കടയുടെ വാതിലുകളും മറ്റും തകര്ത്ത് അകത്ത് കയറി മോഷണം; യുഎഇയിലെ റാസല്ഖൈമയില് വ്യാപാര സ്ഥാപനങ്ങളില് മോഷണം നടത്തിയ രണ്ടു പ്രവാസികൾ അറസ്റ്റില്
യുഎഇയിലെ റാസല്ഖൈമയില് വ്യാപാര സ്ഥാപനങ്ങളില് മോഷണം നടത്തിയ രണ്ടുപേര് അറസ്റ്റിലായതായി റിപ്പോർട്ട്. ആഫ്രിക്കന് വംശജരാണ് പിടിയിലായത്. രാത്രികാലങ്ങളിലാണ് ഇവര് മോഷണം പതിവാക്കിയിരുന്നത്. കടയുടെ വാതിലുകളും മറ്റും തകര്ത്ത് അകത്ത് കയറിയാണ് കവര്ച്ച നടത്തിയത്.
ഓപ്പറേഷന് റൂമിന് ലഭിച്ച വിവരത്തിന്റെ അടിസ്ഥാനത്തില് നടത്തിയ അന്വേഷണത്തില് പ്രതികളെ റെക്കോര്ഡ് സമയത്തിനുള്ളില് തന്നെ പിടികൂടാൻ കഴിഞ്ഞു. മോഷണത്തിന് ഉപയോഗിച്ച ആയുധങ്ങളും കണ്ടെടുത്തു. പിടിയിലായവരെ പബ്ലിക് പ്രോസിക്യൂഷന് കൈമാറുകയും ചെയ്തു.
അതേസമയം റിയാദിൽ സോഷ്യല് മീഡിയ അക്കൗണ്ട് വഴി വ്യാജ ഉല്പ്പന്നങ്ങള് വിറ്റ സെലിബ്രിറ്റിക്ക് സൗദി അറേബ്യയില് 50,000 റിയാല് പിഴ ചുമത്തുകയുണ്ടായി. സ്നാപ് ചാറ്റ് അക്കൗണ്ട് വഴി പ്രശസ്ത ബ്രാന്ഡ് കമ്പനികളുടെ പേരിലുള്ള വ്യാജ ഉല്പ്പന്നങ്ങള് വില്പ്പന നടത്തിയ കേസിലാണ് സാമൂഹിക മാധ്യമതാരമായ സൗദി യുവാവ് അബ്ദുല്ല ഈദ് ആയിദ് അല്ഉതൈബിന് റിയാല് അപ്പീല് കോടതി പിഴ ശിക്ഷ വിധിച്ചിരിക്കുന്നത്.
കൂടാതെ റിയാദ് കേന്ദ്രീകരിച്ചാണ് ഇയാള് വ്യാജ ഉല്പ്പന്നങ്ങളുടെ വിപണനം നടത്തിയിരുന്നത്. ഇയാള് വ്യാജ ലേഡീസ് വാനിറ്റി ബാഗുകളും ചെരുപ്പുകളുമാണ് വിട്ടിരുന്നത്. ആഢംബര കാറുകളിലാണ് ഉല്പ്പന്നങ്ങള് വിതരണം ചെയ്തുവന്നത്. വാണിജ്യ വഞ്ചനാ വിരുദ്ധ നിയമം, ട്രേഡ്മാര്ക്ക് നിയമം എന്നിവയാണ് ഇയാള് ലംഘിച്ചതായി കണ്ടെത്തിയിരിക്കുകയാണ്. ഇയാളുടെ കൈവശമുള്ള വ്യാജ ഉല്പ്പന്നങ്ങള് കണ്ടുകെട്ടാനും യുവാവ് നടത്തിയ നിയമലംഘനവും ഇതിനുള്ള ശിക്ഷയും സ്വന്തം ചെലവില് പത്രത്തില് പരസ്യം ചെയ്യാനും കോടതി ഉത്തരവിൽ ഉണ്ട്.
https://www.facebook.com/Malayalivartha
