ഈ പെൺപൂച്ചകളോടു കളിക്കുന്നത് സൂക്ഷിച്ചു വേണം, ചിലപ്പോൾ പണി പാളും !
പ്രമുഖര്ക്ക് സുരക്ഷാവലയമൊരുക്കുന്ന ' ബ്ലാക്ക് ക്യാറ്റ് ' കമാന്ഡോകളെ നമുക്കറിയാം. എന്നാല്, ദുബൈയില് 24 വര്ഷമായി വനിതകള്ക്ക് മാത്രമായി പ്രവര്ത്തിക്കുന്ന ഒരു ബ്ലാക്ക് ക്യാറ്റ് വിഭാഗമുണ്ട്. പുരുഷന്മാരെ വെല്ലുന്നത്ര അഭ്യാസികളായ ഒരു സംഘം വനിതാ ബ്ലാക് ക്യാറ്റ് കമാന്ഡോകള്. 1994 ലാണ് ദുബൈ പൊലീസിന് കീഴിയില് വനിതാ വിഐപി സുരക്ഷാവിഭാഗം ആരംഭിച്ചത്.
വിഐപികളുടെ സുരക്ഷാചുമതലയുള്ള ഈ വനിതാ ബ്ലാക്ക് ക്യാറ്റുകള്ക്ക് ഏത് സാഹചര്യവും നേരിടാന് കെല്പ്പുണ്ട്. 18 അടവും പഠിച്ച ഇവര്ക്ക് സകല ആയോധന കലകളും വശമുണ്ട്. ഷാര്പ്പ് ഷൂട്ടര്മാരും മോട്ടോര്ബൈക്ക് അഭ്യാസത്തില് നിപുണകളുമാണിവര്.
ഭരണാധികാരികളുടെയും ശൈഖുമാരുടെയും ഭാര്യമാര് ഇവരുടെ സുരക്ഷാവലയത്തിലായിരിക്കും. കാറുകളിലും ബൈക്കുകളിലും അത്യാധുനിക ആയുധങ്ങളുമേന്തിയാണ് ഇവര് കാവല് നില്ക്കുന്നത്.യു.എ.ഇക്ക് അകത്ത് മാത്രമല്ല വനിതാ വി.ഐ.പികളുടെ വിദേശയാത്രകളിലും ഈ കറുമ്പി പൂച്ചകള് ചുറ്റുമുണ്ടാകും.
കായികക്ഷമത ഉറപ്പാക്കാന് എല്ലാ ആഴ്ചയും കമാന്ഡോകള് കഠിനമായ പരിശീലന ക്ലാസുകള്ക്കും അഭ്യാസമുറകള്ക്കുമായി ഹാജരാകണം. അടിക്കടി മോക്ക് ഡ്രില്ലുമുണ്ടാകും.
https://www.facebook.com/Malayalivartha
