ഒരുവയസുള്ള കുട്ടിയെ റഷ്യന്‍ ഓര്‍ത്തഡോക്സ് വൈദികന്‍ മാമോദീസ മുക്കുന്നതിന്റെ ഭീകരദൃശ്യങ്ങള്‍ പുറത്ത്. വൈദീകനായ ഫോര്‍ട്ടി നിച്ചിട്രോന്‍ങ്ക് ആണ് ആരു ഭയന്നുപോകുന്ന രീതിയില്‍ കുട്ടിയേ മൂന്നു തവണ വെള്ളത്തില്‍ മുക്കിയെടുത്തത്. ഓര്‍ത്തഡോക്സ് വിശ്വാസമനുസരിച്ച് മാമോദീസ മുക്കുന്നയാളെ മൂന്നുതവണ വിശുദ്ധ വെള്ളത്തില്‍ മുക്കിയെടുത്താണ് ചടങ്ങ് നടത്തുന്നത്.

കുട്ടി പേടിച്ചു നിലവിളിക്കുന്നത് ദൃശ്യങ്ങളില്‍ വ്യക്തമാണ്. സെന്റ് പീറ്റേഴ്സ് ബര്‍ഗിന് സമീപമുള്ള പള്ളിയില്‍ വച്ച് നടന്ന ചടങ്ങില്‍ ഇപ്രകാരം സംഭവിക്കവേ നടക്കവേ കുട്ടിയുടെ 24 വയസുള്ള മാതാവ് അലക്സിവ വൈദീകനെ ഈ പ്രവര്‍ത്തിയില്‍ നിന്ന് പിന്തിരിപ്പിക്കാന്‍ ശ്രമിച്ചു എങ്കിലും കാര്യമായ ഫലം ഉണ്ടായില്ല.

മാതാവ് പിന്തിരിപ്പിക്കാന്‍ ശ്രമിക്കുന്നതിനിടയില്‍ വൈദികന്‍ ഇത് തന്റെ ജോലിയാണെന്ന് കുട്ടിയുടെ മാതാവിനോട് ആക്രോശിക്കുകയായിരുന്നു. കഴിഞ്ഞ 26 വര്‍ഷമായി താന്‍ ഇങ്ങനെയാണ് മാമോദീസ നടത്തുന്നത് എന്നും മാതാവിനോട് ഇയാള്‍ പറഞ്ഞു. ചടങ്ങിന് ശേഷം കുട്ടിക്ക് ഇപ്പോള്‍ എല്ലാ കാര്യങ്ങളോടും ഭയമാണെന്നും പലപ്പോഴും പേടിച്ച് നിലവിളിക്കാറുണ്ടെന്നും മാതാവ് പറയുന്നു.

ഒരു വയസുള്ള കുട്ടിയായിരുന്നതിനാല്‍ അത്രയും ചെറിയ പാത്രത്തില്‍ അവനെ പൂര്‍ണ്ണമായും മുക്കിയെടുക്കാന്‍ സാധിക്കുമായിരുന്നില്ലെന്ന് ഇവര്‍ പറയുന്നു. കുട്ടിയെ രക്ഷിക്കാനെത്തിയപ്പോള്‍ മാതാവിന്റെ കഴുത്തിലിട്ടിരുന്ന സ്‌കാര്‍ഫില്‍ ചടങ്ങിനായി തെളിയിച്ചു വച്ചിരുന്ന മെഴുകുതിരികളില്‍ നിന്ന് തീ പടര്‍ന്നു. ഇതോടെ അവര്‍ പിന്തിരിയുകയായിരുന്നു. വൈദീകന്റെ പ്രവര്‍ത്തിയെ തുടര്‍ന്ന് കുട്ടിയുടെ ശരീരത്തില്‍ മുറിവുകളുണ്ടായിട്ടുണ്ട്.

എന്നാല്‍ താന്‍ സാധാരണ ചെയ്യുന്നതു പോലെ തന്നെയാണ് ആ ചടങ്ങും നടത്തിയതെന്നായിരുന്നു വൈദീകന്റെ വിശദീകരണം.മാത്രമല്ല കുട്ടിയുടെ അമ്മ പള്ളിയില്‍ വരാറില്ലെന്നും അതുകൊണ്ട് തന്നെ അവര്‍ക്ക് ഇങ്ങനെയുള്ള കാര്യങ്ങളില്‍ അനുഭവ പരിചയം കുറവാണന്നും വൈദീകന്‍ പറഞ്ഞു. യുവതി വിവരം അറിയിച്ചതിനെ തുടന്ന് പോലീസ് അന്വേഷണം നടത്തിയെങ്കിലും കൂടുതല്‍ നടപടികള്‍ ഉണ്ടായില്ലെന്ന് ഇവര്‍ പറയുന്നു.