ഹമാസ് ഇസ്രായേല്‍ സൈനികരുടെ മൊബൈല്‍ ഫോണുകള്‍ ഹാക്ക് ചെയ്‌തെന്ന് റിപ്പോര്‍ട്ട്. ഹമാസിന്റെ ഹാക്കിംഗ് ശ്രമം ഇസ്രായേല്‍ സൈന്യം സ്ഥിരീകരിച്ചു. യുവതികളാണെന്ന വ്യേജന സൈനികരുമായി ബന്ധം സ്ഥാപിച്ചാണ് ഹാമാസ് ഹാക്കിംഗ് നടത്തിയത്. അതേസമയം ഫോണുകളില്‍ നിന്ന് പ്രധാനപ്പെട്ട വിവരങ്ങളൊന്നും നഷ്ടപ്പെട്ടിട്ടില്ലെന്നും കൂടുതല്‍ സൈനികരെ കെണിയിലാക്കുന്നതിന് മുമ്ബ് സൈബര്‍ ആക്രമണം പരാജയപ്പെടുത്തിയതായും ,ഇസ്രായേല്‍ പ്രതിരോധ വിഭാഗം അറിയിച്ചു.

യുവതികളാണെന്ന വ്യാജേന സൈനികരുമായി അടുപ്പത്തിലായി പ്രത്യേക ലിങ്ക് വഴി മാല്‍വെയറുകള്‍ കടത്തിവിട്ടാണ് ഫോണുകള്‍ ഹാക്ക് ചെയ്തിരുന്നത്.ഇതിനായി ഹമാസിന്റെ ഹാക്കര്‍മാര്‍ അര്‍ദ്ധനഗ്‌നരായ യുവതികളുടെ ചിത്രങ്ങളാണ് ഉപയോഗിച്ചിരുന്നത്.. യുവതികളുടെ ചിത്രങ്ങളും ഇസ്രായേല്‍ പ്രതിരോധ വിഭാഗം പുറത്തുവിട്ടു. ഹീബ്രു യുവതിയാണെന്നും കേള്‍വി തകരാറെന്നും പറഞ്ഞ് സൈനികരുമായി ബന്ധം സ്ഥാപിക്കുന്ന ഇവര്‍ പിന്നീട് ചിത്രങ്ങള്‍ കൈമാറാനാണെന്ന് പറഞ്ഞ് പ്രത്യേക ലിങ്ക് അയച്ചുകൊടുക്കും,? ഈ ലിങ്കില്‍ ക്ലിക്ക് ചെയ്യുന്നതോടെയാണ് സൈനികരുടെ ഫോണില്‍ മാല്‍വെയറുകള്‍ ഡൗണ്‍ലോഡാകുകയും ചിത്രങ്ങളും ഫയലുകളും നമ്ബരുകളും അടക്കം ചോര്‍ത്തിയെടുക്കുകയും ചെയ്യും. ഫോണിന്റെ ഉടമ അറിയാതെ ചിത്രങ്ങളെടുക്കാനും റെക്കോഡിംഗ് നടത്താനും സാധിക്കും. ഇത് മൂന്നാംതവണയാണ് ഹമാസ് ഇസ്രായേല്‍ സൈനികരുടെ ഫോണുകള്‍ ഹാക്ക് ചെയ്യാന്‍ ശ്രമിക്കുന്നതെന്ന് സൈനിതക അറിയിച്ചു.എന്നാല്‍ മാസങ്ങള്‍ക്ക് മുമ്ബ് തന്നെ ഹമാസിന്റെ നീക്കം തിരിച്ചറിഞ്ഞതായും അതിനാല്‍ വിവരങ്ങളൊന്നും നഷ്ടമായിട്ടില്ലെന്നും ഇസ്രായേല്‍ സൈന്യം പറയുന്നു.