മനുഷ്യൻ പ്രകൃതിയോട് കാണിക്കുന്ന ഓരോ ക്രൂരതകൾക്കും പ്രകൃതി മാത്രമല്ല അനുഭവിക്കേണ്ടി വരുന്നത് മനുഷ്യരുമാണെന്ന ചിന്ത ആരും ഓർക്കാതെ പോകുന്നു എന്നതാണ് സത്യം. ചെക്കാ യാഥാർഥ്യങ്ങൾ മനസിലാക്കുന്നതിലും അപ്പുറം അതിന്റെ പരിണിതഫലങ്ങൾ വൈകാതെ തന്നെ എത്തിക്കഴിഞ്ഞു എന്നതിന്റെ ഉദാഹരണം തന്നെയാണ് നാം ഇപ്പോൾ കണ്ടുവരുന്നതും. കടലിലെ ഓക്സിജന്റെ അളവ് ക്രമാതീതമായി കുറയുന്നതായി വ്യക്തമാക്കുന്ന പഠന റിപ്പോര്‍ട്ട് പുറത്ത്. ഇന്റര്‍നാഷണല്‍ യൂണിയന്‍ ഫോര്‍ കണ്‍സര്‍വേഷന്‍ ഓഫ് നേച്ചര്‍ (ഐ.യു.സി.എന്‍.) പുറത്തുവിട്ട പഠനറിപ്പോര്‍ട്ടിലാണ് ഇക്കാര്യം വ്യക്തമായി തന്നെ പറയുന്നത്. കാലാവസ്ഥാ വ്യതിയാനം കാരണം ഉയരുന്ന ചൂടും ധാതുമലിനീകരണവുമാണ് ഇതിനു പ്രധാന കാരണങ്ങളായി ശാസ്ത്രജ്ഞർ ചൂണ്ടിക്കാണിക്കപ്പെടുന്നത് തന്നെ.

അതോടൊപ്പം തന്നെ 1960 -കളില്‍ 45 സമുദ്രഭാഗങ്ങള്‍ മാത്രമാണ് ഓക്സിജന്‍ ശോഷണം നേരിട്ടിരുന്നതെങ്കില്‍ ഇന്നിത് 700 ഭാഗങ്ങളിലേക്ക് വ്യാപിച്ചു. വ്യാവസായിക, കാര്‍ഷിക മേഖലകളില്‍ ഉത്പാദിപ്പിക്കപ്പെടുന്ന നൈട്രജനും ഫോസ്ഫറസും കലര്‍ന്ന് സമുദ്രജലത്തിലെ ഓക്സിജന്റെ അളവ് കുറയുന്നെന്നത് നേരത്തേ വലിയ ചർച്ചയായി മാറിയിട്ടുണ്ട്. എന്നാല്‍, ഇപ്പോഴത്തെ കാലാവസ്ഥാ വ്യതിയാനവും ഓക്സിജന്റെ അളവിനെ ഗുരുതരമായി ബാധിക്കുന്നുവെന്നാണ് പുതിയ കണ്ടെത്തല്‍ എന്നത് അതീവ ഗുരുതരമായ കാര്യമായി മാറിയിരിക്കുന്നത്.

കാര്‍ബണ്‍ ഡയോക്സൈഡ് വര്‍ധിച്ച്‌ ഹരിതഗൃഹ പ്രഭാവത്തിന്റെ ഫലമായുണ്ടാകുന്ന അധികചൂട് കടലിലാണ് ശേഖരിക്കപ്പെടുന്നത് തന്നെ. ഇങ്ങനെ ചൂടധികമുള്ള കടല്‍ജലത്തിന് ഓക്സിജന്‍ തന്മാത്രകളെ സൂക്ഷിക്കാനുള്ള കഴിവ് പതിയെ നഷ്ടപ്പെടുന്നതായിരിക്കും. 1960 മുതല്‍ 2010 വരെയുള്ള കാലയളവില്‍ കടലിലെ ഓക്സിജന്‍ വാതകത്തിന്റെ ലയിക്കുന്ന തോത് രണ്ടുശതമാനം കുറഞ്ഞതായും പഠനങ്ങൾ വ്യകതമാക്കുന്നത്. ചില മേഖലകളില്‍ ഇത് 40 ശതമാനമാണ് എന്നതും ഭയാനകം തന്നെയാണ്.