ഒരു കപ്പ് ചൂട് കട്ടൻ കാപ്പി കുടിച്ച് ദിവസം തുടങ്ങുന്നവരാണ് നമ്മളിൽ പലരും. പലർക്കും കട്ടൻ കാപ്പി ഇഷ്ടമാണെങ്കിലും പോഷകങ്ങളും ആന്റിഓക്‌സിഡന്റുകളും കട്ടൻ കാപ്പിയിൽ ധാരാളമായി അടങ്ങിയിട്ടുണ്ട് എന്ന കാര്യം പലർക്കും അറിയില്ല. ഏതെല്ലാം തന്നെ ഊർജ്ജം വർദ്ധിപ്പിക്കാൻ സഹായിക്കുകയും ചെയ്യുകയാണ്. പലരും കട്ടൻകാപ്പി കുടിച്ചാൽ വണ്ണം കുറയുമെന്ന് പറയുന്നുണ്ട്.

എന്നാൽ കട്ടൻ കാപ്പി ഭാരം കുറയ്ക്കാൻ സഹായിക്കുമോ എന്നതിനെ കുറിച്ച് പഠനങ്ങൾ നടന്ന് വരുകയാണ്. ഇപ്പോഴിതാ, പുതിയ പഠനം പറയുന്നത് ശരീരഭാരം കുറയ്ക്കാൻ കട്ടൻ കാപ്പി മികച്ചതാണ് എന്നതാണ്. ഇത് ശരീരത്തിന്റെ ഉപാപചയപ്രവർത്തനം വർദ്ധിപ്പിക്കുകയും കൊഴുപ്പ് വേഗത്തിൽ എരിച്ചു കളയുവാൻ സഹായിക്കുകയും ചെയ്യുമെന്നും പുതിയ പഠനത്തിൽ വ്യക്തമാക്കുന്നു.

ശരീരഭാരം കുറയ്ക്കുന്നതിന് പഞ്ചസാര, പാൽ, ക്രീം തുടങ്ങിയ ചേരുവകൾ ചേർക്കാതെ തന്നെ കട്ടൻ കാപ്പി കുടിക്കേണ്ടതെന്നും വിദഗ്ധർ ചൂണ്ടിക്കാണിക്കുന്നു. ശരീരഭാരം കുറയ്ക്കുന്നതിനുള്ള പ്രക്രിയയെ വേഗത്തിലാക്കുന്ന ക്ലോറോജെനിക് ആസിഡ് (chlorogenic acid) കട്ടൻ കാപ്പിയിൽ അടങ്ങിയിട്ടുണ്ട്. ഇത് ശരീരത്തിലെ ഗ്ലൂക്കോസ് ഉൽപാദനത്തെ ഗണ്യമായി കുറയ്ക്കുന്നുവെന്ന് യുണൈറ്റഡ് സ്റ്റേറ്റ്സ് ഡിപ്പാർട്ട്മെന്റ് ഓഫ് അഗ്രികൾച്ചർ വ്യക്തമാക്കുന്നു.

അതോടൊപ്പം തന്നെ ശരീരഭാരം കുറയ്ക്കാൻ സഹായിക്കുന്ന വിവിധ ആന്റിഓക്‌സിഡന്റുകളും ഇതിൽ അടങ്ങിയിട്ടുമുണ്ട്. കാപ്പിയിലെ ക്ലോറോജെനിക് ആസിഡ് ഒരു ആന്റിഓക്‌സിഡന്റായി പ്രവർത്തിക്കുകയാണ് ചെയ്യുന്നത്. ഇത് ഉയർന്ന രക്തസമ്മർദ്ദം നിയന്ത്രിക്കാനും ശരീരഭാരം കുറയ്ക്കാനും ശരീരത്തിലെ പഞ്ചസാരയുടെ അളവ് നിലനിർത്താനും സഹായിക്കുന്നു.

ദിനംപ്രതി രണ്ടോ മൂന്നോ കപ്പ് കാപ്പി കുടിക്കുന്നത് ശരീരത്തിലും വയറിലെ കൊഴുപ്പ് കുറയ്ക്കാൻ സഹായിക്കുമെന്ന് ദജേണൽ ഓഫ് ന്യൂട്രീഷനി ൽ പ്രസിദ്ധീകരിച്ച പഠനത്തിൽ പറയുന്നു. സെന്റർ ഫോർ ഡിസീസ് കൺട്രോൾ പ്രിവെൻഷനും നാഷണൽ ഹെൽത്ത് ആൻഡ് ന്യൂട്രീഷനും നടത്തിയ സർവേയിൽ നിന്നുള്ള ഡാറ്റ ഗവേഷകർ പരിശോധിക്കുകയും ചെയ്തിട്ടുണ്ട്. പ്രതിദിനം ഒരു കപ്പ് കാപ്പി കുടിക്കുന്നത് ശരീരത്തിലെ കൊഴുപ്പിന്റെ അളവ് എത്രത്തോളം കുറയ്ക്കുന്നുണ്ടെന്ന് പരിശോധിക്കുകയും ചെയ്തിട്ടുണ്ട്.

പ്രതിദിനം രണ്ടോ മൂന്നോ കപ്പ് കാപ്പി കുടിക്കുന്ന സ്ത്രീകളിൽ ശരീരത്തിലെ കൊഴുപ്പിന്റെ ശരാശരി ശതമാനം 2.8% കുറയുന്നതായി കണ്ടെത്തി യിട്ടുണ്ട്. ഗ്രീൻ കോഫി ബീൻസ് ശരീരത്തിന്റെ കൊഴുപ്പ് കത്തുന്ന ശേഷി വർദ്ധിപ്പിക്കാൻ സഹായിക്കുന്നു. ഇത് ശരീരത്തിൽ കൂടുതൽ കൊഴുപ്പ് കത്തുന്ന എൻസൈമുകൾ പുറപ്പെടുവിക്കാൻ കാരണമാകുന്നു. ഇത് കരളിന്റെ സ്വാഭാവിക ക്ലെൻസറായും പ്രവർത്തിക്കുന്നു. ഇത് കരളിനെ ശുദ്ധീകരിക്കുകയും ചീത്ത കൊളസ്‌ട്രോളും ഇല്ലാതാക്കുകയും ചെയ്യുന്നതായി പഠനത്തിൽ വ്യക്തമാക്കുന്നു.