ചാ​ര​വൃ​ത്തി ആ​രോ​പി​ച്ച് പാ​ക്കി​സ്ഥാ​ൻ അ​റ​സ്റ്റ് ചെ​യ്ത ഇന്ത്യന്‍പൗരന്‍, മു​ൻ നാ​വി​ക​സേ​നാ ഉ​ദ്യോ​ഗ​സ്ഥ​ൻ‌ കു​ൽ​ഭൂ​ഷ​ൺ ജാ​ദ​വി​നെ ഇ​ന്ത്യ​ൻ പ്ര​തി​നി​ധി സ​ന്ദ​ർ​ശി​ച്ചു. ഇ​സ്‌​ലാ​മാ​ബാ​ദി​ലെ പാ​ക് വി​ദേ​ശ​കാ​ര്യ മ​ന്ത്രാ​ല​യ​ത്തി​ൽ വ​ച്ച് ഇ​ന്ത്യ​ൻ ഡെ​പ്യൂ​ട്ടി ഹൈ​ക്ക​മ്മീ​ഷ​ണ​ർ ഗൗ​ര​വ് അ​ലു​വാ​ലി​യ​യാ​ണ് കു​ൽ​ഭൂ​ഷ​ണെ സ​ന്ദ​ർ​ശി​ച്ച​ത്. അ​ന്താ​രാ​ഷ്ട്ര നീ​തി​ന്യാ​യ കോ​ട​തി വി​ധി​യു​ടെ അ​ടി​സ്ഥാ​ന​ത്തി​ലാ​യിരുന്നു കൂ​ടി​ക്കാ​ഴ്ച. അ​തേ​സ​മ​യം, കൂ​ടി​ക്കാ​ഴ്ച​യു​ടെ കൂ​ടു​ത​ൽ വി​വ​ര​ങ്ങ​ൾ‌ പു​റ​ത്തു​വ​ന്നി​ട്ടി​ല്ല.

സ്വ​ത​ന്ത്ര​മാ​യ കൂ​ടി​ക്കാ​ഴ്ച​യ്ക്ക് പാ​ക്കി​സ്ഥാ​ൻ വേ​ദി​യൊ​രു​ക്കു​മെ​ന്നാ​ണ് പ്ര​തീ​ക്ഷ​യെ​ന്ന് ഉ​ന്ന​ത ന​യ​ത​ന്ത്ര ഉ​ദ്യോ​ഗ​സ്ഥ​ർ നേരെത്തെ വ്യ​ക്ത​മാ​ക്കി​യി​രു​ന്നു. ഇതനുസരിച്ച് കു​ൽ​ഭൂ​ഷ​ണ് തി​ങ്ക​ളാ​ഴ്ച ന​യ​ത​ന്ത്ര സ​ഹാ​യം ല​ഭ്യ​മാ​ക്കു​മെ​ന്നു പാ​ക്കി​സ്ഥാ​ൻ അ​റി​യി​ച്ചി​രു​ന്നു. വി​യ​ന്ന ക​ൺ​വ​ൻ​ഷ​ൻ പ്ര​ഖ്യാ​പ​ന​വും അ​ന്താ​രാ​ഷ്‌​ട്ര നീ​തി​ന്യാ​യ കോ​ട​തി വി​ധി​യും പാ​ക്കി​സ്ഥാ​നി​ലെ നി​യ​മ​വും ക​ണ​ക്കി​ലെ​ടു​ത്തു​ള്ള ന​യ​ത​ന്ത്ര സ​ഹാ​യ​മാ​കും ല​ഭ്യ​മാ​ക്കു​ക‍​യെ​ന്നാ​ണ് പാ​ക് വി​ദേ​ശ​കാ​ര്യ വ​ക്താ​വ് മു​ഹ​മ്മ​ദ് ഫൈ​സ​ൽ അ​റി​യി​ച്ച​ത്. പാ​ക് ഉ​ദ്യോ​ഗ​സ്ഥ​ന്‍റെ സാ​ന്നി​ധ്യ​ത്തി​ലാ​വും ന​യ​ത​ന്ത്ര സം​ഘ​ത്തി​ന്‍റെ കൂ​ടി​ക്കാ​ഴ്ച​യെ​ന്നും സൂ​ച​ന​ക​ളു​ണ്ടാ​യി​രു​ന്നു. ഇത് ആ​ദ്യ​മാ​യാ​ണ് പാ​ക്കി​സ്ഥാ​ൻ കു​ൽ​ഭൂ​ഷ​ൺ ജാ​ദ​വി​ന് ന​യ​ത​ന്ത്ര സ​ഹാ​യം ല​ഭ്യ​മാ​ക്കിയത്.

അ​ന്താ​രാ​ഷ്‌​ട്ര നീ​തി​ന്യാ​യ കോ​ട​തി​വി​ധി​യു​ടെ അ​ടി​സ്ഥാ​ന​ത്തി​ൽ ക​ഴി​ഞ്ഞ മാ​സം കു​ൽ​ഭൂ​ഷ​ണ് ന​യ​ത​ന്ത്ര​സ​ഹാ​യം ന​ൽ​കാ​ൻ പാ​ക്കി​സ്ഥാ​ൻ ത​യാ​റാ​യി​രു​ന്നുവെങ്കിലും ഇ​തി​നാ​യി മു​ന്നോ​ട്ടു​വ​ച്ച വ്യ​വ​സ്ഥ​ക​ൾ ഇ​ന്ത്യ അം​ഗീ​ക​രി​ച്ചി​രുന്നില്ല . കൂ​ടി​ക്കാ​ഴ്ച ന​ട​ക്കു​ന്ന മു​റി​യി​ല്‍ സി​സി​ടി​വി ക്യാ​മ​റ​ക​ള്‍ സ്ഥാ​പി​ക്ക​ണ​മെ​ന്നും, ഒ​രു പാ​ക്ക് ഉ​ദ്യോ​ഗ​സ്ഥ​ന്‍റെ സാ​ന്നി​ധ്യ​ത്തി​ലാ​യി​രി​ക്ക​ണം കൂ​ടി​ക്കാ​ഴ്ച​യെ​ന്നു​മാ​യി​രു​ന്നു വ്യ​വ​സ്ഥ​ക​ൾ.

2016 ഇല്‍ ആണ് കുല്‍ഭൂഷണ്‍ ജാധവ് പാക്കിസ്ഥാനില്‍ അറസ്റ്റിലായത്. പിടിക്കപ്പെടുമ്പോള്‍ ഇദ്ദേഹത്തിന്റെ കയ്യില്‍ കള്ളപ്പേരിലുള്ള ഒരു ഇന്ത്യന്‍ പാസ്‌പോര്‍ട്ട് ഉണ്ടായിരുന്നെന്നും, ഇദ്ദേഹം ചാരപ്രവര്‍ത്തനത്തിനും തീവ്രവാദത്തിനുമായി റോ അയച്ച ഏജന്റ് ആണെന്നും പാക്കിസ്താന്‍ ആരോപിച്ചു. ജാധവിനെ വിചാരണ ചെയ്ത പട്ടാളകോടതി വധശിക്ഷയാണ് വിധിച്ചത്. ജാധവിന് നിയമസഹായം എത്തിക്കാന്‍ ഇന്ത്യന്‍ കോണ്‍സുലേറ്റ് ശ്രമിച്ചെങ്കിലും പായ്ക്കിസ്ഥാൻ ആ ശ്രമം അനുവദിച്ചിരുന്നില്ല. ജാധവിനെ അറസ്റ്റ് ചെയ്ത വിവരം തന്നെ ഇന്ത്യന്‍ കോണ്‍സുലേറ്റിനെ അറിയിച്ചത് മൂന്നാഴ്ച വൈകിയാണ്.

തൊ​ട്ട​ടു​ത്ത വ​ർ​ഷം ഏ​പ്രി​ലി​ൽ പാ​ക് സൈ​നി​ക കോ​ട​തി ജാ​ദ​വി​നു വ​ധ​ശി​ക്ഷ വി​ധി​ച്ചു. ഇ​തി​നെ​തി​രേ ഇ​ന്ത്യ 2017 മേ​യി​ൽ അ​ന്താ​രാ​ഷ്‌​ട്ര നീ​തി​ന്യാ​യ കോ​ട​തി​യെ സ​മീ​പി​ച്ചു. ഇ​റാ​നി​ൽ വ​ച്ച് അ​ന​ധി​കൃ​ത മാ​യി അ​റ​സ്റ്റ്ചെ​യ്തു​വെ​ന്നാ​ണ് ഇ​ന്ത്യ​യു​ടെ വാ​ദം. എ​ന്നാ​ൽ, ഇ​റാ​നി​ൽ​നി​ന്ന് പാ​ക്കി​സ്ഥാ​നി​ലേ​ക്കു ക​ട​ന്ന​പ്പോ​ഴാ​യി​രു​ന്നു അ​റ​സ്റ്റെ​ന്നു പാ​ക്കി​സ്ഥാ​ൻ പ​റ​യു​ന്നു. 2019 ജൂ​ലൈ 17ന് ​കേ​സ് പ​രി​ഗ​ണി​ച്ച ഹേ​ഗി​ലെ രാ​ജ്യാ​ന്ത​ര കോ​ട​തി പാ​ക് സൈ​നി​ക കോ​ട​തി വി​ധി​ച്ച വ​ധ​ശി​ക്ഷ ത​ട​ഞ്ഞു. വ​ധ​ശി​ക്ഷ പു​നഃ​പ​രി​ശോ​ധി​ക്കാ​ൻ പാ​ക്കി​സ്ഥാ​നു നി​ർ​ദേ​ശം ന​ൽ​കി​യ കോ​ട​തി, ജാ​ദ​വി​ന് ന​യ​ത​ന്ത്ര സ​ഹാ​യം ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടു. കു​ൽ​ഭൂ​ഷ​ൺ ജാ​ദ​വ് ചാ​ര​നാ​ണെ​ന്ന​തി​ന് തെ​ളി​വി​ല്ലെ​ന്ന നി​ല​പാ​ടെ​ടു​ത്ത കോ​ട​തി സൈ​നി​ക​ക്കോ​ട​തി​വി​ധി റ​ദ്ദാ​ക്കു​ക​യോ ജാ​ദ​വി​നെ വി​ട്ട​യ​യ്ക്കാ​ൻ നി​ർ​ദേ​ശി​ക്കു​ക​യോ ചെ​യ്തി​ട്ടി​ല്ല.