വേലക്കാരിയുടെ അടങ്ങാത്ത പക കലാശിച്ചത് പതിനൊന്നുകാരിയുടെ ജീവനെടുത്ത്
റിയാദില് 11 വയസുകാരിയെ വീട്ടു ജോലിക്കാരി കുത്തി കൊലപ്പെടുത്തി. സൗദി സ്വദേശിയായ നവാല് എന്ന പെണ്കുട്ടിയെയാണ് എത്യോപ്യക്കാരിയായ പ്രവാസി വേലക്കാരി ക്രൂരതയ്ക്ക് ഇരയാക്കിയത്. അതേസമയം വേലക്കാരിയില് നിന്ന് പെണ്കുട്ടിയെ രക്ഷിക്കാന് ശ്രമിച്ച സഹോദരന് അലിക്ക് (14) യും ആക്രമണത്തിന് ഇരയായി. ഗുരുതരാവസ്ഥയിലായ അലി തീവ്ര പരിചരണവിഭാഗത്തില് ചികിത്സയിലാണിപ്പോള്.
കഴിഞ്ഞ ബുധനാഴ്ചയായിരുന്നു നാടിനെ നടുക്കിയ സംഭവം. മക്കളെ വീട്ടിലാക്കി മാതാവ് ജോലിക്ക് പോയതായിരുന്നു. വേലക്കാരി ആക്രമിക്കാന് വരുന്നതു കണ്ട കുട്ടികള് റൂമില് കയറി ഒളിച്ചെങ്കിലും യുവതി പെണ്കുട്ടിയെ കുത്തിവീഴ്ത്തുകയായിരുന്നു. അലിയെ 14 തവണ വേലക്കാരി കുത്തിയതായും ബന്ധുക്കളെ ഉദ്ധരിച്ച് ഒരു പ്രാദേശിക മാധ്യമം റിപ്പോര്ട്ട് ചെയ്തിട്ടുണ്ട്.
സഹോദരിയെ വേലക്കാരി ആക്രമിക്കുന്ന വിവരം സഹോദരന് മാതാവിനെ ഫോണില് വിളിച്ചറിയിക്കുകയായിരുന്നു. മാതാവ് ഉടന് പൊലീസില് വിവരമറിയിച്ചു. പക്ഷേ പോലീസ് എത്തുമ്പോഴേക്കും പെണ്കുട്ടി മരിച്ചിരുന്നു.
ഇഖാമയുടെ കാലാവധി തീര്ന്നതിനാല് വേലക്കാരിയെ നാട്ടിലയക്കാന് തീരുമാനിച്ചതായിരുന്നു എന്ന് കുട്ടികളുടെ പിതാവ് അല് ഖറാനി പറഞ്ഞു. മകള് സ്പോര്ട്സ് ക്ലബില് ചേരാന് ആവശ്യപ്പെട്ടിരുന്നു എന്നും അതിനുള്ള നടപടികള് ചെയ്യുന്നതിനിടയിലാണ് വേലക്കാരി ഈ ക്രൂരത ചെയ്തതെന്നും അല്ഖറാനി പറഞ്ഞു. ഭാര്യയുമായി ബന്ധം വേര്പെടുത്തിയതിനാല് അല്ഖറാനി വേറെയാണ് താമസം.
https://www.facebook.com/Malayalivartha