അറ്റ്ലാന്റയില് നിന്നും പറന്നുയര്ന്ന ഡെല്റ്റ ഫ്ളൈറ്റ് 39,000 അടി ഉയരത്തില് നിന്നും താഴേക്ക് പതിച്ചു, യാത്രക്കാര് മരണം മുന്നില് കണ്ടു...!
അറ്റ്ലാന്റയില് നിന്നും വൈകിട്ട് 3.47-ന് പറന്നുയര്ന്ന ഡെല്റ്റ ഫ്ളൈറ്റ് 39000 അടി ഉയരത്തില് എത്തിയപ്പോള് പെട്ടെന്ന് താഴേക്ക് പതിച്ചു. വിമാനം പറന്നുയര്ന്ന് ഒന്നര മണിക്കൂറോളം പ്രശ്നങ്ങള് ഒന്നുമുണ്ടായിരുന്നില്ല.
പെട്ടെന്നാണ് കാബിനിലെ വായുമര്ദ്ദത്തില് വ്യത്യാസം ഉണ്ടായത്. യാത്രക്കാര്ക്ക് അസ്വസ്ഥതയായി. ചിലരുടെ മൂ്ക്കില് നിന്നും ചെവിയില് നിന്നും രക്തം വന്നു. ഓക്സിജന് മാസ്കുകള് സീറ്റിലേക്ക് വീണു. ഓക്സിജന് മാസ്കുകള് താഴേക്ക് വീണതോടെ യാത്രക്കാര് ഭയന്നു. നിലവിളിയും കരച്ചിലുമുയര്ന്നു.
ഇതിനിടെ ചിലര് സോഷ്യല് മീഡിയയിലൂടെ , വിമാനം താഴേക്ക് വീഴുന്നെന്നും തങ്ങള് എല്ലാം മരിക്കാന് പോകുന്നെന്നും വീട്ടിലേക്ക് സന്ദേശവുമയച്ചു. വിമാനത്തില് നിന്നുള്ള വീഡിയോ ദൃശ്യങ്ങള് കണ്ട് മറ്റുള്ളവരും ഞെട്ടി.
യാത്രക്കിടെ കാബിനിലുണ്ടായ പ്രഷറൈസേഷന് ക്രമക്കേടാണ് വിമാനം താഴേക്ക് പതിക്കാന് കാരണമായത്. 39,000 അടി ഉയരത്തില് പറക്കുന്നതിനിടെയാണ് വിമാനം 10,000 അടി താഴേക്ക് പതിച്ചത്.
ഏഴര മിനിറ്റോളം ഈ രീതിയില് വിമാനം പറന്നു. 60 മുതല് 90 സെക്കന്ഡ് വരെ ഭയാനകമായ ഒരു സംഭവമായിരുന്നു, അവിടെ എന്താണ് സംഭവിക്കുന്നതെന്ന് ഞങ്ങള്ക്ക് ശരിക്കും അറിയില്ലായിരുന്നു. ഭയപ്പെടുത്തുന്ന നിമിഷമായിരുന്നുവെന്ന് യാത്രക്കാരില് ഒരാള് പറഞ്ഞു.
https://www.facebook.com/Malayalivartha