ജോലിയ്ക്കിടയിൽ അവധിയെടുത്തു കറങ്ങാൻ എല്ലാവർക്കും ഇഷ്ടമാണ് എന്നാൽ ഒരു സഞ്ചാരിയുടെ വേറിട്ട യാത്രയാണ് ഇവിടെ ഏവരെയും അതിശയിപ്പിച്ചിരിക്കുന്നത്. ജൂ​ലി​യ​ന്‍ എ​ന്ന ഒാ​സ്​​ട്രി​യ​ന്‍ സ​ഞ്ചാ​രിയാണ് ആ വേറിട്ട യാത്രികൻ.

ദു​ബൈ​യും ഒ​മാ​നും ക​റ​ങ്ങാ​നു​ള്ള ല​ക്ഷ്യ​വു​മായി​ നാ​ട്ടി​ല്‍നി​ന്ന്​ സൈ​ക്കി​ളു​മായാണ് ജൂ​ലി​യ​ന്‍ വി​മാ​നം ക​യ​റി​യ​ത്. ആ​ദ്യ​മെ​ത്തി​യ ദു​ബൈ ര​ണ്ടു​ദി​വ​സം കൊ​ണ്ടു​ത​ന്നെ ജൂ​ലി​യ​ന്​ മ​ടു​ത്തു. അം​ബ​ര​ചും​ബി​ക​ളാ​യ കെ​ട്ടി​ട​ങ്ങ​ളും ന​ഗ​ര​ക്കാ​ഴ്​​ച​ക​ളു​മൊ​ക്കെ മ​ന​സ്സി​ന്​ പി​ടി​ക്കാ​തി​രു​ന്ന​തോ​ടെ സൈ​ക്കി​ളെ​ടു​ത്ത്​ ഒ​മാ​നി​ലേ​ക്ക്​ വി​ട്ടു. ക​ഴി​ഞ്ഞ ആ​റാ​ഴ്​​ച​യാ​യി വി​വി​ധ​ഭാ​ഗ​ങ്ങ​ളി​ല്‍ സ​ന്ദ​ര്‍​ശ​നം ന​ട​ത്തി. തി​രി​ച്ചു​പോ​കാ​ന്‍ ഇ​നി ര​ണ്ടു​നാ​ളു​ക​ളെ ബാ​ക്കി​യു​ള്ളൂ എന്ന വിഷമത്തിലാണ് ഇപ്പോൾ ജൂലിയൻ.

പ്രകൃതിഭംഗിക്കൊപ്പം തന്നെ ഈ ​നാ​ടും നാ​ട്ടു​കാ​രും ന​ല്‍​കി​യ സ്നേ​ഹം​നി​റ​ഞ്ഞ ഒാ​ര്‍​മ​ക​ള്‍ ത​ന്നെ ഇ​വി​ടെ പി​ടി​ച്ചു​നി​ര്‍​ത്തു​ന്ന​താ​ണെ​ന്ന്​ ജൂ​ലി​യ​ന്‍ പ​റ​യു​ന്നു. വീ​ടു​ക​ളി​ല്‍ കൊണ്ടുപോയി താ​മ​സി​പ്പി​ക്കു​ക​യും ഭ​ക്ഷ​ണം ന​ല്‍​കു​ക​യും ചെ​യ്​​ത സ്വ​ദേ​ശി​ന​ന്മ​ക​ളെ കു​റി​ച്ച്‌​ പ​റ​യാ​ന്‍ ജൂ​ലി​യ​ന്​ നൂ​റു​ നാ​വ്. സൈ​ക്കി​ളി​ല്‍ത​ന്നെ സ​ജ്ജീ​ക​രി​ച്ച ടെന്റ്​ സാ​മ​ഗ്രി​ക​ള്‍ ഉ​പ​യോ​ഗി​ച്ച്‌ തമ്പു​കെ​ട്ടി​യാ​ണ് വി​ശ്ര​മ​വും രാ​ത്രി​യു​റ​ക്ക​വു​മൊ​ക്കെ.

മെ​ഡി​ക്ക​ല്‍ ഫീ​ല്‍ഡി​ല്‍ ജോ​ലി​ചെ​യ്യു​ന്ന ഇ​യാ​ള്‍ അ​വ​ധി​യെ​ടു​ത്താ​ണ് നാ​ടു​കാ​ണാ​നി​റ​ങ്ങി​യ​ത്. ജോ​ലി​യു​ടെ ഭാ​ഗ​മാ​യി വെ​ല്ലൂ​ര്‍ സി.​എം.​സി ഹോ​സ്പി​റ്റ​ലി​ല്‍ പ​രി​ശീ​ല​ന​ത്തി​നെ​ത്തി​യ​പ്പോ​ള്‍ കേ​ര​ളം കാ​ണാ​നും ഇദ്ദേഹം എ​ത്തി​യി​ട്ടു​ണ്ട്.