പ്രഭാതത്തില്‍ സെക്‌സ് ചെയ്യുന്നതിന്റെ ഗുണങ്ങള്‍
പ്രഭാതത്തില്‍ സെക്‌സ് ചെയ്യുന്നതിന് ഗുണങ്ങള്‍ ഏറെയാണെന്നാണ് പഠനങ്ങള്‍ പറയുന്നത്. രാവിലെ സെക്‌സില്‍ ഏര്‍പ്പെടുന്നവര്‍ക്ക് ഒരു ചായ കുടിച്ച് ജോലി ചെയ്യുന്നവരേക്കാള്‍ ആരോഗ്യവും ഉന്മേഷവുമുണ്ടാകും. രാവിലത്തെ സെക്‌സ് ശരീരത്തില്‍ ഉല്‍പാദിപ്പിക്കുന്ന 'ഓക്‌സിടോസിന്‍' എന്ന ഹോര്‍മോണ്‍ പങ്കാളികളെ ദിവസത്തിലുടനീളം പരസ്പരം ഓര്‍ത്തിരിക്കാന്‍ പ്രേരിപ്പിക്കും. സ്ഥിരമായി പ്രഭാതത്തില്‍ സെക്‌സ് ചെയ്യുന്നത് പനി, ജലദോഷം മുതലായ രോഗങ്ങളെ അകറ്റുകയും ശരീരത്തിന്റെ പ്രതിരോധശക്തി വര്‍ധിപ്പിക്കുകയും ചെയ്യും.
പ്രഭാതത്തില്‍ സെക്‌സ് ചെയ്യുന്നതിന് മുമ്പ് ചില തയ്യാറെടുപ്പുകള്‍ ആവശ്യമാണ്. പ്രഭാതകൃത്യങ്ങളെല്ലാം ആദ്യം തന്നെ നിര്‍വ്വഹിക്കണം. വായ്‌നാറ്റം സെക്‌സിലെ താല്‍പര്യം കുറയ്ക്കും. അതിനാല്‍ വായ്‌നാറ്റം ഇല്ലാതാക്കാന്‍ ബന്ധപ്പെടുന്നതിന് മുമ്പ് ജീരകം പോലെ വല്ലതും ചവച്ച ശേഷം വാ കഴുകുന്നത് നന്നായിരിക്കും. എന്നും ഒരേ രീതിയില്‍ സെക്‌സിന് തയ്യാറാകാതിരിക്കുക. റൊമാന്റിക് മ്യൂസിക് കേള്‍ക്കുന്നത് നല്ല മൂഡ് സൃഷ്ടിക്കും. പങ്കാളിക്ക് മുമ്പില്‍ നഗ്‌നത പ്രദര്‍ശിപ്പിക്കാന്‍ മടിക്കേണ്ടതില്ല.
കിടയ്ക്കരികില്‍ തന്നെ കോണ്ടം സൂക്ഷിക്കുക. അതന്വേഷിച്ച് മുറി മുഴുവന്‍ നടക്കുന്നത് സെക്‌സിനെ മുഷിപ്പിക്കും. രാവിലത്തെ ലൈംഗികബന്ധത്തിന് അധികം ആയാസമില്ലാത്ത പൊസിഷനുകളാണ് നല്ലത്. സെക്‌സിനെ കിടക്കയില്‍ മാത്രം ഒതുക്കേണ്ടതില്ല. ഒരുമിച്ചുള്ള കുളി, കുളിക്കിടെ പരസ്പരം സോപ്പ് തേപ്പിക്കുക മുതലായവയെല്ലാം നല്ല സെക്‌സ് ലൈഫ് പ്രദാനം ചെയ്യും. സെക്‌സിന് ശേഷവും അടുത്തിടപഴകാന്‍ ശ്രമിക്കുക.
അത് ശാരീരികമാവണമെന്ന് നിര്‍ബന്ധമില്ല, മറിച്ച് പങ്കാളിക്ക് ഇഷ്ടപ്പെട്ട ഭക്ഷണം ഉണ്ടാക്കി നല്‍കുക, ജോലികളില്‍ സഹായിക്കുക മുതലായവ. ജോലിത്തിരക്കുള്ളവര്‍ക്ക് ക്ഷീണവും മറ്റും കാരണം രാത്രികളില്‍ സെക്‌സിലേര്‍പ്പെടാന്‍ കഴിയണമെന്നില്ല. അപ്പോള്‍ രാവിലെ നല്ല സമയമാണ്. രാവിലെ ലഭിക്കുന്ന ഉന്മേഷത്തെ പങ്കാളിയുടെ ശരീരത്തിലേക്ക് കടത്തിവിടുക.
https://www.facebook.com/Malayalivartha
