ഗൾഫ് രാജ്യങ്ങളെ നടുക്കുന്ന വാഹനാപകടം അബുദാബിയിൽ അരങ്ങേറിയിരിക്കുന്നതായി റിപ്പോർട്ടുകൾ. കനത്ത മൂടൽ മഞ്ഞിനെത്തുടർന്നുണ്ടായ അപകടത്തിൽ 44 വാഹനങ്ങളാണ് തകർന്നത്.

മൂടൽ മഞ്ഞ്‌ കാഴ്ച്ച മറച്ച ഷെയിഖ്‌ മുഹമ്മദ്‌ ബിൻ സായിദ്‌ റൂട്ടിലാണ് അപകടം നടന്നത്‌. ഈ അപകടത്തിൽ 22 പേർക്ക്‌ പരുക്കേറ്റു. ഇതിൽ 4 പേരുടെ നില അതീവ ഗുരുതരമായി തുടരുന്നു.

ചൊവ്വാഴ്ച്ച രാവിലെ എട്ടരയ്ക്ക്‌ അൽസംഹ പാലത്തിൽ അബുദാബി റൂട്ടിലാണു അപകടം നടന്നത്‌. അപകടത്തിൽ പെട്ടവരെ ആശുപത്രിയിൽ പ്രവേശിപ്പിച്ചിട്ടുണ്ട്‌.

എന്നാൽ അപകടത്തിൽ പെട്ടവരെ കുറിച്ച്‌ കൂടുതൽ വിവരങ്ങൾ അറിവായിട്ടില്ല. അപകടത്തേ തുടർന്ന് ഈ റൂട്ടിൽ ഗതാഗത തടസ്സം രൂപപ്പെട്ടു.

വീഡിയോ കാണുക...