ഇനി പാർക്കിംഗ് ഫീസും വിരൽത്തുമ്പിൽ; ദുബായ് ആര്.ടി.എ യുടെ പുതിയ സാങ്കേതിക വിദ്യ ജനശ്രദ്ധയാകർഷിക്കുന്നു
പാര്ക്കിംഗ് ഫീസടക്കാന് എളുപ്പവഴിയുമായി വഴിയുമായി ദുബായ് ആര്.ടി.എ രംഗത്തെത്തിയിരിക്കുകയാണ്. ആന്ഡ്രോയിഡ് ഫോണും നോള് കാര്ഡും ഉപയോഗിച്ച് പാര്ക്കിങ് ഫീസ് അടക്കാനായുള്ള സംവിധാനമാണ് ആര്.ടി.എ അവതരിപ്പിച്ചിരിക്കുന്നത്.
നിയര് ഫീല്ഡ് കമ്മ്യൂണിക്കേഷന് (എന്.എഫ്.സി.) സാങ്കേതിക വിദ്യ ഉപയോഗിച്ചു സാധ്യമാകുന്ന സംവിധാനം ദുബൈ സര്ക്കാരിന്റെ സ്മാര്ട് സിറ്റി പദ്ധതിയുടെ ഭാഗമായാണ് നടപ്പിലാക്കിയിരിക്കുന്നത്.
നിലവില് ആന്ഡ്രോയിഡ് പ്ലാറ്റ്ഫോമുകളില് മാത്രമാണ് ഇത് പ്രവര്ത്തിക്കുക. കാറില് നിന്ന് ഇറങ്ങി ടിക്കറ്റ് മെഷ്യന്റെ അടുത്ത് പോകുന്നത് ഒഴിവാക്കാന് ഇൗ സംവിധാനം ഉപകരിക്കുമെന്ന് ആര്.ടി.എ. യുടെ ട്രാഫിക് ആന്റ് റോഡ് ഏജന്സി സി.ഇ.ഒ. മൈത്ത ബിന്ത് അദായി പറഞ്ഞു.
ആര്.ടി.എയുടെ ദുബൈ ആപ്പ് ഡൗണ്ലോഡ് ചെയ്യുകയാണ് ഇൗ സൗകര്യം ഉപയോഗിക്കാനുള്ള ആദ്യ വഴി. ഇതിലെ നോല് കാര്ഡ് ഒാപ്ഷന് ഉപയോഗിച്ച് ഈ-പാര്ക്കിങ് പഴ്സ് ടോപ്അപ് ചെയ്യാം.
ഇത് ഉപയോഗിക്കുക വഴി നോല് കാര്ഡില് നിന്ന് പണം ഇ-പാര്ക്കിങ് പഴ്സില് എത്തും. തുടർന്ന് ഇ-പാര്ക്കിങ് പഴ്സ് ഉപയോഗിച്ച് പാര്ക്കിങ് ഫീസ് അടക്കാം.
https://www.facebook.com/Malayalivartha
