ഖത്തര്‍ പ്രതിസന്ധി രൂക്ഷമായിക്കൊണ്ടിരിക്കുന്ന സാഹചര്യത്തില്‍ കര്‍ശന നടപടികളുമായ യുഎഇ രംഗത്ത്. ഖത്തറുമായി യുഎഇയും സൗദിയും അടക്കമുള്ള അറബ് രാജ്യങ്ങള്‍ ബന്ധം വിഛേദിച്ചതിനെ ഈ രാജ്യങ്ങളില്‍ നിന്ന് പോലും പ്രതിഷേധം ഉയരുന്നുണ്ട്. ഈ സാഹചര്യത്തിലാണ് യുഎഇ കടുത്ത നടപടികളുമായി രംഗത്ത് വന്നിരിക്കുന്നത്. ഖത്തറിനെ അനുകൂലിച്ച് രംഗത്ത് വരുന്നവരെ ജയിലില്‍ അടക്കും എന്നാണ് യുഎഇ ഭരണകൂടം വ്യക്തമാക്കിയിരിക്കുന്നത്. പ്രതിസന്ധി എത്രത്തോളം രൂക്ഷമായിക്കൊണ്ടിരിക്കുകയാണ് എന്നതിന്റെ സൂചനയാണിത്. സോഷ്യല്‍ മീഡിയയിലോ അല്ലാതെയോ നടത്തുന്ന ഏത് പ്രചരണവും സൂക്ഷ്മമായി നിരീക്ഷിച്ച് വരികയാണ്.