ടി.വി അവതാരക കരോലിന് ഫ്ലാക്കിന്റെ ആത്മഹത്യയ്ക്ക് കാരണം?
ബ്രിട്ടനിലെ പ്രശസ്തമായ ടി.വി. റിയാലിറ്റി ഷോയായ ലവ് ഐലന്ഡിന്റെ മുന് അവതാരകയായിരുന്നു കരോലിന് ഫ്ലാക്. കഴിഞ്ഞ ശനിയാഴ്ചയാണ് ലണ്ടനിലെ ഫഌറ്റില് കരോലിന് ഫ്ലാക്കിനെ മരിച്ചനിലയില് കണ്ടെത്തിയത്. ഫ്ലാക്കിന്റെ ആത്മഹത്യയ്ക്ക് കാരണം ജയിലില് പോകേണ്ടിവരുമെന്ന ഭയമായിരുന്നുവെന്ന് സൂചന. ആണ്സുഹൃത്തിനെ ആക്രമിച്ചെന്ന കേസില് മാര്ച്ചില് വിചാരണ തുടങ്ങാനിരിക്കെ ജയില്ശിക്ഷ ലഭിക്കുമെന്ന് കരോലിന് ഭയപ്പെട്ടിരുന്നതായി അവരുമായി അടുത്തബന്ധമുള്ളവര് പറഞ്ഞു.
എന്നാല് കഴിഞ്ഞ ഡിസംബറില് ഒരു കേസില് ഉള്പ്പെട്ടതോടെ കരോലിന്റെ ജീവിതം മാറിമറിഞ്ഞു. ആണ്സുഹൃത്തായ ലൂയിസ് ബര്ട്ടണെ(27) ആക്രമിച്ചെന്നതായിരുന്നു കരോലിനെതിരായ കേസ്. ഈ കേസില് കരോലിനെ പോലീസ് അറസ്റ്റ് ചെയ്തെങ്കിലും പിന്നീട് ജാമ്യം ലഭിച്ചു. മാര്ച്ചില് വിചാരണ ആരംഭിക്കാനിരിക്കെയാണ് മരണം. കഴിഞ്ഞദിവസങ്ങളില് കരോലിന് കടുത്ത സമ്മര്ദം അനുഭവിച്ചിരുന്നതായും കേസില് നിരപരാധിയാണെന്ന് ആവര്ത്തിച്ച് പറഞ്ഞിരുതായും സുഹൃത്തുക്കള് പറഞ്ഞു.
https://www.facebook.com/Malayalivartha