കൊറോണ വൈറസ് ബാധ; പകർച്ച തടയാൻ നോട്ടുകൾ ഉടൻ അണുവിമുക്തമാക്കുമെന്ന് ചൈനീസ് സർക്കാർ;14 ദിവസം കൊണ്ട് അള്ട്രാവയലറ്റ് രശ്മികള് ഉപയോഗിച്ചോ ചൂടാക്കുന്നതടക്കമുള്ള മാര്ഗങ്ങള് സ്വീകരിച്ചോ അണുവിമുക്തമാക്കി നല്കും
ലോകത്തെയാകെ ഭീതിയിലാഴ്ത്തി കൊറോണ വൈറസ് ബാധ ലോകം മുഴുവൻ പടർന്നത് വളരെ പെട്ടെന്നായിരുന്നു. ചൈനയിൽ മാത്രം ആയിരത്തിലധികം പേർ വൈറസ് ബാധയേറ്റ് മരിച്ചിരുന്നു.
കൊറോണ ആദ്യമായി സ്ഥിരീകരിച്ച ചൈനയില് ആളുകള്ക്ക് പുറത്തിറങ്ങുന്നതിന് ഇപ്പോഴും വിലക്കുകകൾ തുടരുകയാണ് . ഇതിനിടെ കൈമാറിയെത്തുന്ന നോട്ടുകളും വൈറസിന്റെ വാഹകരാകാമെന്നതിനാല് നോട്ടുകള് അണുവിമുക്തമാക്കി നല്കാമെന്ന് ഉറപ്പുനല്കിയിരിക്കുകയാണ് ചൈനീസ് സർക്കാർ .
കൊറോണ വൈറസ് കൂടുതലായി ബാധിച്ച നഗരങ്ങളില് പഴയനോട്ടുകള് കൈമാറുന്നതിനെ ചൈനീസ് സര്ക്കാര് വിലക്കിയിരുന്നു. വൈറസ് പകർച്ച തടയാൻ നോട്ടുകള് അണുവിമുക്തമാക്കാനുള്ള കൂടുതല് മാര്ഗങ്ങള് തേടുകയാണ് കേന്ദ്രബാങ്ക്. പണമിടപാടുകാരോട് ആശുപത്രികളില് നിന്നും മാര്ക്കറ്റുകളില്നിന്നും ലഭിക്കുന്ന നോട്ടുകള് വേര്തിരിച്ച് വയ്ക്കാനും ആവശ്യപ്പെടുന്നുണ്ട്.
കൊറോണ വൈറസ് ഏറ്റവുമധികം ബാധിച്ച പ്രദേശങ്ങളിലെ നോട്ടുകള് വീണ്ടും വിതരണം ചെയ്യുന്നതിന് മുമ്പ് 14 ദിവസം കൊണ്ട് അള്ട്രാവയലറ്റ് രശ്മികള് ഉപയോഗിച്ചോ ചൂടാക്കുന്നതടക്കമുള്ള മാര്ഗങ്ങള് സ്വീകരിച്ചോ അണുവിമുക്തമാക്കി നല്കും എന്നാണ് ചൈനയിലെ പീപ്പിള്സ് ബാങ്ക് ഡെപ്യൂട്ടി ഗവര്ണര് ഫാന് യിഫേ വെളിപ്പെടുത്തി.
https://www.facebook.com/Malayalivartha