ങും. ആ സമയം നോക്കി വായില് ഭക്ഷണം വച്ചു കൊടുക്കുകയാണ് അമ്മമാരുടെ പതിവ്. പിന്നെ കുറച്ചു സമയം അവര്ക്ക് സ്വസ്ഥമായിരിക്കുകയും ചെയ്യാം. കുട്ടികള്ക്ക് മൊബൈല് ഫോണില് വീഡിയോ കാണിക്കുന്നവരാകട്ടെ ഇപ്പോള് ധാരാളമാണ്.
എന്നാല് ഇങ്ങനെ മൊബൈലിലുള്ള കുട്ടികളുടെ കളി അവരെ എത്രയധികം ദോഷകരമായി ബാധിക്കുന്നുണ്ടെന്ന ബോധം രക്ഷിതാക്കള്ക്ക് ഉണ്ടാകേണ്ടത് അത്യാവശ്യമാണ്.
ഇങ്ങനെ അഞ്ചുവയസ്സില്താഴെയുള്ളവര്ക്ക് മുന്നില് ടി.വി.യും കംപ്യൂട്ടറും മൊബൈലും ഉള്പ്പെടെയുള്ള ഡിജിറ്റല് സ്ക്രീനില് ചിത്രീകരണങ്ങള് കാണിക്കുന്നതിന് ലോകാരോഗ്യ സംഘടന (ഡബഌു.എച്ച്.ഒ.) മാര്ഗനിര്ദേശം കൊണ്ടുവന്നു. ഒരു വയസ്സില്താഴെയുള്ള കുട്ടികളെ ഇത്തരം ഇലക്ട്രോണിക് സ്ക്രീനുകള് കണിക്കാനേ പാടില്ലെന്നും അതിന് മുകളില് അഞ്ചുവയസ്സുവരെയുള്ള കുഞ്ഞുങ്ങള്ക്ക് ഒരു മണിക്കൂര്വരെയും മാത്രമേ വീഡിയോ പ്രദര്ശിപ്പിക്കാവൂ എന്നതാണ് നിര്ദേശം.
കുട്ടികള് കളിച്ചും ഉറങ്ങിയും അവരുടെ കായികക്ഷമതയും ബുദ്ധിശക്തിയും നിലനിര്ത്തട്ടേയെന്നും ഭാവിയില് ആരോഗ്യപ്രശ്നങ്ങള് ഇല്ലാതിരിക്കാന് ഇതു സഹായകമാകുമെന്നും സംഘടന നിര്ദേശിച്ചു. ആദ്യമായാണ് ഡബ്ല്യു.എച്ച്.ഒ. ഇത്തരം മാര്ഗനിര്ദേശങ്ങള് നല്കുന്നത്. ഒന്നുമുതല് നാലുവയസ്സുവരെയുള്ള കുട്ടികള് ദിവസത്തില് മൂന്നുമണിക്കൂറെങ്കിലും കായികപ്രവര്ത്തനങ്ങളില് ഏര്പ്പെട്ടിരിക്കണമെന്നും മാര്ഗനിര്ദേശത്തില് പറയുന്നു. ഒരു വയസ്സില് താഴെയുള്ളവര് തറയില് ഇരുന്നുകളിക്കട്ടെ, അവരുടെ സാന്നിധ്യത്തില്നിന്ന് എല്ലാത്തരം ഇലക്ട്രോണിക് സ്ക്രീനുകളും ഒഴിവാക്കപ്പെടണം.
കുഞ്ഞുങ്ങളോടൊപ്പം അല്പം സമയം ചെലവഴിക്കാന് എല്ലാ രക്ഷിതാക്കളും ശ്രദ്ധിക്കണം. ചെറുപ്രായത്തില് മാതാപിതാക്കളുടെ ശ്രദ്ധ കുഞ്ഞുങ്ങള്ക്ക് വളരെയേറെ അത്യാവശ്യമാണ്. അതിനാല് മൊബൈലുകളെല്ലാം മാറ്റി വച്ച് കുഞ്ഞുങ്ങളോടൊപ്പം അല്പസമയം കളിച്ച് രസിക്കാന് സമയം എല്ലാ രക്ഷിതാക്കളും ശ്രദ്ധിക്കേണ്ടത് അത്യാവശ്യമാണ്.
https://www.facebook.com/Malayalivartha