കൊറോണ വൈറസ് മൂലം ചൈനയില് മരിച്ചവരുടെ എണ്ണം 1,868 ആയി ഉയര്ന്നു...
കൊറോണ വൈറസ് മൂലം ചൈനയില് മരിച്ചവരുടെ എണ്ണം 1,868 ആയി ഉയര്ന്നു. തിങ്കളാഴ്ച മാത്രം 98 പേര്ക്കാണ് രോഗം ബാധിച്ചത്. 72, 436 പേര്ക്ക് ഇതുവരെ രോഗം സ്ഥിരീകരിച്ചു. ഇവരില് ഡോക്ടര്മാരും നഴ്സുമാരും ഉള്പ്പെടെ 1,800ഓളം ആരോഗ്യപ്രവര്ത്തകരും ഉള്പ്പെടുന്നു.
കൊറോണ വൈറസ് രോഗത്തെ നേരിടുന്നതിന് ചൈനയ്ക്ക് എല്ലാ സഹായവും ഇന്ത്യ വാഗ്ദാനം ചെയ്തിട്ടുണ്ട്. ചൈനയിലേക്ക് മെഡിക്കല് സാമഗ്രികള് ഉടന് അയയ്ക്കുമെന്ന് ഇന്ത്യന് സ്ഥാനപതി വിക്രം മിസ്റിയാണ് അറിയിച്ചത്.
ആരോഗ്യ പ്രവര്ത്തകര്ക്ക് മാസ്കുകളും കൈയുറകളും സ്യൂട്ടുകളും മറ്റും ആവശ്യമുണ്ടെന്നു നേരത്തെ ചൈന വ്യക്തമാക്കിയിരുന്നു. ചൈനയിലേക്ക് അയയ്ക്കേണ്ട മെഡിക്കല് സാമഗ്രികള് എന്തെല്ലാമാണെന്ന കാര്യം പരിശോധിച്ചുകൊണ്ടിരിക്കുകയാണെന്ന് ഇന്ത്യന് ഉദ്യോഗസ്ഥര് അറിയിച്ചു. രോഗം പടരുന്നതു തടയാനായി ഹുബൈയ് പ്രവിശ്യയിലെ ആറു കോടിയോളം പേര്ക്ക് യാത്രാവിലക്ക് ഏര്പ്പെടുത്തിയിരിക്കുകയാണ്. സ്വകാര്യ കാറുകള് നിരോധിച്ചു. വളരെ അത്യാവശ്യ ഘട്ടത്തില് മാത്രമേ വീടിനു പുറത്തിറങ്ങാവൂ എന്നും ജനങ്ങളോടു നിര്ദേശിച്ചിട്ടുണ്ട്. മൂന്നു ദിവസം കൂടുമ്പോള് ഓരോ വീട്ടില്നിന്ന് ഓരോരുത്തര്ക്ക് അത്യാവശ്യ സാധനങ്ങളും ഭക്ഷണവും വാങ്ങാന് പുറത്തിറങ്ങാം.
https://www.facebook.com/Malayalivartha